بسم الله الرحمن الرحيم والله انا عارفة انو ما فى حل لمشكلتى بس قلت خلينى افضفض قبل ما يصيرلى انفجار او يمكن اموت من القهر انا بنت من 3 بنات انا صغيرتهم مشكلتى بدات من طفولتى وانا اعانى من من معاملات امى السيئة لى وتميزها لاخواتى عنى فى كل شى وكانى لست ابنتها نحن والحمد لله عائلة مرتاحة ماديا يعنى مو ناقصنا شى بس شعورى الدائم باضطهاد امى لى يحسسنى بالم فظيع لما امك واقرب الناس لك تكون دائما ضدك وهى اول الناس تحاربك وتتعمد انها تالمك والله انى صارت عندى حالة عدم ثقة بنفسى وصرت اخاف منها وما احب اقعد معاها بس شو بعمل هى امى وما اقدر اسوى شى بس سؤالى هل ربى العالمين يرضى بى الهشى لانها امى ومن حقها تعمل فينى شو ما بدها طبعا انا ما حكيت تفاصيل لانى ما رح اخلص عذاب سنين بصفحة اتمنى يكونلى اجر عند الله
حبيبتى يمكن انتى مسويه شى قلط ومك مضايقه منه او تصرفاتك غير عن خواتك الله يهون عليك وكثرى من الاستغفار تراه ولله ينفعك حيل صدقينى
السلام عليكم اختي العزيزة مبين من كلامج انج صغيره بالسن وعسى الله يريح بالج ويسعدج في دنيتج ومبين ان عندج كلام مو عارفه شلون تطلعينه راح اختصر عليج كل الكلام الي بتقولينه بكم كلمه بسيطه وعسى انها تريحج بس لازم تفهمين وتقتنعين في هالكلام اولا الام (بشر) يعني حالها من حالج وحالي يعني تخطي وتظلم ولا على راسها ريشه مثل مااحنا نخطي اهي بعد تخطي وتظلم ولكن الشي الي يعور قلوبنا ان نكلم انفسنا ونقول شلووووون الام تظلم بنتها او تخطي عليها او تفرق بالمعامله بين اخواتي وهذا السؤال جوابه بسيط لانها (بشر ) مو كل شي نبيه نقدر نسويه او نعدله بيوم ولليله ولحظه وخصوصا مع الوالدين لان الام والاب مهما كبرتي انتي بنظرهم صغيره وخصوصا الام مهما سويتي شي صح واهي مو مقتنعه راح تقولج غلط وتحملج هذا الغلط الامور الي راح تقولينها انا فاهمها كلها بس انتي تبين حل مع الوالده وهذا شي صعب ولكن ماهو مستحيل نبتدي في العلاج الاسهل الي اهو معاج انتي ليش ماانتي تتأقلمين في هالشي او تقتنعين في هالشي اولا الوالده ام ومن الصعب الام تعترف لبنتها انها اخطات او ظلمتها ولازم تحطين هالشي بااعتبارج ثانيا انتي ممكن بنت تبين تكون لج شخصيه مستقله ماتتدخل فيها الوالده هذا من حقج ولكن لازم تعرفين ان الوالده هم تبي تكون شخصيتج على مزاجها لانها امج او بالاصح اهي تشوف انها الام وهذا دورها الانتقاد فقط اشياء كثيره لو بتكلم ماراح نخلص واقولج الزبده امج عايشه وعسى الله يطول في عمرها والله ثم والله لو تظلمني مليون مره باليوم انا راضي بس اشوفها مرتاحه ومتهنيه وسعيده في حياتها والله مانلحق جزاتها مهما سوينا والحين نتذمر ونقول ظالمتي لو انا مكانج بالعكس خليها تظلمني عادي والله في بيوت الام ماتدري عن بنتها وفكري دايما انج انتي احسن من غيرج وعسى الله يوفقني انا وياج واكون فهمتج ولو شي بسيط سلام
