السلام عليكم ورحمة الله وبركاته لاتنسوني انا موضوعي اشويه غريب ابيكم اتساعدون في انا زوجي توفى والحين انا بفترة العده ابي شي يشغلني تعبت من التفكير وعندي اربع يهال ابي اصير قويه جدامهم طبعا انا قاعده اقرا القران والادعيه واصلي الصلاة بوقتها لاتنسوني والله يخفف عندكم همومكم الله لايبلاكم ان شاء الله
ادعي الله عز وجل بأن يفرج لك همك وييسر امورك واستعيني به في كل امورك ولا تنسي قيام الليل والدعاء ففيهما الخير الكثير بأذن الله واكثري من الطاعات وتـــــــــــــــــوكلي على الله في كل امورك
الله يرحم زوجج يااارب . . .ويجعل مثواه الجنة . . .آمين يااارب العالمين . . . وربي يصبر قلبج ويقوي عزيمتج ويبارك لج في صحتج وفي عيااالج ويطرح فيهم البركة والصلاح . . .اللهم آمين إذا اطلب منج تصيرين قوية بسرعة . . .بجذب عليج . . . الحزن والألم والفراق يبيلهم وقت . . . يعني احزني وابجي لكن مو جدام عيالج . . . لكن فكري بنفسج وبصحتج هذا حال الدنيا دوام الحال من المحاااال . . .وكلنا على هالدرب يمكن أقولج هالكلام اليوم وباااجر تفتقدوني . . .يعني لا خالد إلا الله . . . شلون تشغلين وقتج ؟ إذا عيالج بالمدارس درسيهم وتابعي دروسهم . . . اهتمي بتغذيتهم وكل ليلة اشتركي وياهم بعمل طبق صحي ومفيد جمعيهم حواليج خليهم يحسون باهتمامج أكثر . . . ترى عيالج بيفقدون أبوهم ساعديهم يعبرون عن مشاعرهم لايكبتون في نفسهم ويتأذون نفسيا . . . إذا تحبين الأعمال اليدوية مثل شغل السنارة اشتغلي وسلي نفسج يعني أهم شي لا تتركين نفسج للتفكير . . . واحنا خواتج وإذا حابة دردشي بموضوع خاااص فيج كتبي كل يوم يومياتج ومشاعرج وشنو سويتي وبتابع يومياتج إللي بتفضفضين فيها وبتريحين . . . وربي يعوضج خير يااارب
الله يصبرج يارب ويرحمه ويجعل قبره روض من رياض الجنه ويجمعكم معاه بالفردوس الأعلى أكثرى حبيبتى من الأستغفار ....مفتاح للرزق والخير شغلى نفسج بدورات للطبخ خياطه اى شئ ...منتديات مفيده .... لا تقعدين بروحج وذا بقيتى اى شئ ما يردج الا لسانج عمرى ...وأحنا خواتج
حبيباتي انا مارديت عليكم الله يعطيكم العافيه ماقصرتو واسفه مارديت عليكم اللي صار فيني مو شويه انا وعيالي تخيلو انه ام ابوهم اطر دتنا من البيت وخذت اغراض اليهال مارضت تخلينا ناخذ ولاشي تقول انا ورريث وهذيل اغراضي بس اللله يخلي شؤون القصر لراح ياخذون حق اعيال يادعولي محد يبوق حلال الايتام
انا لله وانا اليه راجعون حبيبتي الله يقويج ان شاالله وتربين عيالج احسن تربيه لاتخافين انتي في ديرة قانون حقج يجيج لي عندج وحلال عيالج بإذن الله ماراح يضيع
الله يصبرج يا عمري والله حالتج نفس حاله اختي توفه زوجها وعندها 3 وكانت حامل وولدت وزوجها متوفي الانسان يشوف مصايب غيره تهوون عليه مصيبته وهذا كله ابتلاء من الله وانشالله لج الاجر بتربيه عيالج والله يخلييج لهم انشالله وينصرج على كل انسان يظلمج واذا ظايق خلقج اعتبريني مثل اختج حبيبتي والله انا كلما اشوف اختي يضيق خلقي بس الانسان ماله الا الصبر والدعاااء
