تجربتي مع الكيراتييين

وااااي سارا حدج شوقتيني والله مليت من الشسوار كل ماطلعت
انا الحين ماخذه موعد يوم الاثنين عند وحده بروفيشونال و خوش وحده كانت مسويه حق امي و اختي قبل شهر تقريبا
وقالت لهم انها يايبته من البرازيل و ما خنقهم ولا دمعو اصلا
اختي شعرها كان الله لا يوريج كنت صابغته اشقر وسحبت اللون و ردت صبفته اسوووود يعني شعرها راح فيها
تعالي شوفي الحين متصدقين ان اهوا اللي قبل الله يهنيها فيه اهيا بروحها مو مصدقه
ناعم بس مو سيااام حيييل ولا لاصق في لمعه مو طبيعيه و فوليوم حلوو
سوته حق اختي ب 70 دك وشعرها لي نص رقبتها
بس صج روعه
وانشاللله انا اصييير نفسهم )))

حبيبتي برونزيا اول شي عليج بالعافيه انتي و امج و خواتج


ثاني شي الكيراتين الي حطولي ياه اهوا نفسه الي تقولج عنه المنتج واحد والشركه وحده والسعر الي ماخذينه عليكم وايد
انا شعري تحت جتفي بشوي و خذت مني 55 .. صدقيني ماله علاقه الصالون بروفشينال ولا لأ لانه طريقته وايد سهله و ممكن تسوينها بالبيت حتى ترى شعري انا مو لازق عادي في فوليوم و شكله طبيعي بس اللهم النفشه راحت احترم نفسه شوي .. نصيحة لا تسوين عندهم سعرهم وايد ترى تدرين انه الكيراتين لما تشترينه من الشركة يوصلج مع شامبوه و كل شغله مع تخليص الجمارك ب72 دينار !! مع العلم انه تقدرين تستخدمينه فوق ال5 مرات وهذا رايي ..

صج :$
بس شسوي بعد خلاص خذيت موعد صارلي اسبوع و خصوصا اني مااعرف اطلب من النت
واخاف اييبه واحد يسويلي من بيتنا و يخربونه حقي والله اذبحهم p:
تدرين انا ليش مسترخصته لان اختي اللي شعرها لي رقبتها كانت بتسويه بصالون ب 350 والله العظيم من غير مبالغه
خل اتوكل على الله واسويه دام السعر زيين و وتعرف تضبطه
ماقصرتي حبيبتي على هالمعلومات الحلوة

صاجه انا سويته بصالون ديفاز divas الي بالشعب البحري اينن شغلهم ويحطون مروحه جدامك عشان الريحه والحراره على عينك والكراتين اصلي برازيلي سويته ب 70 دينار شعري لغايه جتفي بس ماشاءالله عايشه شغلها اينن بكل شي قص وصبغ وتسريحات اهيا الي تسوي الكراتين عجيييييييييييييييييييييييييييييييييييب بس لازم تحجزين لان مواعيد وزحمه

عليج بالعافيه حبيبتي يالله هالمرة تجربة و بتشوفين شلون سهل وانشالله المرة اليايه تعرفينله
و اذا الشامبو الي يبيعونه مع الكوندشنر 300 مل و سعرهم اكثر من 15 دينار لاتاخذينه لانه في وحده تبيعه ب15 الشامبو مع الكوندشنر انتي دقي سألي و تأكدي منهم لانه حرام فيه 25 وايد صغير

ام عبدالجليل حبيبتي الكيراتين البرازيلي مايطلع ريحة وايد مو لدرجة مروحة مادري تأكدي اذا قلوبل ولا لأ و ماقلتيلنا شعرج لي وين ؟

الله يهنيك بشعرك
ياقمـــــــ(^_^)ــــــــــــر

حبيبتي تسلمين

يسلموووووووووو حبيبتي.....

