بنات ولدي فيه حساسيه بالصدر والله تعب حيل وكحه وبلغم مسكين ما ينام ماكو دوا ما عطيته تخيلوا عايش عالكمام والادويات 8 ادويات مع بعض كل 8 ساعات وغيره بعد الابر والله تعبت من الطبيب تكفون قولولي شسوي بالكحه شنو اعطيه تقطع قلبي عليه تكفين ام رشودي احس عندج خبره ساعديني
هلا اختي الله يشفيه في دكتور بس بعيد وحده قالت لي عنه ومشالله علاجه وحده بوحده نسيت اسمه بس الغانم عيادته بالجهرا وربي يشفيه
والله مالج الا دكتور خالد السعيد انا ولدي كسر خاطري كله نشله وكحه استمر اسبوعين ماني عارفه علته مو راضي يطيب وديته المستوصف عطاني ادويه وماطاب وديته مره ثانيه نفس الطريقه ورحت الصيدليه يبت له ادويه ومافاد اخر شي دكتور خالد والله من افحصه طلع فيه المسكين نشله وماتعالج منها عدل من الادويه اللي كنت اعطيه اياها وهالنشله طولت معاه ونزلت لي صدره وصارت بلغم ومن خشمه لي اذنه وسببت التهاب ياحبيبي وانا كلش ماادري عنه والله وصفلي ادويه وقالي 5 ايام مانفع نعطييه كمام طبعا خفت قلت ماابي كمام قالي اوكي يربي هالادويه من بعد الادويه تحسن واااايد ورااحت عنه كل الاعراض اللي يته من هالنشله
هلا اختي اول حبت ادعيله عسى ربي يشفيه ويقومه لج بالسلامه ويمده الله بالصحه والعافيه والله دعوه من كل قلبي يالغاليه في دكتوره اطفال اسمها زهره بالفحيحيل عند سوق البرازيليه سابقا والحين اسمه الوافي والله حيل زينه واذا تحبين طب شعبي قولي لي علشان اقولج على وصفه ممتازه الله يشافيه يارب بس لاتنسين بالدعاء ان الله يحقق امنيتي يارب $$
الله يشفيه ويخليه لج يارب .. وماايجوف شرر ياارب .. اسمحيلي توني اجوف الموضوع .. بعطيج وصفه وانشالله تنفع معااج . . ملعقة طعام عسل طبيعي>> لازم يكون طبيعي ملعقة صغيره " زنجبيل مطحون " تخلطينهم ويابعض .. ويوميا بعد الفطور وبعد العشاء .. واذا حابه تخلطينه مع الحلليب يكون افضل .. والله يشفيه يارب
الأشخاص الذين يعانون من النزلات البرديَّة المعتادة أو الشديدة عليهم تناول مزيج مقدار ملعقة من عسل فاتر وربع ملعقة من مسحوق القرفة يوميًّا لثلاثة أيَّام. هذه العمليَّة ستخلِّصهم من السعلة المزمنة والرشح، وتنظِّف الجيوب الأنفيَّة.
كلام ام رشودي هو الافضل انا للامانة لما دخلت كنت بقولك عليك بالعسل الاصلي لازم يكون اصلي وشوية ماء دافي وخليه يشرب الصبح على الريق وباذن الله بينفعه
اول شي الله يشافي ولدج انشالله وانا كنت نفسج والله ولدي المسكين حتى نوم ما ينام ووديته حق الدكتوره فاطمه الثلاب بالجهرا اهي اختصاصية بهالشي والحمدالله ولدي حييل تحسن وبعد العلاج عطتني وقائي والحمدالله ا تكرر له هالشي من رحت لها ,, وعلى فكره اسعارها رمزيه يعني مو مثل باجي الدكاتره الخاصين يعني فتح الملف دينارين والكشف عشره والادويه انتي تشترينها من بره.. وهذا رقمها 24560477 واللهسمعي كلامي مارح اتحسفين والله هذي مو دعاية لها بس جد اهي خوووش دكتوره
الله يشفيه ويخليه لك انا ولدى فيه حساسيه(ربو) من عمره 4 شهور وكان كحته مثل الشايب جافه وما ينام ويختنق ما عنده تنفس وكمام وكرتزون وكل اللي مر عليك واكثر ولله الحمد شريت له عسل الفيصل مع اعشاب احطهم له بالممميه واحط ملعقه حليب اخشه علشان يشرب واحليه بالعسل علبتين راحت الكحه وتحسن الربو صار فترات اقل كان يكتفي بالدواء سالني الطبيب قلت عسل قال ما اناقشك العسل معروف بالقران كنت اعالجه عند دكتور طارق قطب بالهادى تخصص ربو وتنك-والله على ما اقول شهيد الله يشافي وليدك
