انا يعينج في عسل العويد يمدحون فيه خوذي اليمني مو الباكستاني اهما بيعلمونج شلون تعطينه حسب عمره صراحه حلو عطيته ولدي بس ماتحمله لان عمره اربع شهور
السلام عليكم اختي مادري يمكن حالة ولدج نفس بنتي اذا كان يلعب عاي مافيه شي فيمكن اللعب ماخذ عقله اهم عنده من الاكل نفس بنتي عادي عندها ماتاكل المهم تلعب انصحج مثل ما نصحني الدكتور حليب بدياشووور واااااايد زين يفتح الشهية وغني بالفيتامينات وان شاء الله مافيه الا العافية
بعد عمري حدج كسرتي خاطري بس صدقيني انا حاسه فيج..بنتي العودة عمرها 3 سنين الحين الله يحفظها كانت نفس ولدج بالضبط وعلى فكرة توة صار وزنها طبيعي لا ومو من زود اكلها من الحليب اللي تشربه بالليل اكلها قليل مرة تاكل ومرة يمر يوم كامل وما تاكل الا وجبة وحدة بس..نصايحي لج التالي: 1.وديها حق دكتورة برويال حياة اسمها نسرين حيل شاطرة وخل تسوي تحليل دم حق ولدج ترى فقر الدم يسبب قلة شهية وهذا اللي كان ابنتي. 2.يقولون حطي قفشة سمسم مطحون يتفخ الياهل بس ما جربتها جربت شوفان طحني وخلطي بالحليب يعطي صحة دكتورة قالتلي. 3.حطي الاكل جدامه وكلي وخليه لا تشيلينة خل يشوف الاكل جدامة وجربي ما تقولينلة اكل ساعات يعاندون..حطي جزر خيار وسوالف قصصيه طوالي او مدور خلي شكلة يشوق. 3.جربي تخلينه يسوي اكلة وياج توست وهو يدهنها بجبن..يقمس الخبز بشي ..يعني شغلات خفيفه؟ وانشاء الله اكون افدتج حبيبتي الله يحفظه.
خلية يأكل مع جمعة بين اليهال يتشجع او سوي مثلي مرة غني ومرة صفقي مرة يببي لووووووووووووووووش علشان لقمة او لقمتين
والله يا ام الريش ان حالة ولدج نفس حالة ولدي جنج تتكلمين عنه وآنا داشه القسم عشان بكتب عن حالته ولا اقرا الي كاتبته ,,,,,,,,,, الي عور القلب بزود لما حمولتج اقولون ...هاو شنو ما توكلينه ؟ ولا .... هذا اهوا ماتغير من ولدتيه !!! انزين شسوي ؟؟؟ يعني معقوله آنا بيوع ولدي .... صج ان مو شرط المتن اكون صحه بس هم الضعف مو حلو ...... ولي عافيج يا ام الريش اذا لقيتي حل حق ولدج ذكريني ياعمري ..... الله يساعدنا
أنا اعرف وحدة تعطي حق بنتها حديد موصوف لها والبنت ما كانت تاكل وكانت بس ترضع وبالغصب الحين ماشالله عمرها سنه و8 اشهر ومافيها شي ماشالله الله يحفظها انشالله واتحجى وكل شي اتسوي حتى الحمام كرمكم الله تقول لما تبي بس انا اعرف المشهيات والحديد وهالحجي لازم فوق ال 6 اشهر ولازم الطبيب اهوا اللي يقول اتمنى اكون افدتج
الله يعينج شوفي يالغاليه انا بنتي مثل حالة ولدج لما كان عمرها سنه فطمت نفسها بنفسها ماخليت لا دواء حريم ولا عسل فاتح شهيه ولا ادويه بس من غير فايده وهي الحين اسم الله عليها عمرها5سنوات وليما الحين ما تاكل الا بالغصب ووزنها مو على عمرها صج قهر بس الله المستعان والله يشافي ولدج وما يطلع مثل بنتي ويشافيهم يارب
ممكن السبب يكون الاسنان حاولي تعطيه فيتامينات وكالسيوم خاصة تجي للاطفال من الصيدلية لانه بهالعمر لازمه مغذيات لانه وقت اسنان وصار بيمشي ومحتاج نشاط اذا ما ياكل عوضي له بالفيتامينات او شوفي اخصائي تغذية
