تجربتي مع الكيراتييين

يا بنات سويت الكيراتييين اليوم تعالوا تابعوا معاي كل يوم بحطلكم شيصير معاي ليما اغسله و اقولكم النتيجه النهائية ..



اليوم بالصالون غسلوا شعري بشامبوهم مال الكيراتين

و بعدين نشفوا بالاستشوار سوووه كشه

و تالي حطوا المادة على الشعر كله

و اخر شي بدووا يسوون السيراميك ( الستريتنر )



وقالت لي ارد باجر عشان تسشوررره والغسيل عقب 3 ايااام



يالله باجر ارد اقولكم شيصير :teeth_smile:

متابعينج حبيبتي
بس باي صالون وبجم ولماسوولج السراميك طلعت ريحه قويه الللي تخنق وتخلي الدموع اربع اربع
<<<<<<<<<<<<فضوليه

اممم سويته بصالون مس توته بحولي .. ب 55 شعري تحت جتفي ب5 سانتي .. احترقت عيني بس مو وايد يعني مو لدرجه اني قمت ابجي بس دمعت شوي والريحه ماكانت قويه وايد و السيراميك بالصالون مايخذون عليه بس لو اهيا تييلج البيت تاخذ 5 يالله اليوم لما ارد من عندهم اقووولكم شيصير معاي لوول شعري للحين في الدوا و متحنط

عليج بالف عافيه بس ما قلتي بجم سويتيه ؟؟

ويتي حبيبتي :انا شعري تحت جتفي بتقريبا 5 سانتي و سوتلي ياه ب 55

تقرير اليوم لووول سوولي سيراميك و بعدين استشوار لوووول الله لا يوريكم شعري لازق بويهي يالله ميخالف هاااانت


اي احب اضيف ملاحظة حق الي حابه تسوي ترى الكيراتين المفروض انه مايفرد الشعر وايد بس شوي مو مثل التميلس يعني الي تقولج شعرج بيصير حرير عرفي انه مخلوط بتمليس وانه بيطيح شعرج وانحاشي واحسن واحد ماركته قلوبل بريطاني واهوا ايي جاهز ماينخلط بشي بالصالون

للامانةلحد يسوى عند صالون كازمارا قطعو شعر

ووووي بعد عمري والله ماتستاهلين .. بس انتي تأكدتي من نوعية الكيراتين الي حطولج ياه ؟ و شعرج شكثر فرد عقبه لانه المفروض انه مايفرد وايد اهوا مو تمليس فبحالة انه فرد معناته مخلوط بتمليس وهذا الي يخلي الشعر يطيح


سألوا يا بنات قبل لا تسووون أمنوا على شعوركم اهوا الاصلي برازيلي مكتبهم ببريطانيا يعني لو يقولج برازيلي ولا بريطاني نفس الشي اسمه قلوبل لازم يكون فورمالدهايد فررري ويصبونه جدامج من العلبه مايخلطونه بشي انا سوولي الي على جوكليت لونه كان وردي اتوقع اهوا الي اكثر شي يستخدمونه


يالله ترقبوووا روحتي الصالون اليوم لوول

موووووووووووفقه

احنا وياج بسالج تجي البيت

يالله بالعافيه حيااتي xD

زييين انا شعري طول ظهري تتوقعين جم بيصير ؟

لان امي تقول شعر البوي ب 150 عند عبير الياسين وشعري بيصير الف =/

حده شدعوه هالسعر انا انصدمت لوول

اذا شعرج تحت جتفج ب 55 تتوقعين شعري ب 150 او 200 ؟؟

اييي تييي البيت بس اول مرة تسوي فيها الكيراتين ماتاخذ فيها زياده بس سعر الكيراتين بعدين ال3 ايام ملوت السيراميك تاخذ 5 على كل يوم بس لو انتي رحتي ماتاخذ منج شي

ام محسين حبيبتي مشكورة

الله يعافيج يا قلبي اتوقع تسويلج 75ولا80 عموما ماتاخذ وايد ولو كاسرتيها و قلتيلها انا بصير زبونتكم ولا من هالحجي هم تنزل اهي قالتي انا اقدر انزل بسعر الكيراتين اما الشامبو والبلسم لأ

