صباح -مساء الخير علي الجميع حبيباتي بغيت اخذ رايكم في ابرة الضهر :smile: الي تنأخذ اثنا الولاده مين جربتها وتنصحوني فيها والا لا وشي ثاني كثييييييييير يقولون لي لاتروحين المستشفا الا لما تحسين انك خلااااص علي قولتهم عشان مايتعبثون فيني <<< حشا فار تجارب مو تولد وشي الثاني لو بغيت اخذ ابرره الضهر كم لازم يمون الرحم مفتوح واخر شي ودي بدعوه حلوه منكم لاني بدخل شهري بكره :emoticon_U: ومره خايفه الله يسهل علي وعلي بنات المسلمين
الله يسهل عليج حبيبتي انا رحت بولادتي الاولى ومافيني طلق وقعدت 8 ساعات طلق صناعي وتحاميل وتعبت وثاني ولاده نطرت ليما خلصت التاسع وبعده باسبوع رحت اصارخ من العوار وكنت 7 سانتي وولدت بنص ساعه ويمكن اقل بعد حبيبتي وليش ماتاخذين كمام احسن واريح
الحمممممممد لله علي سلامتك اختي ام محيسن والله يخليهم لك يارب ويتربون بعزك بس والله مدري شسوي الله يعين مره اقول باخذها ومره اقول ماراح اروح لهم الا لما اوصل حدي المشكله مادري الي يقول جربي الولده والي يقول خذي الابره ارحم الله يعيييييين ويسهل يارب والكمام سمعت انه مايسوي شي
الله يسهل عليج يارب ابرة الظهر انا جربتها بثنوي والله ماتحسين بشي حتى الفحص ماتحسين فيه بس لازم تكونين اقل من خمسه سانتي والا مالها لزمه>> مرت اخوي اخذتها وهي واصله يمكن7سانتي وحست بكل شي بس الخياط اللي ماحست فيه << بس اثارها تجي بعد الولاده يعني الم بالظهر موطبيعي اذا اشتغلتي والا نمتي على ظهرج فتره طويله جنه نار بظهرج مع اني صارلي ثلاث سنوات من طقيتها بس الامها لي الحين وياي والحين انا حامل وظهري ذابحني والسبب الابره يعني نصيحتي لج اصبري واطلبي كمام قوي وان شاء الله سهالات لان في مثل يقول >> وجع ساعه ولا وجع قاعه << واتمنى اني فدتج
الله يهون عليك يارب ....انا اختي جربتها بثلاث ولادات وماشالله ماحست بشي وماأثرت عليها وعن الروحة بدري لاتروحين بدري انا بطفلي الاخير جلست من 10 م وانا اطلق ومارحت الا 5 الفجر وقالت لي فاتح 9 سم ........واخذت عشر دقايق وولدت الحمدالله كانت اسهل ولادة لاصناعي ولا ابر ........................................الله يهون عليك
هههههههههه فديتك يم محيسن بولد انشالله في مستشفي المانع بس اقصد يقولون قعدي لين تخلصين يعني ماستعجل علي عمري واول ماحس بالطلق اروح اقعد لين ينفتح الرحم عسوله فديتك ماقصرتي والله اني خايفه بس شكلي بستخير وانشالله يصير الي فيه خير زوجي حالف علي ماخذهااا مادري بعد شلون اقنعه والله لو يسمع عن الولاااده ان مايحلف
هلا والله حبيبتي طبعااا الابر يقووولون موزينه ؟؟؟؟؟؟؟؟؟؟؟؟ الله اعلم بس نصيحتي لج انااا عن نفسي بولادتي البجر دخلت خمس ايااام من التااااسع ومليت رحت الصيدليه سالته شنوو يولد بسرعه وماايضر رد علي رد علي زيت الخرووع لطلق موو مال الشعر غير اوكي اخذته وحطيته مع عصير برتقال طبيعي وقعدت اشرب وامشي بالممشي المهم بعد نص ساعه مشي رجعت تسبحت بمااااي داافي وخليت المااي يجي علي ظهري وتميت شوي حسيت بعوااار خفيف نفس الدورة وقااام يزيد رحت الدكتورة قالتلي مفتوووحه وبسرعه ولاده دخلوني ومااشاء الله ولدت بسرعه والحمدالله
السلام عليكم انصحكم لا تاخذون الابر الي بالضهر الا الي ولادتها متعسره ومو مفتوح الرحم كلش يعني الي يفتح عندها الرحم ثلاثه سنتي تاخذ كمام احسن لان الابره الضهر سببت شلل لكثير من الحريم والكمام اضمن واحسن وانا جربت الاثنين صج الابره تولدين وانتي تطلعين التلفزيون وما تحسين بش بالمره والكمام يدوخج ويخليج بعالم ثاني وما تحسين الاوانتي والده ومخيطينج
لا ياقلبي مانزل لادم ولا مويه.....................وكثري من قراءة سورة الزلزلة وامسحي على بطنك؟...............وانا سمعت عن شم الحلتيت يفتح الرحم وفعلا جربتها وحسيت اني بسرعة فاتح الرحم