هالكلام موصحيح أنا طالبه من قلوبل حق رفيجتى بتسوى بالبيت قبل شهر بدون الشامبو سعره 90 ومع الشحن والذى منه يوصل 130 جربى طلبى وتأكدى
على فكره العمله بالجنيه مو باليورو عشان جذى اختلف عليج السعر

سارا يقلبي عليك بالعافيه والحين بعد ماقريت الموضوع وردة الأفعال اشلون نسويه بالبيت ولانروح لصالون معروف والسلام ؟؟؟؟؟؟؟؟؟؟ ههههههههههههههه ايه سؤال مهم نسويه قبل الصبغه ولا عقبها

عقب الصبغه احسن ..


و تقدرين تسوينه بالبيت او الصالون لانه طريقته سهله بس يبيلج احد يساعدج عشان لازم تسوينله سيراميك كله و بالنسبه للمواد لازم تتوفر عندج يعني الكيراتين البرازيلي ماركة قلوبل لاااازم مو اي واحد ثاني


و اسفه اني طولت عليج يا قلبي

جوريه ذهبيه تسلمين ياقلبي ..


اوفر لوف حبيبتي يمكن والله بس ترى هم لو بتحسبينها بيطلع عليج ارخص لانه العلبه مو استعمال واحد و يعطيج العافيه عالتوضيح

مبروك النتيجه اختي

مشكوره حبيبتي

لطرح تجربتك ويعطيك الف عافيه

تحيتي

حبيبتي بجم سويتية ولي وين شعرج ؟؟

وبسأل اذا سويت الكراتين بعدين يما يصير عندي عرس او شي

ما اقدر اسوي بف .. او اسوي كيرلي ؟؟!!!!

وبأي صالون رحتي ؟

سويته ب55 و شعري كان تحت جتفي ب5 سانتي تقريبا

على حسب انتي شعرج ناعم وايد ولا كيرلي ؟ اذا كان كيرلي وسويتي كيراتين راح يظل كيرلي بس اذا استشورتيه بس هوا راح يصير ستريت نوعا مااا و يضبط البف وكل شي عليه اهوا مو تمليس


رحت صالون مس توته بحولي

شوبار العفو حبيبتي

ندى الله يبارك فيج حبيبتي

السلام عليكم
كيفكون يا صبايا الكيراتين اللبنانى مع الشامبو و الماسك سعرو 15 دينار و الكيراتين البرازيلي الاصلى مع الشامبو و الماسك سعرو 40 دينار فقططططططططط و نحنا الموزعين الوحيدين بى الكويت و المرخص من مجلس التعاون يا جماعه بدكون تنتبهو لانو اكتر الصالونات صار فيها المغشوش و المقلد يلى بدها اتساوى بى الصالون لازم اتشوف العبوة قدامها ممكن انا اعطيكي المنتج مع الشامبو و الماسك و ممكن اتساوى انتى بى اصالون او بدك انا اجيكي البيت و اساويلك اياها ابتداء من 60 دينار و حسب طول الشعر و لازم يلى تعملو اتكون كوافيرة شاطرة و محترفه و عندها خبرة اكيد و الا شعرك بيخرب اتصلى في و استفسري اكتر اعلى الرقم 55718099 بى ايه وقت و انا موجوده

بداية احب احذر الخوات من الكيراتين اللبناني ديروووا بالكم و انا قلتلكم و انتوا كيفكم تراه مو كيراتين 100% مضاف اليه اشياء ثانيه وتسبب تساقط الشعر


الي حابه تسوي كيراتين لازم يكون البرازيلي و مرة ثانيه ترى كلهم اسمهم البرازيلي حتى اللبناني اسمه برازيلي فشلون نعرفه ؟؟ اهوا ماركة قلوبل منتج برازيلي شركته موجوده في بريطانيا وانا ماشوف انه طريقته فيها صعوبه لهالدرجه بالعكس سشوار و بعدين سيراميك !! شحقه 20 دينار !!