مشكورين كللكم حبيباتى وخصوصا جميلة مشكورة كتير على النصيحة احسك فاهمة شو انا عانيت وانا والله خلاص تاقلمت مع وضع الظلم وصار عندى عادى بس احياننا الواحد يحتاج يطلع اللى فى قلبه وانا الحمد لله الله بعتلى نصيبى يعنى مو مطولة كتير بالبيت ونا والله برغم ظلمها لى والله ما اقدر اعيش من غيرها واموت لو بعدت عنها وبدعيلها دايما بالصحة والعافية يمكن بس اتزوج تصير تحبنى اكتر او تتغير معاملتها الله كريم بس
شوفي ياقلبي ... انتي اذا بتسوين شي تذكري انج بتسوين الشي لربج .. يعني اذا بترضين ربج ارضي امج ع قد ماتقدرين حاولي تشوفين الاشياء الايجابية اللي فيها حاولي تدللينها حاولي انتي تتقربين منها .. حتى لو قسى قلبها عليها حاولي تاخذين الشي عن الغشمرة .. الله يهديها لج ياااااارب
عسى الله يحنن قلب امج عليج ويسخرهااا لج صدقيني حبيبتي ,,,مرااح تحسين بالامومه واكيد ولااام تكره بنتهاااا الاا لماااتجربين انج تكونين ام,,,,,,, عسى الله يخليلناا امهاتناا ويحفظهم ويهديهم لنااااا بالتوفيق انشالله,,,,
الله يهدي لج امج ياقلبي انا حاسه فيج واعرف كثير بنات يعانون نفس معاناتج بس ساكتين لانهم واثقين بحب امهم لهم ولان الجنه تحت اقدام الامهات ومثل ماقالت حبيبتي ’’ عذابي دودو ’’ مابتحسين باحساس امج الا وقت تصيرين ام الله ايسر لج امرج ويهديج ويوفقج ,, آمين ,,
والله انا كنت نفس حالتج وانا بعد اصغرهم وكانت دايم كل ما تشوفني تحط حرتها فيني وانا مالي الا المخده اروح واصيييييييييييييييييييييح لين انام ما دري شفيها وبعدها وجهتها وقلت ليش انا بالذات وحسيتها شوي انكسر خاطرها علي والحين الحمدلله ارجعت امي اللي القديمه الحنونه وعليج خيتو انج تدللينه واي شي انشالله ومن ذالك الكلام الحلو والمساج وانشالله تحسن حالتج ويفرج همج والله يعينج
حبيبتي الام مهاها قست فهي تحب عيالها لا تقوليييين ماتحبج يمكن انتي مقصره معها ويمكن تبي مصلحتج ومافيه ام تفرق بين عيالها صدقينيوراح تحسين في حجياني ام واعرف قلب الام علي عيالها وصدقيني انج راح تحسن في حجي يوم تتتزوجين ويجونج عيال انشاء الله واصبري وقولي حاضر اي شئ امج تبي بس يكون يرضي الله سبحانه ثم امج وصدقيني ربي برضي عليج ان جنه تحت اقدام الامهات قال تعال..ولا تقل لهم اف ولا تنهرهما ..
حبيبتي مثل ما قالوا ماكوا ام تكره عيالها مهما سوو وانا ام واعرف هالشئ بس بعض الامهات يكونون حارين شوي او عصبيين وانتوا بهالعمر تكونون حساسين زياده عن اللزوم بحكم المرحله اللي تمرون فيها وما اقول غير الله يهدي لج امج ويهديج لها آمين..
الله يهديلج امج حبيبتي 00 حاولي دايما انج ماتضايقينها 00 وحاولي تروحين تقعدين معاها وتبوسين راسها وتصارحينها 00 وعسى الله يخليلنا امهاتنا ولا يحرمنا منهم يااااااااااارب لأن مالنا غيرهم 00
في عمر معين تحس البنت انه مو مرغوب فيها بس امج ولله تحبك انا حاسه فيج على العموم هذي امك ماعليك الى الصبر ولج الاجر حبيبتي
عادي ليش خايفه انا امي لمه كنت اقعد معها كانت تضربني ليمه يصير جلدي احمر وكانت ماتعطيني ويهه تعاملني مثل الخدامه يم من الايام ييت من المدرسه واهيه كانت تدري انه هذا اليوم بيعطونا الشهادات وقتها كان عمري 16 سنه شافت شهادتي وله 3 مواد في دويحه جان تقولي قعدي على الغنفه ومدي ايدج واي حركهتسوينها ازيد الوقت وضليت اربع ساعات وعاديث يعني
