اول شي حبيت اسلم عليكم بنات واقولكم بما اني عضوه يديده بالمنتدى يؤسفني تكون اول مشاركه لي بهالشكل خل ادش بالموضوع وابيكم تفيدوني الله يسلمكم انا امس زوجي رجع من الدوام وكنت متكشختله ع الاخر وبعد ما تغدى قال ابي اريح شوي قلتل مو مشكله رحت معاه الغرافه وكنت اداعبه واهوه معطيني طاااف وبعدها قالي انا ابي انام عزة علي نفسي وانكسر بخاطري قلتله مو مشكله نوم العوافي مع اني انا مو ميته على يلعب معاي بس قلت يمكن يكون اهوه يبي هالشي فحلوه اذا طلعت مني المهم بدلت اللي انا لابسته ورحت لبست بجامة النوم عساس انام معاه لحد الحين مو هذا موضوعنا الموضوع ومافيه اني كل مابي انام العب لعبه بموبايله لمن ادوخ وانام هذا اليوم صار شي كسر قلبي عسى ربي ما يوريكم اللي شفته المهم ولا اقوله ابي الموبايل قبل لا يعطيني كان واحد يتصل واهوه يسكره بويهه المهم تكرر مره ومرتين لمن وصلوا خمس مرات انا انصدمت لازم اسأل منو اللي يتسكر الخط بويهه طبعا انا قلت هالكلمه وليتني ما قلت حسيت ان الريال بدأ يعتفس ويهه يقط الوان توه تعبان بينام اشوفه قام بدل ملابسه يبي يطلع سألته ولا يقول بزنز مع دوامي خلاصة الموضوع بعض صراخ مني ومنه صراخ لمن عرفت ان اللي يدق اللي مسيف بأسم ولد اهي بنت وهدلي البيت وطلع وبعدها يدق وانا ارد عليه الرقم ماله بأسمي انا فكرت اني اطلع برنت واعرف منو هالبنت بس بنفس الوقت متوتره مادري شسوي بليززز انا ما كتبت موضوع محرج وخاص بهالمنتدى الا لاني عارفه الموجودين فيه كلهم اسره وحده فحبيت تعتبروني اختكم وتقولون لي شنو اسوي معاه انا لحد الحين مو نايمه تعبانه حدي فكره توديني وفكره تيبتي والله يجزاكم ألف خير ولا يحرق قلبكم على غالي عندكم فديتكم
الله يصبرج حبيبتي مادري ليش رياييلنا جذيه والله احنا مانستاهل حبيبتي نصيحتي لاترضين بسرعه عشان لايتعود على هالشي كلميه وتفاهمي معاه قوليله انا شمقصره معاك وليش تسوي فيني جذيه انا مااستاهل والصراحه لو انا مكانج جان على طول رحت بيت اهلي ووالله مااردله ليما يحلف لي على المصحف انه ماراح يعيدها والله يوفقج ويصبرج ترا والله انا حاسه باللي فيج وانا بعد زعلانه ومتهاوشه لان ريلي سافر وصارله 5 ايام مادق ولادقيت
حبيبتي تسلملي نصايحج مرورج اللي فوق الروعه بس شتسوين لازم نستحمل المرا مالها الا بيت ريلها ويارب انشالله الله يبرد قلبج ويريح بالج ويدق عليج بأقرب وقت ويردلج سالم انشالله يارب امين
هلا حبيبتي والله مشاكل الرياييل ما تخلص بس بقولج على شغله صج الريال يحب المرا الذكيه بس مو دايما يعني في مواقف لازم تصيرين غبيه مو لانج غبيه بس عشان مصلحتج و مصلحة بيتج قبل كنت اشوف بتلفون ريلي ارقام و مسجات و اسكت مو معناته اني اطوفها حقه بس ادري اذا تكلمت من اول ما عرفت الشي بخرب الدنيا لان حدي بكووووون متضااااااااااااااااااااااايقه فالصبر امر جدا ضروري بهالمواقف تسوين روحج ما تدرين عن شي و تزيدين جرعة الدلال لان الريال لو واجهتيه بينكر و لو تحديتيه بعاند و لو اجبرتيه ان يهد هالشي عشانج راح يرجعله بيوم من الايام بس لما ما تقصرين معاه و ما تضغطين عليه و تصيرين انتي البريئه اللي ما تدري ريلها شسوي من وراها راح يأنبه ضميره و يحس ان اهو خاين وغشاش و ان رجولته اهتزت فراح يحاول يترك الشي عن اقتناع يمكن مو مره وحده بس بيتدرج ودايما حسسيه ان اهو احسن زوج و بين فتره و فتره قوليله عن قص ص الخيانات و وصفي شعور المرا بدون ما تحاولين تمسينه والله يعينج[ وراجعي نفسج يمكن انتي مقصره مع ربج فحب يبتليج عشان ترجعينله و تلجئينله و الفتره هذي فجي عن زوجج و لا تتهاوشين معاه و لا تحاولين تفتحين الموضوع بس اهتمي ببيتج و نفسج كشخي و طبخيله و غيري الديكور حسسيه ان في تغيير و انج ما تنطرين منه شي طمنينا علييييييييييج/size]
والله هالرياييل يرفعون الضغط ويمروضون الوحده ومو ناقصنا تعب يكفينا تعبنا علي البيت وعلي اليهال وهم رافعين نفسهم من كل مسؤولييه ...اختي الزعل وهد البيت ماينفع بالعكس جذي تعطينهم علي راحتهم بكل شي ....وانت اللي ببتعبين اكثر ولما يخلص بيردج الا انت الخسرانه ...حبيبتي ...عالجي الموضوع بذكاء ...والرجل يبيله مراقبه 24 ساعه .واشغليه دايما فيج وباليهال لاتخلين عنده وقت فراغ ..والله لوتسوين كل شي وماتقصرين باي شي الريال دايما عينه زايغه وملول من بيته ويحب يلعب بذيله دايما ...بس كل ماحس انه مراقب بيخف شوي ....