اختي تبين شي يشغلج تأملي بمعاني الايات او الاحاديث اهتمي بالاذكاار واستغفري دايماا..اهتمي بتربية الاطفال اشغلي نفسج فيهم /شوفي هوايه محببه عندج خياطه/طبخ/رسم الي تحبينه سويه هالشي يخفف الالم النفسي<<سمعتها من فوزيه الدريع...حاولي اتكونين واقعيه اكثر وكلنا لها.. الله يصبرج ويشرح لج صدرج ياااااااااااااااااااااااارب بدعيلج والله
عسى الله يرحم جميع المسلمين يارب العالمين,,,, حبيبتي الله يصبرج ويعينج على المسؤلية الكبيرة,,,, وهذي بروحهاااا شغلة كبيرة وممسؤلية عظيمة تااخذ منج كل وقتج استعيني بالله وتوكلي عليه وانشالله كل امورج تتيسر باذن الله ,,,,
عسى الله يرحمه ويسكنه الجنه وعسى الله يحفظ لج عيالج صحيح ان المسؤليه راح تكون اكبر وانشالله الله بقدرج عليها لاتفكرين وتعبين نفسج كلنا راح نموت يمكن بعد رسالتي هذي انا اموت محد عارف وش ربي كاتبله الموت حق علينا كلنا كبير وصغير غني وفقير تصبري وربي عيالج وعلميهم عسى الله يساعدج ويخفف عنج ويصلح بالج واذكري واطلبي وادعي ربج في كل لحظه وفي كل حزه ان بذكر الله تطمئن القلوب مع السلامه
الله يرحمه ويسكنه فسي حجناته يارب .. الله يغفرله وخفف عنه العذاب يارب حبيبتي اهتمي بعيالج وبتغذيتهم وبقراه القران وكل يووم قعدي عطيهم ندوه دينيه ومواضيع تخص الدين ....وعلميهم معاني كلمات القران الكريم ... ولا تنسين الصلاه اهي الي تزيل لهمووم عنج ياروحي......**
ربي يرحم الجميع ... اختي هاذا القدر ...وكل شي بييد الله سبحانه وتعالى ... وما نقدر انسوي شي ...وهاذا امتحان من الله .... واصبري ان الله مع الصابرين يعني اذا زعلتي او بجيتي ...زووجج رح يرجع لج ؟؟طبعا لا اقري قران وسمي يسم الله ...ومافيج الا العافيه ومو مشكله ادري والله ادري امج انسان وعندج مشااعر بس هاذي مو نهايه الحياة ... الله يعوضج انشالله .... اختي اصبري ....ولا تحاتين شي ...لان كل شي بيد سبحانه وتعالى واعيد واكرر مره ثانيه هاذي مو نهايه الدنيا ..لا يا حبيبتي الدنيا مستمره
عظم الله أجرج حبيبتي والله يرحم زوجج ويرحم اموات المسلمين اللهم آمين حبيبتي البنات كفوا ووفوا حاولي تشغلين نفسج بعيالج وبأمورج والله يفرجها ويعوضج اللهم آمين .. واذا تذكرتي كثري من الاستغفار حاولي تبدين مشاريع لنفسج يعني حفظ قرآن ولا تروحين دورات او محاضرات اذا بغيتي تغيرين جو بس نصيحه لا تخلين نفسج من غير شغل لان هذا اللي يذكرج ويضيق خلقج وتفائلي دايما ويارب يكبرون عيالج ويعاونونج ويدعون لج ولابوهم الله يرحمه [ حاولي تشوفين كل شي بنظره ايجابيه وقتها بتحسين بالراحه ] وطمنينا عليج وان بغيتي شي لا يردج الا كيبوردج
