تكفون ساعدوني ابي اسمن

حبيبتى انا مجربه حبوب والله مفعولهم نايس يعنى انصحج فيهم اسمهم (سبرو فيتا )حلوين تاكلين قبل كل وجبه بنص ساعه حبه وراح تشوفين النتيجه بنفسج واضحه وهى حبوب تفتح نفسيتج وتخليج تحسين بالجوع كل على طول ...........................................................................ابي دعواتكم بس ...................وابي منج النتيجه بشرينى ع العيد متنتى
والله انا مجربتهم اقول لج عن تجربه حتى كل من يسالنى متنانه شمسويه

اي والله سبروفيتا انا مجربتها حلوه

مرحبا

تبين اصدمك انا وزني 37 وجربت كل شي ما فادني شي وعرسي بالعيد

شكلي باكل الحبوب الصينيه مع انها مضره بس شسوي ماعندي حل

كليت فاتح شهيه وكليت عسل ومكسرات وجربت الحلبه وكل ما يطري ببالج بس بدون نتيجه

وفوق هذا رحت للطبيب وقال سليمه

ادعولي يا بنات تكفون

بنات انا كنت مثلكم وجربت العسل بالمكسرات والحلبة وفيتامين اسمة البحور السبعة احس انة حلو يصفي البشرة وحتى يخلي لمعة بالشعر وطبعا مع الحمل والولادة الوحدة تسمن غصب عنها

حبيبتي والله النحف مصيبة يشوة جمال البنت والسمنةالزايدة اقبح ..
بس اهم شي اذا بتمتنين لازم تكون شهيتك على الاكل مفتوحة .. وتكثرين من البطاطس المقلية مع المايونيز والكاتشب
وتشربين حليب كامل الدسم مثل كي دي دي عادي لو نكهات.. على الاقل ثلاث مرات باليوم.. وبالليل اكلي ونامي .. راح تصيبك شوية كرشة مع الاستمرار بس مو مشكلة تروح مع المتن..
وقبل الاكل كلي حبوب سبروفيتا مالها اضرار تذكر . ثلاث مرات مع حبوب خميرة ( بيراوار ) راح ينور وجهك
واهم نقطة مو كل يوم تقيسين وزنك .. انسي الميزان تماما
وفوق هذا اذا تحبين الوجة المليان عندك بالكويت طيبة كلينك انفخي وجهك وبتصيرين مثل اللبنانيات وجة مليان وجسم رشيق
على فكرة انا ماعطيتك شي الا مضمون بأذن الله
ملاحظة مهمة : سبروفيتا نفسها تنفخ الجسم مو فاتح للشهيةبس .. لكن مجرد ماتتركينها راح تنسد نفسك عن الاكل تماما
وشي طبيعي اذا تزوجتي بتتركينها خوفا على الحمل من التشوهات ..
الحلبة اذا كثرتي منها راح تسبب لك نزول في الرحم ومشاكل في المسالك البولية
اتمنى لك الصحة الدايمة والتوفيق ..

معقولة حبيبتي شموخ في وحدة تبيع مكسرات ومفعولهن روعة وخاصة بالوجه اذا تبين الرقم قوليلي اعطيك اياه علي الخاص بس تكفين ادعيلي ان الله يرزقني بالزوج الصالح بقرب وقت وخاصة بالعشر الاواخر من رمضان حدي تعبانة

ياقلبي انتي تدورين السمنــه
اشوه موبس انا ضعيفه حتى انا وزني 42 وماخليت شي ما اكلته ابي اسمن بس ماكو فايـــده انصحج بحبوب السوبر فييتا يفتحون الشهيه بس عيبهم ينومون اول اسبوع تقريبا بعدين عادي
ومشكوره ياقلبي ع الموضوع وان شاء الله اسمن انا وياج قبل العيد

غلا قلبي

مشكوووره يا حياتي بس انا خلاص ايست ومابي اجرب شي صرت حقل تجارب من كثر ما جربت

والله يرزقج الزوج الصالح يارب ويوفقج

وادعولي ان الله يزيني بعيون زوجي وامتن قبل عرسي

وعلى فكره سيبروفيتا اكلتها و زدت كيلو بس بعدين ما صارت تأثر فيني وانسدت نفسي ورديت ضعفت

افففففففففففففف اكره طاري النحافه تعقدت

وقبل الاكل كلي حبوب سبروفيتا مالها اضرار تذكر . ثلاث مرات مع حبوب خميرة ( بيراوار ) راح ينور وجهك !!!