سلام بنات انا بالنسبة إلي عندي 3 بنات وآخر بنت تشجعت أعمل إبرة الظهر لأن في كثير من صاحباتي عاملينها وما أثرت عليهم بشي بس انا خفت أعملها عشان عندي وجع راس الشقيقة ( ميجران ) وقالولي بتعمل وجع راس قوي عشان هيك تحملت الوجع وما عدت عملتها وأصلاً ما دخلوني الولادة غير ما فتحت 4 سنتم وطلعت المستشفى الساعة 4:30 تقريباً وما كانت الدكتورة ندخلتي ولادة غير الساعة 8:15 المساء وقال لازم إمشي عشان تسهل ولادتي وانا إتوجع ويجيني طلق كل دقيقة وقاعدة بين العالم يا ربي ما بدي إتذكر المهم طلعت الولادة وما لحقت أطلب الإبرة لأني مجرد ما دخلت وطلبت الإبرة ما قدروا يعملوها بعشر دقائق كنت ولدت وخلصت ، عشان هيك نصيحة مني إذا كانت ولادتك البكورية حاولي بس يجيكي الطلق تحملي وما تضغطي حالك وتروحي المشفى وخاصلة إذا حدا حدك من أهلك وأفضل ما تعملي الإبرة ( حلاوتها الأم تحس بالوجع وتشوف البيبي بس يخلق وتساعدي الدكتور بالدفع هذه أفضل لحظة بس تولدي بالسلامة وتشوفي ولدك او بنتك قدام عيونك ) ونحنا ربنا خلقنا سبحان الله وخلانا نتحمل كل الأوجاع وإنشالله الله معك والله ما بيترك الوالدة بهل لحظة سبحان الله بتنسي كل وجعك مجرد ما تشوفي البيبي بخير قدامك
السلام عليكم الصراحه بنتي اخذت ابرة الظهر بس شنو اللي صارلها عقب الابره قامت تصيح من ظهرها لا تقدر تقعد طول 20 يوم وهي على الحال ماخليت كمادات ماي حار ولا دهان موضعي للالم ماسويته لها وعلى العموم ترى كل جسم يفرق عن الثاني من ناحية التحمل ؟؟ ولكن نصيحة ام مجربه احلى لحظه لحظة طلعت راس الطفل بعدها تحسي بالراحه
هلا فيج عمري اولا ابره الظهر عباره عن مخدر لألام الطلق عاديه يعني انتي شوفي الموقعد المتوقع الى معطينه لج مثلا اخر الشهر تكملين شهرج روحي حتى لو مافي طلق لان ممكن تكون الطلقه بارده او اذا نزل عليج دم فاتح مثلا الى تقول تاخذ كمام مايصير لازم المره تعصر الرحم لو خذت كمام ما تقدر تدز الجنين يعطونها الكمام بعد ما يطلع راس الجنين واي خدمه راسليني على الخاص
فديتتتتتتكم وحده وحده وصدق من قال ماخاب من استشار وعسى الله يوفقكم ويسعدكم ويرزقكم الذريه الصالحه يارب وانشالله اقولكم وش سويت
اخذي نصيحتي يالغالية.. زانا خذيت هالنصيحة من بنات منتدى الفراشة ... المهم .. العام الي طاف بشهر 7 كنت بشهري وهذي اول مرة احمل.. وقرب موعد الولادة قبل الموعد بيوم.. قمت وخذيت خروع طبي من الصيدلية سعرة وايد رخيص المهم ... حطيت قفشتين كبار من الخروع بقلاص عصير تانج ويفضل عصير برتفال طبيعي عشان يظيع طعم الخروع ... وشربتهم ... الصبح وقمت احس بتقلصات وعوار مثل عوار الطلق وكنت مرات ابجي منة بس بدونه صوت ادمع ... المهم قام يروح العوار ... لين اختفى كليا .. على العشر بالليل هم كررتها وخذيت الخروع بنفس الطريقة ... ردلي العوار وقام يزيد على الساعة 12 قمت مشيت ,, قصدي قمت احوس بصالة بيتنا وامشي واسرع المشي مدة ساعة كان يضيع العوار وانا امسي لين راد علي مولية خذتني امي واختي المستشفى وكنت مفتوحة 3 سم .... عطوني تحميلة طلق وعقبخا ابرة الظهر وولدت سهالات على الساعة 10 الصبح ,... توكلي على الله وسوي مثلي ... وانا تجربتي عندج
نصيحه لاتأخذينها الله يولدك بالسلامه اما عن ابلاة الظهر انا جربتها عصبن عني مو بكيفي الدكتوره لزمت علشان حالتي لاني كنت حامل بتوأم والبنت اعترضت كانت تحت والولد فوق والسبب انه قبل يوم الولاده رحت الدكتوره كل شي طبيعي قالت انشاء الله الولاده طبيعيه وصرفت لي خروع علشان يحمي الطلق وبردتي للبيت انا والوالده صار حادث خفت اثاري الوضع تغير شربت الخرؤوع بالليل على كلام الدكتوره 8 الفجر اشتغل عزك الله السهال والعوار الصبح 11 رحت قالت فيه طلق اوكي بس البيبي معترض واخذت الابره اللي هي تخدير نخصفي يعني اشوفهم شنو يسوون وصارت عمليه بس والله العوار لحد الان ما احب احد يمسكني في مكانها لدرجه انه بنتي وانا اصلي مسكتني تلعب معاي صرخت وتركت صلاتي من العوار عيالي ألحين عمرهم 8 سنوات والله لحد ألحين تعورني لاتأخذينها نصيحه الكمام أهون
السلام عليكم أنا بتكلم عن تجربتي أول مرة أخذت ابرة الظهر في مستشفى خاص كنت مسوية عملية بس مو ولادة حسيت بالم بظهري وبعدين خف وبعد كم سنة حملت وطلبت ابرة الظهر وخذتها بمستشفى حكومي وهم الم خفيف وراح والحين الحمد لله بنتي عمرها 3 سنين وما احس باي الم وأعتقد يختلف من واحدة لاخرى حسب بنيتها وجسمها ............. وأتمنى اني افدتك والله يهون عليكي وأنا الحين حامل بالشهر الثالث وخايفة من الولادة ومو عارفة اي مستشفى اروووح الله يكون بالعون .......................
