وصفه سريه لتخفيف ظهور الحب بعد الحف..

السلام عليكم ورحمة الله وبركاتة

--------------------------------

بكتبلكم طريقتي في ازاله شعر الوجه بالشمع والوصفات السريه بعد ازاله الشعر بالفتله او المشقرة

ميزة الشمع يخلي وجهك منور وفيه لمعه وملمسة ناعم والروؤس السوداء يشيلها

بس الي ماتعرف تستخدمة بنفسها ولا اللي يدها ثقيله بالشيل لاتغامر ونهائي لاتقرب منه

حتى لو بتسوينة بصالون انتبهي مو اي وحدة تعرف وشاطرة فيه معظهم يلعبون بوجهك


وانتبهي بعد تغسلي وجهك بالصابون بعد ماتشيلي شعر وجهك سواء فتله او مشقره او شمع بعد يومين ممكن تغسلي وجهك بمنظف او صابون
وماتغسلي وجهك بالماء بعد الشيل على طول افضل خلاص بس ماء ورد تقفلي المسام لان الماء يخلي الوجه يلتهب ويطلع حبوب بعد الشيل لبعض البشرات

وممكن ماء شرب بارد تغسلين فيه وجهك بعد الحف اذا يناسبك
نرجع لطريقه الحف :


تاخذي الشمع وتفردينة في منطقه الدقن

باتجاه نمو الشعر للأسفل

وعكس الاتجاه تنزعي

وبعدين الشوارب تضمي فمك وشفايفك عشان ينشد وتحطينة كلى كامل الشوارب


والجبهه كمان بالعرض تحطين الشمع

لين ماتخلصي وجهك كله

ونعيما


ممكن تستخدمي

شرائح فيت الجاهزة من الصيدليه
​

​

او تاخذي مكعبات الشمع وتتسخنيها بالجهاز الخاص بالشمع مثل الي يستخدمونة بالكوافير


او الشمع بالعسل او الصنوبر

الي يجي بصحن صغير وتسخنينه بالنار بس لازم تكون النار صغيرة حيل بس يذوب الشمع شوي وتشيلينه من النار هذا الشمع موجود بسوريا ولبنان........


لازم 5 ايام اهتم في الوجه عشان يجي وجهك قبل المناسبه او المكياج نظيف

وانتي سواء شلتي بالشمع بنفسك او سويتي فتله بالخيط تستخدمي هذي الاقنعه والطريقه هذي عشان مايلتهب الوجه


بعد ماتشيلي الشعر من وجهك على طول تغسلي بماء باااااارد

وتجيبي مكعبات ماء ورد

او تمرري ثلجه اذا ماعندك

وبعدين تحطي ماء ورد على وجهك عشان تتقفل المسامات

وبعد شوي تحطي سودو كريم او اي مرهم مناسب لوجهك بعد الفتله

وممكن تخلطي مع سودو كريم نشأ ويصير قناع .. بعطيكم الوصفه ملعقه صغيرة طبعا من


سودو كريم + نشأ + ماء ورد

وماتغسلي وجهك علي طول.. لازم تنامين بالكريم او تخلينة اطول فترة ممكنة

_____________
او ممكن فيسودين الاحمر قبل ماتشيلي شعر وجهك بنفس اليوم بكم ساعه وبعد الشيل على طول تحطي ماء ورد وبعدها فيسودين بس يحتوي كرتزون وهو مضاد للاتهاب




اليوم الثاني او بالليل تسوي قناع وتخلينة بالثلاجه وفوائدة يفتح البشرة ويشيل الحرق البسيط بسبب الشمع ويرطب ويغذي ويشيل الحبوب ويعالجها

الوصفه الاولى

ملعقه روب + ملعقة عسل + ربع ملعقه مر تذوبينة بشوي ماي طبعا المر معروف للاتهاب والحبوب

الوصفه الثانية

ملعقه كبيرة من كل من

نشأ +وماء ورد +عسل


ويوميا طبعا تحطي الماسك انا احيانا مرتين باليوم
انا وجهي حيل حساس


والحمد لله بعد طريقتي هذي بعد التجارب على وجهي اخذت خبرة لاتوصف

اذا طلعتلي حبوب تطلع كم حبه صغيرة بس مو واضحه واحيانا بعد كم يوم وجهي صافي ومافيه حبوب

لان وجهي جدا جدا حساس حتى يوم اشقر يطلعلي حبوب

استخدمو طريقتي وراح تدعولي


منقول للاستفاده..........​

شكراااااااااااااا انا بعد نفسج

حياااااااااج الله سااااارونه.......شرفني مرورج....

يعطيج ألف عافيه وااايد خوش موضوع ​

الله يعافيج حبيبتي .......اسعدني مرورج العطر.....