سويت عملية تحويل مسار

بعد عمرى كتكوته بطوطه محد منور المنتدى غيرج

حبيبتي والله منور باهله وانشالله تصيرين احلى واحلى انشالله يارب الله يوفقج يارب

حياة انا المبلغ راح ييلي اخر شهر 8 عاد الدكتور باسل السميط يسويها بلرمضان ماادري انا ودي اسويها باسرع وقت

شوفى اذا سويتيها برمضان ما اعتقد تصومين لانهم بمشونج على تغذيه معينه
انتى روحى واستفسرى بالاول وعلمينى شنو قالج الدكتور
وما تدرين يمكن برمضان او وره العيد
واذا سويتيها راح يفرق معاج وايد بالبس بعيد الاضحى
عسا ربى يوفقج​

انشالله راح اروح عند الدكتور باسل السميط بس اخر شهر ثمانيه اول مااروح راح اعلمج شنو راح يصير معاي ماتدرين شكثر متحمسه حق العمليه متشجعه حدي والله ودي اسويها اليوم قبل باجر بس ناطره الفلوس لوووووووووووول يالله الله يوفقنا ونظعف ونرتاح من المتن وامراضه طولت عليج حياة ربي يوفقج انشالله

بس لازم تحطين موعد من الحين ترا عنده زحمه وعلمينا شنو يصير وياج
موفقه حياتى​

انشالله راح احط موعد واول ماراح اخذموعد راح اقولج شنو راح يصير معاي ادعولي انشالله تصير سهالات لان وايد بخرعوني يقولون موزينه العمليه وانا متشجعه حدي بس قاعدين يخرعوني والله تعبت نفسيتي حدها تعبانه من المتن انشالله ربي يقدرني بس انا ناطره فلوسي تنزل واروحله على طوول موفقه حياتي

حياة اهو الدكتور باسل السميط وين حق هلعمليات ومعروف لاني انا ماعرفته الا بلمنتدى يعني شاطر بهلعملياات انا بتوكل الله وبروحله انشالله

وايد شاطر ويسوى العمليه بمستشفى السلام وعيادته الخاصه بالجابريه

حمدالله على سلامتج ............ياعمري توني اقرا موضوعج ...

احس انج مغامره لانج سويتيها في العدان ............بس الحمدالله ربي لطف ورحمج وقومج بسلامه

انشاء ماتشوفين شر .......احس اللي مات من حبوب اوعمليه هذا يومه.....والله يوفقج ونزلج من غير شر

مشكوره حياة على ردج لي وانشالله اي شي يصير معاي راح اقووووولج فديتج والله

الحمد لله على سلامتج عزيزتي بس بعرف اشكثر طولتي من اخذتي الموعد عنده انا سامعه ان المواعيد عند الحكومه سنه ونص على مايجي دورج ؟؟ وشلون رحتيله عن طريج تحويل من المستوصف ولا شلون ؟؟؟ مشكوره

بعد عمرى مغزرينها كتابه بالموضوع انا وانتى لووووووووووووووول
ما كو تشجيع من البنات
بس والله فيج البركه يا أحلى كتكوته​

هلا حبيبتى الله يسلمج
انا عطونى موعد بعد سنه بس شغلنا الواسطه عدل
صارت عمليتى بعد 3شهور
وحاضره على اى استفسارات حياج الله​

والله بعد عمري انتي بس كافي بلمنتدى انتي منورته شنسوي بعد والله يا حياة انتي دشيتي قلبي جني اعرفج من زمان ايه والله والله انتي اللي فيهم تسلميين يا احلى واغلى حيااااااااااااااااااااة

يابعد عمرى فيج البركه
عسا الله يحفظج​

بشري ياعمري اخبار المعده معاج الحين وعادي تاكلين اي شي يعني

مايزيد الوزن كم كيلو تنزلين في الاسبوع؟؟؟؟

والله انتي فيج البركة تردين على كل اسالتي ماقصرتي والله والله يحفظج من كل مكروه

المعده اوكى والحين آكل كل شى بس اشبع بسرعه
والحمدالله انا وزنى قاعد ينزل تدريجى
انا صارلى 3شهور وفوق نازله اكثر من 20 كيلو
عفيه قولى ماشاء الله
انا وااايد فرقت عن اول الحمد الله​