مرحبا خواتي .. فكرت بفكره حللللللللللوه وخباااال للازواج اللي يستحووون انهم يتكلمون ... اولا خلوني اخبركم شو المشكله او شو المواقف اللي واجهتني عشان هالفكره تطلع .. عشان البنات اللي تواجههم نفس هالمواقف يعرفون انه هالفكره تناسبهم ... عاد وايد سويت دعايااااات ...هههههه.. تخيلوا ما تعجبكم الفكره ...لا بتعجبكم اانا اعرف .. المهم ... السيناريو كالآتي : زوجي يشتغل موظف .. المهم يخلص دوامه متأخر ومرات يطلع يلعب كووره .. او يلعب رياضه في النادي ...او يطلع عند اصدقائه او اي ظرف يمر عليه ..او يرد من الدوام مباشره للبيت .. يعني الساعة ست المساء .. عادي .. المهم يرجع... يا دووب يتعشى وينااام لانه تعبااان ... ما يصير شي من بيننا (اقصد جماع) .. يمر يوم يومين ثلاث اربع عااااااادي يمر اسبوووع عالراحات .. لا اهو يتكلم في الموضوع يستحي .. ولا انا اتكلم استحي .. يعني اذا هو يستحي انا ما بستحي !!!! ما يصيير ويهيي مب لوووح عشان أتكلم قبله ... كيفه اهو الخسران .. عموما هاي حالتنا .. الحين بذكر بعض المواقف اللي تستوي : الموقف الاول : راجع متأخر من الدوام ..كالعاده... واقول في خاطري وييه كم يوم مر ولا صار شي .. فيه شي غلط ... يمكن يبي بس يستحي يقول او يستحي يبدأ... ما عليه خلني انا بتحرش فيه ما عليه انا بابدأ . .. اذا تجاوب معاي يعني يبي .. وفعلا تجاوب .. ياويله ما يتجاوب.. وبعدين بعد ما قااام متأخررر طبعا .. قال وييه عندي اجتماع اول الدوام تأخرت... طبعا اهنيه انا حسيت بالندم .. قووول من الاول عندك اجتماع يا ريااال (بس تدرون شلون احسن تستاهل الخير لازم تحقيق كل ليله عشان اعرف شو وراك في الدوام!!!..طبعا هالكلام في خاطري بس ما قلته)... الموقف الثاني : دخلت احدى المنتديات وسوالف وافكار عن الليالي الرومانسيه ما يقصرن البنات بالافكار...شحنوا راسي عدل .. قلت واحليله زوجي فقير ما اسويله انا هالحركات.. خلني اسويله ...رتبت كل شي .. وللا ااخر شي صح هو رجع من وقت لكن عنده شغل بالكمبيوتر لين ما خلص شغله ...وولدي قااام من الرقااد...جلس زوجي ينتظر ولدي لين ما ينام .. وللا زوجي نام قبل ولدي واختربت الليله .. بس انا ما عندي اشكاليه الليل بطوله موجوده بس ما ادري اقترب وللا لأ ... يمكن فيه شي عنده الصبح بعد .. الموقف الثالث: خلاص تعودت كم يوم ما يصير شي .. اشمعنى اليوم بيصيير ؟؟؟....فعلا هاليوم زوجي يبيني ... وانا مب كاشخه ... مرتبه بس عاااديه .. بس مب نفس ما انا ابي ... المهم ما اقدر ارده بس لو اعرف قبل لا انام انه يبيني كنت بكشخ اكثر ...كيف اعرف ؟؟ متى وما متى ؟؟ طبعا المواقف كثيره وكثيره لاااا كله بصوووب وللا اسمع سوالف انه وحده تزوج زوجها عليها او اسمع انه الريايييل ما منهم امااان .. مع انه زوجي ما احسه جيه ... اقول ما عليه االاحتياط واجب.. وينك يا ريااال تعااااااال وراك ليله ما بعدها ليله ... خخخخخ بس في خاطري اعرف متى الوقت المناسب مليت وتعبت ليييين ما طفح الكيل على قولتهم ... وفي يوم من الايام وتجرأت وكلمته بالليل يا ولد الناس تبيني اليوم وللا ما تبيني ... عشان اعرف اكشخ وللا ما اكشخ ... مافيني اكشخ وما يصير شي ... طبعا ضحك علي كيف تجرأت ... (طبعا قلت كلام أجرأ عن جيه بس ما اقدر اقوله هنيه عشانكم عدلته مافيني بنات مب متزوجات يدشن) هههههه ... وما جاوبني .. ياتني الفكره التاليه : احضرت لوح فلين لون احمر ولوحاخضر ولصقتهم في بعض ... بحيث جهه فيها لون احمر واذا قلبت اللوحه يطلع اللوح الاخضر .. وربطت فيه خيط للتعليق ...وعلقته فوووق السرير ...يعني مثل برواز فوق السرير ... وطرشت مسج لزوجي وقلت له انا حطيت لوحه فوق السرير ..اذا حطيت اللوحه على الجهه الحمرا معناها (ليلة رومانسيه )... واذا قلبت اللوحه على اللون الاخضر معناه (ابي انام بسلاااام ) ... طبعا اذا اختار احمر .. اقدر اكشخ عدل .. اذا اختار اخضر البس مرتب ومريح عشان انام .. المهم زوجي لما رجع بالليل وشاف اللوحه كنت انا نص نص راقده .. ضحك حييل على اللوحه وقالي انا على بالي تمزحين معاي في المسج ما توقعت المسأله جد ...بس بصراحه فكره جنااان من ويين تيبيين انتي هالافكار... وسلامتكم ... من ذاك اليوم كل شي واضح .. نجحت الفكره ...واستوت البطاقه هي الوسيله اللي من خلالها اعرف اتحرش فيه وللا لا ...خخخخخخخ.... لا ومرات لما نتجادل في موضوع وما يرضى يعتذر اعصب عليه اغير البطاقه واخليها على اللون الاحمر .. معناته عقااااب غصبن عليك مافيه اخضر الليله ..هههههه مسويه جو هالبطاقه .. اتمنى عجبتكم الفكره .. وممكن ينكتب في البطايق اكثر من شي ..مثلا: - جهة لون وجهه لون (نفس ماانا مسويه) - ممكن جهه صورة قلب وجهة صورة سرير او اي شي - ممكن جهة صورة سمايل فيس وجهة ساد فيس - ممكن جهة كلمه اختاروا كلمات على ذوقكم وجهة كلمه ثانيه ..تفننوا - ممكن تركبين لمبه حمرا فوق السرير او على الكومدينو ..اذا شغل الليت معناها فيه عمليه خطيره الليله (غرفة العمليات) واذا ما اشتغل الليت (معناه العكس) .. والله اتضحك هالفكرره توها يات على بالي ...هههههه بس اهم شي تكون الكلمات اوالالوان او الاشكال رمزيه محد يفهمها غيركم عشان اذا دش ريااال بالغلط حجرتكم مثل اخوانكم ما يفهمووون شو السالفه او شو صاير بييييينكم .. احراااج ادري طولت عليكم ...بس ماعليه ابي مصلحتكم انا .. ومشكورين لحسن الاستماع ... بس شو رااااايكم بالفكره حلوه صح ؟؟؟؟ ... أتمنى تعجبكم ...واتريا ردودكم بفارغ الصبر ..
هههههههههههه والله انتي مجرمه يا أم الافكار الجهنميه فعلا فعلا فكره رووووووووووعه وعجيبه وتونس الازواج يعطيج العافيه يا قلبي تسلمين
هههههههههههه حلوه الفكره بس انا عادي مااستحي بس لازم اسوي الفكره كتغيير ومشكـــــــــــــــــــــــوره حياتي ...
هههههههههههههههههههههههههه وربي شيطااااااااااااانه يمه منج هههههههههههههههه مشكوووووووووووووره يا قلبي
