مرحبــااا يـااا أحلـى عرايس .. او عروسات .. او عروسه اختاروااا ’ هههه حبيباتي طمنوني عليكم أنشالله طيبين واشلون تجهيزاتكم و النفسيه المهم حبيت اسأل واتمنى كل عرايس كويتيات يشاركون ...................... ********* ****** *** كل وحده تكتب متى تاريخ عرسها ؟؟ وشنو شعورهاااا ؟؟ وأذا تبي اي مساعده خاصه للتجهيز تسألنا وكلنا نشارك ؟؟ ها شرايكم نبدا ؟؟؟ يالله ببدي انا التاريخ : 3-11 يصادف الثلاثه اتوقع الشعور : حدي متوتره وافكر بدخلتي الصاله والله يستر وسؤالي : عدسات ليلة العرس شنو تنصحوني اي لون ؟ وشنو الماركه ؟ يالله شدوا حيلكم ناطره مروركم ومشاركاتكم والله يوفقنا يااااا ربـــــــــــ
ربي يتمم عرسج على الف خير وتهنين خوووش موضوع و بنشوف عرايسنا الحلوات متى تاريخ عرسهم -ربي يتمم عليكم فرحتكم -
حبيبتي والله ما تقصرين ع هالدعوه الحلوه وكثريلنا منها ترا احنا بحاجتها وجزاج الله خير ........... ونورتي الصفحه ع مرورج الطيب يا الطيبه
مبرررررررووووووووك مقدما حبيبتي ومنه المال ومنج العيال وانشالله الله يرزقكم بالذريه الصالحه ويهديكم لبعض وتعيشون بسعاده وهنا يارب انا متزوجه وصارلي 3 سنين بس حبيت اشارك قلت افيدكم من تجربتي شوفي حبوبه عدسات على حسب لون مكياجج اللي بتحطينه بالعرس يعني مثلا اذا كان مكياجج والورد بنفسجي أو فوشي أو وردي فاتح أنصحج بعدسات لونها يكون أزرق بس فاتح عشان تبرز عيونج ويبرز مكياجج للحضور .. يعني تخيلي نفسج داشه الصاله والإضاءه عليج وانتي حاطة مكياج بنفسجي او وردي شي أكيد راح يدمجون معاه لون أسود فعشان تبرزين مكياجج لازم عدسات وانا اتوقع ان الازرق الفاتح حلووو راح يكون مع الإضاءه ... أما اذا مكياجج اورنج او ذهبي او فيه احمر انصحج بعدسات عسليه فاتحه تطلعين وااااااااااااو او هم تقدرين تلبسين عدسات لونهم اخضر هم حلو مع الذهبي والاورنج انشالله اكون افدتج ...
ياحياتي يا هلا ومرحبا فيكم اشوه محد سكب فيني ويالغاليه يبارك فيج وتسلمين ع الادعيه جزاج الله خيرو مشكووووره ع النصيحه جد افدتيني لأن مكياجي احتمااال كبيرمشمشي واتوقع مع العسلي بيطلع روعه اما الحلوه الاموره عالبركه يالغاليه وموفقه يااارب بصراحه انا كنت ابي دخلة عروس بس استخرت وقررت الطقاقه دخلني لأن سمعت دخلتها حلوه للعروس بس تبين الصج .. اللي خلاني اغير رأيي لأن صار موقفين الاول بنت خالتي سوتلها دخله وتوهقت خرب الدي جي والصوت يضحك والكل يقول دخلتها بايخه حتى اهيا تضايقت اما الموقف الثاني بنت خالتي الثانيه بعد الطقاقه بيوم العرس دقت واعتذرت وحطتلها جذبه وهم امها واهيا تضايقوا عشان جذي مااااابي يصيرلي نفس الموقف واتضايق ما تسوا هذي لليلة العمر امبيه شكلي خرعتج بس جد مو قصدي بس كنت ببلغج تاخذين حذرج وطمنينا عليج يالله يا بنات وينكم دشوا شدوا حيلكم بندردش ............