حبيبتي مادري شقولج البنات كفو وفوا نصايح وصح لسانهم بس انا لو انحط مكانج اوااجهه وما اسكت لمن اعرف سبب مقنع حق اللي يسويه واذا انا مقصره معاه بشي وبعدين اقرر شسوي الله معاج حبيبتي
الله يصبر قلبج ويبعد الشر عنكم حبيبتى لا تعورين راسج واكثر الرجال نفس طريقتج ويمكن اكثر من جذى كل شى بالسياسة ينحل ؟ هدى نفسج وارتاحى مو زين على صحتج ومثل ما قالووو خواتى وانا نفس الرد
فديتكم وفديت كلامكم ونصايحكم العسل وتسلمين لي جست مي والحمدلله عرفت شلون اخليه يندم على اللي سواه فيني وقام يعتذر الحمدلله دعاي ما راح هدر وثانكس طروب حبيبتي على مرورج الراقي وانا معاج الرياييل ما وراهم الا عوار القلبوتسلمين على النصايح تسلمين كويتيه على تواصلج معاي ودعوتج لي تسلمين وما قصرتي وثانكس احلى الدلوعات على مرورج يا قلبي وجد ما تقصرين يسلمووو ام عبود وانا جذي نفسج ما اعرف امسك نفسي لازم اواجهه واعرف بشنو انا مقصره معاه يسلملي مرورج يا قلبي وبالنهايه دعائي لكم ان ربي ما يوريكم اللي انا شفته وعسى الله يسخر لكم ازواجكم يارب امييين
حبيبتى قبل لاتحاسبين ريلج شوفى نفسج واساليها انتى قصرتى بشى معاه؟ انا مريت بنفس التجربه بس انا ما واجهته ولا عاتبته شكيت بطلعاته الوايده وهو اللى ماكان يطلع من البيت وكثرة التلفونات واذا تكلم معاها واجى يمه يرتبك فشكيت وبيوم دخل الحمام يتسبح ودق تلفونه مع انه كان لما يدخل الحمام يخليه صامت بس المره هذى نسى فشلت التلفون بس ماتكلمت واللى دق ما تكلم وسكره حسيت بفضول وعدت الرقم وطلعت مره وسكرته ما كلمتها بس حسيت الدنيا تلف فينى لانى انا وزوجى تزوجنا بعد قصة حب لمدة5 سنوات وتخيلوا احساسى يومها المهم صبرت لين طلع وحبست نفسى بدارى وطحت له بجى لين تعبت ونمت وبعدين قعدت افكر شنو اللى ناقصنى وبشنو مقصره فقررت انى ما اخسر بيتى ولازوجى ولاعيالى المهم سويت نفسى ما ادرى عن شى وبديت اهتم فيه اكثر ولا اخليه بروحه ولا لحظه بالبيت واناقشه بدوامه واسولف معاه بكل شى وصرت ابدع بغرفه النوم وبعلاقتنا الزوجيه حتى هو انبهر صرت ما اعطيها مجال تكلمه لانى دايما معاه وعلى فكره بنات ترى هو كان يدرى انى ادرى انه يكلم مره لانها اكيد قالته وهو لما رجع من طلعته اول مره سال منو لعب بتلفونه وقلت له اليهال وسويت نفسى ما ادرى عن شى بس تدرون سبحان الله ما ادرى شلون الله عطانى صبر وسكت المهم تعالوا شوفوه الحين مو مقصر على بشى ولا يطالع غيرى وانا ما اخليه محتاج الا لى انا وصار لنا 9 سنوات متزوجين ومرت اخوى كل ما تشوفنا تقول ما شالله جنكم للحين معاريس هذى تجربتى اختى وانشالله تفيدج وصدقينى تانى حاسه بالنار اللى شابه بصدرج والله يصبرج ويهديه لج
