مرحبا مره ثانيه صارلي سنه متزوجه وايد ظايق خلقيييييي اليوم اجهضت للمره الثانيه والمشكله ان كل التحاليل زينه وايد مظايقه تعبت من التفكييير و البجي استغفر الله احس ماراح اييب يهال قمت افكر اني اتبنى بس احس تعقدت من الحمال ماكواحد مادقيت عليه من الشيوخ كلهم قالولي مافيج شي وخيره تعبت من هالكلام انا توني ٥ اسابيع كنت حامل ولما سوتلي سونار قالات عنق الرحم مبطل شوي عشان جذي نزيف وقالات مو مبين الجياس ملوت الحمل
حمدلله ع سلامتج وإن شاء الله ربي يرزقج بالذرية الصالحة عاجلا غير آجل الاجهاض سبحان الله رحمة من رب العالمين لما يكون في خلل في النطفة ماتدرين وين الخيرة واكثري الاستغفار وياما حريم نفس مشكلتج وربي رزقهم يعني لا تكتئبين جسمج يبيله فترة على ما يتخلص من هرمون الحمل وتحملين بإذن الله وبإذن الله بتحملين بس هاه لا ترهقين نفسج بالكمبيوتر والشغل
الله يعوضج فيه خير يارب ويرزقني وياج وجميع المحرومات الذرية الصالحة المعافاة عاجلا غير آجل انا اللي اعرفه ان الماي مالت الحمص وايد زين للمرة الحامل لأنه يقوي الظهر ويمنع الاجهاض سبحان الله ( من كلام يدتي فديتها والله يطول بعمرها آمين ) "رب لا تذرني فردا وأنت خير الوارثين "
حبيبتي لاتزعلين وقولي اللهم آجرني في مصيبتي واخلفني خيرا منها وعسا اللي سقطتيهم يشفعون لج يارب ولعلها خيرة والله يرزقج ان شاء الله عاجلا غير آجل يارب العالمين