هلا حبوبه الله يتمم عليج انشاالله انا متزوجه صارلي سنه وحبوبه انصحج بعدسات رماادي احلا شي تناسب جميع الوان المكيااج شاكرتلج تقبلي مروري
هاااااااي شلونكم بنات انا عرسي تاريخ 13-8 يوم الخميس مابقى شي حياكم الله واكثر شي خايفة منه اني اطيح بالعرس جدام الناس او اتعرجب
الله يسلمك يا نيو سدني ودعواتكم بعد شوشو حبيبتي ما قصرتي وبصراحه اكثر شي انصحوني بالعسلي والرمادي ومحتاااااااااره ومشكوره ع مرورج الحلو وموفقه انشالله اخت القمر...........يا ألله ما بقالج شي الله يوفقج ويستر عليج ويفرحج انشالله وتطلعين احلى عروس بس من بعدي اكيد خخخخخخخ ولا تحاتين ربج كريم ما طيحين انشالله بس الله الله بالقرأن والاذكار والصلاه وموفقه انشالله وما اوصيج لا تقاطعين بعد العرس وطمنينا عليج تسلمون ع المرور فرحتوني
موفقين انشالله ومنهم المال ومنكم العيال انا صارلي 3 سنين متزوجه شهر 1 ادش بالسنه الرابعه انشالله انا بليلة عرسي حطيت عدسات عسليه وبينت عيوني جنها طبيعيه مو عدسه اللون تختارينه حسب لون ميكياجج وبشرتج ولون شعرج
حبيبتي الله يوفقج ويسهل امورج انا ماعندي فكره عن المسكات لان انا مسكتي مع النفنوووف ... حرااااا بالتوفيق يالغاليه
السلام عليكم والله ان الموضوع وااايد ساعدنا و يعطيج ألف عافية على طرحج له انا حييل محتارحة,توني اب بداية تجهيزي اول شي اهل زوجي ما يبون يسوون عرس ف امي راح تسويلي حفلة ملجة شوي كبيرة بدال هل عرس و بعدين.كان بخاطري اللبس النفنوف الأبيض المنفوش بس مالي نصيب فبه و الحمدالله على كل حال في ناس قالولي لبسي عادي نفنوف نافش يكون اوف وايت او بيج عادي!انا احس انه مايصير لأن مو عرس هذا.قلت يمكن ألبس نفنوف اخضر حق الملجة بس دورت كذا مكان ما حصلت حلوين وصلت لي درجة من اليأس إلي مو طبيعي مع اني توني عروس يديدة و من جم يوم كان قص مهري أهلي ايقولون شلون توج عروس و متضايقة مفروض تكون اسعد ايام حياتج اسفة والله ادري قرقت وايد بس ابي احد ايساعدني و يوقف معاي اهلي كل واحد له راي,وانا مو من النوع إلي اروح حفلات ملجة او عروس ف ماعرف سامحوني و مشكورين
هلابج يالغاليه ومبرووووك والله يوفقج ويسهل عليج وهذي حكمت ربج عساها خيره الحمدلله ع كل حال ولا تتضايقين حبيبتي احنا كلنا هني معاج وبنساعدج ماعليج اذا ماسوو عرس موو مشكله كافي امج الله يخليها لج يارب بتسويلج سوي حفله وطلعي فيها ولبسي وصوري ((حجزيلج مصوره)) وحجزيلج كوشه صغيرونه بالوسيط واااااجد دوري تحصلي اعتبريه عرس صغير والمعرس مو داش ولبس نفنوف وانا من رايي اختاري افوايت حلوووو حسي انج عروس وفي صالون لمسة فن بالرقعي حلو اخذي البرنامج اللي100حق عروس لشعرج ومكياج وكريم جسم هذا بنت خالتي سوته لستقبالها والحلو ع الطلب ناعم او ثقيل كيفج.. او حنان دشتي بسكتي رووعه اما عن النفانيف الجاهزه ما عندي فكره لان انا دايما اخيط ولا تتضايقين عيشي حياتج ما يوقف كل شي عشان عرس وصاله لااااااااااا انتي سووي هالحفله تكفيج عن الصاله وطمنينا عليج واي خدمه انا جاهزه.............وحياج الله
مشكووووووووووورة وااااااايد يالغالية و جد خليتيني ابتسم و ارتاح نفسيا الكوشة بسوي مثل ما قلتي شي بسيط بس حلو يطلع و الصالون ان شاءالله بنشوف حنان دشتي بستكي مع ان ماعرف بسوالف الصالونات او المكياج بس الكل يمدح اب مكياجهم حتى خالتي و سعرهم زين حتى حق إلي بييون معاي انا كان كل همي النفنوف و اللون إلي اختاره بس كلامج عجبني لأن نفس كلام الوالدة قالتلي اعتبريه عرسج بس احنا امسوينه لج و شوي اصغر هههههه لقيت كذا نفنوف اب مجمع ليلى غالري عجبني ف ان شاء الله بس تطلع نتيجة الفحص إلي قبل الزواج بروح اشوف و بعطيكم خبر اول بأول على إلي راح يصير ان شاء الله و امانة ادعولي محتاجة دعواتكم فدييييييتكم و مشكورين وايد(بالأخص زوجي يغار)
مشكووووووووووورة وااااااايد يالغالية و جد خليتيني ابتسم و ارتاح نفسيا الكوشة بسوي مثل ما قلتي شي بسيط بس حلو يطلع و الصالون ان شاءالله بنشوف حنان دشتي بستكي مع ان ماعرف بسوالف الصالونات او المكياج بس الكل يمدح اب مكياجهم حتى خالتي و سعرهم زين حتى حق إلي بييون معاي انا كان كل همي النفنوف و اللون إلي اختاره بس كلامج عجبني لأن نفس كلام الوالدة قالتلي اعتبريه عرسج بس احنا امسوينه لج و شوي اصغر هههههه لقيت كذا نفنوف اب مجمع ليلى غالري عجبني ف ان شاء الله بس تطلع نتيجة الفحص إلي قبل الزواج بروح اشوف و بعطيكم خبر اول بأول على إلي راح يصير ان شاء الله و امانة ادعولي محتاجة دعواتكم فدييييييتكم و مشكورين وايد(بالأخص زوجي يغار)
حبيبتي موفقه يارب والله يسهل امورج بس عفيه طمنينا مو تنسين او حتى ع الخاص انا ناطرتج وعلى فكره ضفتج صديقه عندي تقبلي يالغاليه ....... واستانسي عيشي حياتج مو هذي نهاية الدنيا واعتبريه عرس صغير وعزمينا عاد ..... ههههههه حياج الله
الله يوفق الجميع حبيبتي و مشكورة على الأضافة و كونج اول صديقة لي بحجزلج اول بطاقة للحفلة هههههه ان شاء الله و عد كل ما يكون عندي وقت راح ادخل و اقولج اخر الأخبار و من عيوني والله بس خل نتفق على كل شي و ارسلج بطاقة دعوة
