يا مواليد من نص الستينات الى نص الثمانينات‏

تذكرووون





تذكرون لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي توارص منها.


تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس .... صج كان منهج صعب.


تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل-

تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.



تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب.

تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
خدامتكم تلاقي اصابيعك اتعربك.....صج كانت معاناة بالعيشه.

تذكرون لما نرجع من الزواره كنا انتناجر منو اللي ينسدح ورىبالسياره صوب الجام ويطقها نومه لي البيت لالا ويتحرش بخواته ينزل ريله عليهم يعني يكون حارهم لوووووول


تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول



تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه.



تذكرون لما كنا نغسل الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.


تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره.


تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال.



تذكرون عزايم قبل والصماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.



تذكرون لما هبينا في اغنيه البحريني سليمان الزيمان ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه



تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين
على كل الكتاب وين الشي المهم مادري لوووول.



تذكرون لما تطوروا الشباب بالطلعه عقب سوق الديره والعماره البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي ولا وانيت.




تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه.


تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد......


تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ.


تذكرون كمبوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول.


تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش (تقول فرقة التلفزيون لوووووووووووووووووووووووووول.)



تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف.....
ترررررن تررررررن سكشن فايف.....هاي سوبر فالكون ههههههههه.


تذكرون السشوار البيج بو جنطه بيضه تقول لاب توب مع الهوز جنه خرطوم طياره ( تشغله قبله بيوم عشان يصير حـــار.)..لوووووووووول

تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .



تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول



منقووول​

تذكرون عزايم قبل والصماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.

وديتينا ايام قبل كانت وناسههه يعطيج العافيه يالغاليه

هههههههههههههههه ايامكم حلوه وغريبــه
مشكوره قلبي
--شهرزان--

يسلمووووووووووووو وصج ايام قبل غير ومالها مثيل

ههههههههههههه

يسلموووو على تذكرون

واااااي ذكرتيني باياام حلوة ,,,,وناااس احبهم ,,,رااحواا مع اللي رااح,,,,,




يسلموو حبيبتي ع الموضوع الحلو,,,,,

خخخخخخخخخخخخخ

يسلمو حبيبتي صج ايام اول ما كو احسن منها بساطه وحب بين الناس .........

صج أحلى ذكريات الماضي الجميل

يسلمووووووووووو يا قلبييييييييييييي

شاكره لكم مروووركم

تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه.

وااااي مرااات وايد تيي ع بالي اسويها :teeth_smile:
مشكوووووووره ويعطييج العافيه

الللللله صج ايام حلوه وشاكرتلج مرورج عزيزتي

ههههههههههههههههه
يسلمو على الموضوع صج ايام حلوه

مشكورة خوووش ذكريات

لكن ما تنفع لمواليد التسعينااات >> قوية :wink_smile:

يسلمووووووووووووووو للكل