انزين ابي اقولكم شغله اهما بالصالون الشامبو والبلسم يبيعونه 25 مال قلوبل وانا دقيت على وحده اسمها ام اروى قالتلي تبيعه ب15 !! بشتري منها والله خوش وحده حبوبه و حليوه و وايد مادحينها بمنتدى ثاني

بنات ابشركم غسلت شعري اليوم و النتيجه وايد حلوة شعري صار وايد انعم ماصار ستريت بس فرد شوي الكسرات و انا شعري من جدام كان ناشف الحين صار ناعم انا بنطر اذا شعري ماطاح بطلب المجموعه مالت الكيراتين من الانترنت و بسويه حق نفسي طريقته سهلة و مايبيله شي اي و احسن تسوونه وقت الدورة لانه لازم مايحوش الشعر ماي 3 ايام

مبروووووووك عل النتيجه والحمدلله إنها إطلعت أوكي بس حبست أسأل شعرج كلش ما يحت؟؟؟والأطراف مو ناشفه؟؟

وعفيه حطيلنا وصف لطريج الصالون وين صاير بالضبط؟؟ورقم التليفون؟

ميييييرسي

​

والله شوفي انا شعري توني اليوم غسلته فما قدر احكم يطيح ولا لأ بس عموما اليوم ما طاح

الصالون بحولي بس مو تدشين داخل حولي صاير العمارات الي برى يعني جبال رويال حياة تحته مطعم قريت ستيك روحي عند تهاني قوليلها انا من طرف مريم وقوليلها تسويلج خصم ماعرف رقم صالونهم بس عندي رقم وحده تشتغل هناك 99599846

و بالنسبه للشامبو مع الكوندشنر عقب الكيراتين لا تشترينه من عندهم لانه يبيعونه غالي 25 و العلبه صغيره 300 مل يعني حرام
انا شريته من وحده باعتلي ياه و مع الكوندشنر ب15 و اهوا نفسه الي عندهم

والي عندها اي سؤال بخصوص الكيراتين تتفضل تسأل لوول صار عندي خبرة من كثر ماقريت عنه قبل لا اسويه من الخرعة

:wink_smile:ياحياتي يالسميه ابي اسأل اذا ممكن؟ بخاطري اسويه بس خايفه شعرى يصير ناعم باللحيل كان لاحستني بقره ابيه يصير الطبيعي انا شعري ناعم بس عيبه ناشف شوى وما فيه رده بس الاطراف موليه وابي اقصه لانه كل مره قصير اول مره اصبر واطوله لاخر ظهري ناطره ردك

حبيبتي ساروونه اهوا مايفرد وايد لوول لاتخافين مايصير ملحس ترى الكيراتين انواع في شي يفرد 2% و في شي يفرد 4% و في شي مافي فرد نهائيا على حسب نسبة الفورمالدهيد انا الي سويته 0% فورمالدهيد تأبكدي شنو الي راح يحطونلج ياه شوفيه بنفسج و بعدين الكيراتين العلاج مو الفرد اهوا الي ذكرت طريقته باول الموضوع اما لو حطولج ياه و غسلوا بنفس اليوم و عشان الشعره تتمقط معاهم فهذا تمليس فرد شعري مو وايد شوي بس يعني للحين شعري مكسر بس انه الكسرات كبروا عرفتي يعني شبه ويفي صار و نفسج انا شعري كان ناشف الحين مشالله وايد حلو و اذا قررتي تسوينه قصي الاطراف عقب ماتسوينه احسن ..

اي احب اقولج شي بعد لما تدشين موقع الشركة راح تلاقين وايد انواع من الكيراتين في نوع يكون علاج بس و يخلي الشعر على طبيعته بس مادري اذا موجود ولا لأ بالكويت وتقدرين تطلبينه من الموقع و ترى طريقته سهله

و عشان اطمنج اكثر اهيا صاحبة الصالون عندها ضمير يعني انا لما شافت شعري قالتلي ترى مراح يصير ستريت قلتلها اوكي انا مابي ستريت يعني غشتني ولا خلطتلي ياه اهيا .. وريها شعرج قوليلها انا شعري ناعم بس مشكلته ناشف و ابي كيراتين

عالخدود يهفهف وبيرجع يطييييير
صاج عبدالحليم
الله يستر علي شعرج​