يااختي هبايب ممكن تحطين صورة حبوب الخميرة او تكتبين اسمها بالانجلزي

السلام عليكم الحبوب ما انصحج
بس الاكل انا مجربة اكلي بطاط جياس وااااااااااااااااااايد وجبات سريعة اكلى بيزا طول اليوم اكلى كاااااااااااااااااااااااااااااااااااااااااااك

عسوله
انا ضعيفه كان وزني 42 بالثانويه بس فجأه صرت 46 باالجامعه ,,, وقبل سنه كليت حبوب الخميره 3 مرات باليوم بعد الاكل ,, لمده شهرين او 3 اشهر بس وقطعت عنها لان ما حسيت بنتيجه بنفس الوقت,,,عاد عقب 5 اشهر من استخدامها قست وزني لقيت وزني 49 ,,,
انا الدكتور قالي ان الخميره تمتن الجسم بس على المدى البعيد,,يعني يبيلها فتره ,,, بصراحه قبل ويهي ضعيف.. بس من قمت اكل الحبوب ردت الروح حق ويهي ,,
عاد الحين انا ماشيه على نظام عشان ابي امتن ( اكل حبوب خميره 3 مرات باليوم واكل حبة فيتامينات من الصيدليه وتفتح الشهيه ) وآكل خلطه مادحينها لي بنات ضعاف وايد ,,يقولون سمنتهم من اول شهر اقل شي كيلوين ,,,
الخلطه ((علبة رهش بالفستق +كوب حلبه +ملعقه ونص خميره +كوب ونص مكسرات ))
تطحنينهم كلهم وتخلطينهم تاكلين ملعقه 3 مرات باليوم بعد الاكل ,,, وتشربين باليوم حليب او لبن معاهم ,,,

انا الحين صارلي اسبوعين على هالنظام ..وانشالله اذا ياب نتيجه اقولج...

نفس الحاله

الحبوب اللي قلتي عنها ولا مره سمعت فيها

لاكن آنا جربت حبوب اسمهم سايبروفيتا بس مشكلتهم يطلعون كرش

وبعدها جربت مسيجور حلوووييييييييييين حييييل بس انهم مايوجدون إلا بالسعوديه

وآخذ مع مسيجور حبوب زهرة الربيع لتسمين الوجه والحمد لله صار جسمي أحسن من قبل

أتمنى إني ساعدتج حبيبتي

أدعيلي بالزوج الصالح

في بالصيدليه حبوب الخميره اتسمن

نفس الحاله انا كان وزني 53 لما جت الجامعه صار وزني 48 صراحه قهر بس موسيجور جربتها زادت وزني حيل لما تتريكينها
راح ينزل وزنج وتركتهم لانها مضره جيب مرض بالكلى هذا اللي سمعته واللحين استعمل حبوب الفاالفا مع فيتامينات منgnc واكل وجبات دسمه علشان
يزيد واكلي اكل فيه سعرات حراريه عاليه مثل باونتي سعرته يعادل وجبة ماك شكن وكثري حليبkdd مع ناسكويك ثلاث مرات في اليوم
وخلي مع كل وجبه دسمه لازم تاكلين حلى وعن حبوب الحلبه ماعرف عنها شي وان شالله افدتج اختي

عزيزتي......................................عليكي بحبوب سبروفيتا والمفتقة

شوفوا يابنات انا قبل سنتين كان وزني 47 تقريباوجهي كان نحيف ماخليت شي مابلعته مكسرات وعسل
نصحتني خالتي بحبوب المسيجور وقالت اكليها استخدمت الحبوب وجابت معي نتيجه حلوه في اسبوع اواكثر تقريبا
في وجهي اول ماسمن وجهي طلعلي خدود تجنن وبعدين زاد وزني عليها اللحين من فتره تاركتها وزني 58
بس هي مشكلتها انها تنووووووم يعني تاكلينها ترررررررررررررمين كل شي بالثلاجه وتنامين وتقعدين تحسين انك جاااايعه وتروحين تاكلين يعنيعلى هالموال لمده شهر
تصدقون اني فقرت هلي يوم كنت استخدمها


واللي مره نحيفات في مطوع في الرياض تروحين له تكتبين له كل شي عن حالتك وزنك وطولك يعطيك عسل مقري فيه وعليه اشيا تسمن المطوع هذا وربي جناااااااااااان وعسله يبن مفعوله على طوووووووووول

الغلا خذى حبوب الحلبة الرومية وااايد اوكى

هلا فيج اختي حبيبتي قبل كل وجبه بدقايق اخذي ملعقه صغيره من حبة البركه
واكليها وبعدهها على طول اشربي فنجال ماي بارد وظيفي عليه قطرات من الخل

والله يوفقج

اهلين اختي(غلاقلبي)
انا جربت كل شي وبنت خالي جرب حبوب الحلبه الامركيه وتسمن ومافيها مضار بس انتي ليش متعبه عمرك روحي جيبي حبوب سيبروفيتا عندك بلكويت احنا نتمناها تجينا وانتي عندك ومااستفتي رووووووووووووحي ياحلوه بسرعه اشتريها مرررررررررره البنات يمدحونها حتى الي فل منتدى عندك ترها مرررررررررره زينه هي فيتمينات وتفتح اشهيه وتخليك تسمنين
ولو جبتيها وقدرتي توفرينها لنا برياض ادعيلك واكون شاكره لك
وعلى العموم انا بدعي للجميع الله يسمنا بصحه وعافيه قولو امين يارب