السلام عليكم ورحمة الله وبركاته بنات داخله على الله ثم عليكم اللي تعرف شي عن نزول المشيمه؟ انا بالشهر الخامس وعندي المشيمه مغطيه جزء من عنق الرحم وخايفه منها حيل حيل عايشه بحالة رعب فابليز اللي صار معاها نفسي تكتب قصتها واذا في مجال ترتفع ولا لا؟ تكفووووووووون اللي تقره الموضوع لازم ترد لوبس تريح قلبي برفع الموضوع
الـــــــــسلام عليكم اول شي في مجال انها تصعد وهذا كلا عند الله بس هالطريقه سمعت فيها انها زينه للحامل الي هي طريقه انا سمعت فيها انج تنامين على ظهرج وتكونين حاطه تحت رجولج مخده يعني يرتفعون اشوي عن الجسم هذا الي اعرفه وان شاء الله سهلاااات ووكلي امرج لله
فديتج يالغاليه انا لما كنت حامل فشهري الرابع والخامس كل ما اراجع الدكتوره تقوولي المشيمه نازله فقمت خلاص كل ما انسدح على ظهري ارفع ريولي لمده خمس دقايق او اكثر شوي بس شويها مرتين فاليوم وبالذات اذا كتني من النوع الي يمشي وايد ارفعلي يولج فاليوم 3 مرات وان شاء الله يارب مشيمتج ترد وربي يسهل عليج وعلييييينا الولاده يارب .... نسيت انا لما دخلت السابع قالتلي الدكتوره ان المشيمه ردت الحمد لله ^_^
مشكووووووووووووووره الله يجزاج خيرررررررررر انا عن نفسي على طول منسدحه ومااطلع من البيت كلش وياااااااااااارب يسهل علي وعليج وعلى الحوامل بالعالم حلاوه عسوله
مرحبا الغالية ..انا كنت حامل وقالولي فالشهر الخامس المشيمه شوي نازله المهم ماعطيت الموضوع أهمية لأني بصراحه أنا موظفة إدارية وايد أهتم بشغلي يعني كان ممكن اخذ إجازه بس صدق ندمت لاني بديت كل شي ع نفسي كأن الشغل بيطير,كنت حتى العصر أداوم عشان أجيك ع الموظفين ,وفوق هذا اسوق سيارة , ومريت بظروف أن أخوي سوا حادث في دولة مجاورة وأطريت أني أتم عنده 3أسابيع أتنقل بين المستشفى والبيت يوميا مسافة الطريق ساعة ونصف وهذا أثر فية أكثر وبعد مارجعت البلاد كنت مسافرة إمارة من إمارات الدولة ونفس الشي مافيه أهتمام رحت للأسواق أخذ أغراض للمولود.خلاصة الموضوع أستوى عندي نزيف في بداية الشهر السابع وتم نقلي ألى مستشفى إمارة مجاورة لعدم توافر حاضنة في مستشفى منطقتنا وتخيلي تميت نايمه فالمستشفى قرابت الشهرين تقرر علي عملية, شفت أنواع العذاب النفسي والأكتأب والحزن وخاصة أن بعد فترة وانا فالمستشفى صار نزيف ودخلت العناية واجلوا العملية لان وزن الياهل ماوصل كيلوين, كانو كل يوم يوقعوني ع اوراق إذا استوى نزيف اثناء العملية بيشلون الرحم هذا الكلام حطمني بكل معنى الكلمة ,المهم سولي العملية بعد مادخلت التاسع بأسبوعين الحمدلله ماصار نزيف اثناء العملية ومشت الأمور يبت بنوتة مثل القمر الله يحفظها , وأسفة على الإطالة لكن الأنسان يتعظ من غيرة ..
الله يهون عليج حبيبتي المهم ارتاحي ولا تشيلين هم انشالله ترتفع انا الحين حامل وهمن نازلة شوي وخايفة من القيصرية انا بالثامن بس اشوة مو مغطية عنق الرحم
