اشلونكم بنات شخباركم انا طلعت من الاربعين صارلي شهر واسبوعين الحمدالله بس احاتي ما يتلي الدوره مع اني ما ارضع ماادري ياليت تفيدوني؟؟ ويزاكم الله خير:71_71:
حبيبتي ع حسب اللي سألته لامي لاني توني ما جربت تقول انه عادي بعضهم تجيهم بالاربعين وبعضهم بعد الاربعين دورتج العاديه جنج ما ولدتي وجبتي بيبي الله يخليه لج يارب اما اذا خايفه ومو مطمنه انصحج تروحين لدكتور متخصص ومافيج الا العافيه انشالله والله يوفقج وعالبركه البيبي يتربى بعزكم أمين..........وطمنينا عنج
الظاهر والله العالم انج حامل شوفي تحليل الحمل المنزلي ويبين عندج انا عن نفسي اكل حبوب منع الحمل من اليوم35 للنفاس وعشان جذي اذا خلصت اول علبه تنزل والله مايكلون حبوب ويسون مناعه تطبيعيه تجيلهم الدوره بعد شهر او بعضهم اقل وتم نقل الموضوع للقسم المناسب >> نساء وحمل وولاده <<
انصحك بالفحص اولا بجهاز حمل منزلي من الصيدلية وتاني شي ممكن ما تجيكي بععد الاربعين الا بوقتها يعني بعد شهر ترجع بوقتها الطبيعي
حبيبتي هذا طبيعي ممكن تكون هرمونات الحليب مرتفعه فهذا يمنع نزوول الدورة اذا انتي ماترضعين وفييج حليب لازم تاخذين حبوب تنشيف الحلييب وماتشوفين شر انشالله
السلام عليكم مثل ما قالو الاخوات المفروض تجيك بعد شهر بالكتير مو اكثر بس انا كنت ارضع وتجيني الدورة وحملت وانا ارضع الحليب صاير ما يمنع الحمل الا عند قلة من الحريم بس ليش متعبة نفسك بالتفكير روحي لدكتورتك وشوفي شالسالفه او سوي اختبار حمل وتاكدي وادا ما فيه حمل اخدي حبوب منع الحمل او انطريها تجي بس لازم وقاية عشان ما تحملين فيه واجد يحملون من اربيعين نتمنى تقولين لنا اخبارك وتطمنينا
حبيبتي انا رايي تروحين لدكتورتج لان اهيا عندها خبره اكثر من عندنا واقطعي الشك باليقين يعني اذا كنتي حامل اولا وانشاءالله مافيج الا العافيه اهم شي انتوا مستانسين
انا نفس حالتج بس يتلي العاده وانا بالاربعين وبعدها ما يتنب على اني ارضع وخايفة اني حامل لاني توني والده بنتي عمرها شهرين مو صج اذا حامل
