قووه بنوتات :teeth_smile: شلونكم ,., عيدميلاد ريلي قرب وابي هديه حلوه وغريبه وبنفس الوقت رخيصه شوي بما اني ادرس :smile: وابي افكاركم ومساعدتكم ما عليكم امر .. :teeth_smile:
السلام عليكم أختي العزيزة مافي الإسلام إلا عيدين فقط أما المناسبات الثانيه مثل تاريخ الميلاد أو تاريخ الزواج وهكذا لا تسمى عيداً فالنحافظ على هويتنا الإسلامية وعاداتنا وتقاليدنا وأقترح أن تكون هديتك تذاكر سفر للعمرة أنت وزوجك معاً وفقكم الله واطال بعمركم على الطاعة آمين
هلاحبيبتي ----روحي الماسه بمجمع زهره او المهلب عندهم خوش ساعات وبواكه وهم عليها تنزيلات--او الشايع بالمطار في خوش تشكيله للرياييل---وموفقه وادعيلي :wink_smile:
في طريقه حلوه وغريبه شوي قالتلي عليها رفيجتي بالدوام ووقتها كنت مضكوكه وماعندي فلوس عشان اييبله هديه تليق له ... كل عيد ميلاد كنت أييب له ساعه ومره عطر ومره أحدث تلفون ومره مجموعه كامله من البدي شوب على ريحة الفراوله لانه يحب الفراوله ومره يبتله ملابس داخليه وشورتات للبيت حلوين على رسوم وأشكال وألوان حلوه من النصر الرياضي واستانس عليهم وايد .... بس هالمره كانت غيرررر لاني مقحطه على أخر الشهر استعنت بصديقتي وقالتلي روحي جمعية كيفان الكبيره وصعدي فوق تلاقين كشك واحد يطبع صور على كوب ... انا قلت قديمه : جان تقولي لا غير هالمره يسوي طريقه انه يطبع الصوره على كوب بس ما تبين الصوره انها موجوده بالكوب تكون مخفيه يعني لمن تهدينه الكوب راح يشوفه كوب اسود عادي بس لمن تصبين داخل الكوب جاي او ماي حار او اي شي يشربه ريلج حار راح تطلع الصورة تدريجيا مع حراره الكوب وبس يبرد الكوب تختفي الصوره وهكذا .. وفعلا رحت وسويت هالحركة وكان عنده كوب احمر وازرق واسود انا اخترت اسود لانه زوجي يحب الاسود وخذيت معاي له صوره حلوه وطبعها لي عالكوب وقلتله يكتب عالكوب تاريخ ميلاده وسواها وخلص ورحت غلفتها وجذي ولم رديت البيت سويت له عشى حلووو وخفيف مع كاسات حلوه وشموع من عند بو 100 فلس وزعتهم عالطاوله والارضيه بطريقه حلوه وزهبتله تكرمين الحمام والفوطة والملابس (( اول ما رجع البيت طبعا كنت كاشخه عشتوووو خخخخخ دش تسبح ولبس لقى عشاه جاهز بس بطريقه رومانسيه غيرررر خلصنا عشااا قرقنا شوي بالصاله دخلنا الغرفه موعد النوم مسكين عباله ما راح اهديه كنت خاشه الهديه تحت مخدته حط راسه عالمخده ولا يقوول : اي شنووو هذا ؟؟ شاف ولا هديه قال يووووو شنو هذااا وتشقق حده فتح الهديه ولا : كاااااااااااااااااااااك تعبير ويه كان واحد محبط شاف كوب اسود قال شسوي فيه هذااا ههههههههههههه انا ميته من الضحك قلتله لحظه شوي شنو تحب تشرب اسويللك شي دافي تشربه : الاخ رافع حاجبه يعني مو عاجبه قال جاي لو سمحتي : قلتله اوكي رحت المطبخ يبت صينيه فيها السكر ومطارة الماي الحاااااااااااره وورق جاي ليبتون : وحطيته عالسرير جدامه قاعده اصب واهو يطالعني شلون اسوي جدامه جاي ههههههههههه المهم خذيت الكوب منه وانا اطالع عيونه بشوفه شلون بيتفاجأ منها ولا لاء .. وشوي شوي احط السك واحط ورق ليبتون وأصب الماي الحار واهووو يطالع ... وشوي ولا الكوب الأسود قاام يتغير وتطلع صورته وتاريخ ميلاده عالكوب ....... جان يضحك ويقووول يووووووووه شهالحركااااات والله حلوووو من وينلج هالفناتك عاااد انا تشققت من يومج للحين واهو ما يشرب الا من هالكوب وسلامتج الكوب ما يكلفج وايد شغلي كله مع التغليف والشموع والكوب كله ما كلفني طلع كله اقل من 10 دنانير وهذا رقم اللي يسوي الكوب مكانه بجمعية كيفان الكبيره فوق : 94495034
والله اقترح دامج مقحطة اخذي كيكة صغيرة وحركات بالغرفة ورتبيها بطاولة وشموع وبالونات ولبسي وكشخي وبعدها لاكلتوا وخلصتوا قولي لة بروح اجيب لك الهدية اللي حيل بسيطة وروحي لفي نفسج بتور قاصتة من الخام لفي نفسج وربطي فيونكة طبعا مو لابسة الا سليب وحلو هيك حلو هي
لا موقصدي تلفينة اقصد تلفينة وتربطينة على صدرج وبعدين تنزلين على خط البكيني وبعدها كأنج تلبسين سليب ويطلع الشريط التور من ورأ المؤخرة وتصدين فية للخصر وسوي فيونكة أنا طبقتها من صورة شفتها بالموقع ..............
