السلام عليكم ورحمة الله وبركاته انا بنتي ولدت بالسادس فجأه انفتح عندها الرحم وطلق والمهم ولدت وطبعا البيبي توفى الله يشفع لها فيه بس الدكتوره قالت لها لما تحملين مرة ثانيه لازم تربطين وما في جماع منو عندها فكرة عن الربط او مجربته تفيدنا ولها الجنة ان ان شاء الله
هلااا حبيبتي الربط عااااااااااااااااااادي جداااا والسبب الربط اكيد البنت عندهاا ارتخااء بالرحم فلازم يربط عشاااان ما ينزل الجنين ورااح تتدخدر وتدخخل المستشفي ليوم واحد بس وتطلع ويفتحوناا بالتااسع للعلم عندي صديقتي كل حماالهاا ربط عشااان ما ينزل الجنين واذاا ماتربط ينزل بس سهل جدااا
الله يرزقها يارب بالذريه الصالحه انا اختي كل ما تحمل لازم يسوون لها ربط لان عنق الرحم عندها صغيير حيل والمسكينه كل ما تحمل تتعذب يعني غير الوحام الشديد الربط وكله تكون منسدحه على ظهرهاومن كثر ماهي مسدوحه على ظهرها شعرها من ورا اغلبه طاح بس من فضل رب العالمين انه يرزق الصابرين الحين ما شاء الله عندها ولدين تبارك الرحمن الله يشافيكم يارب ويرزقكم باللي تتمنون يارب
اختي لاتخافين ولا شي الربط امر سهل انا مجربته يحملي لان عندي ارتخاء بعنق الرحم اول حمل لي نزل في الخامس الله يحعله شفيع لنا وقالي الدكتور لازم تربطين والحمد الله بحملي الثاني والثالث اربط ويكمل حملي لين التاسع وافكه بداية التاسع وماالد الان في نهايته ومره طوفت التاسع ولدوني وعملية تخدير كامل والله ماتحسين بشي وفكه بدون تدخير وعادي الم بسيط ولا ياخذ فكه 5 دقايق نصيجه لاتربط وتفك الاعند نفس الدكتور عشان هو يعرف كيف ربطه لاني بحملي الثاني ربطته عند دكتور وفكيته عند دكتور ثاني وانقطع الخيط واضطريت اسوي تخدير كامل
هلا حبيبتي وانا بعد جربته بس حبت اقول كل شي له اعراض جانبيه انا سبب معاي التهابات ولاده مبكره ترا على فكر انا الرحم عندي زين بس حطيت الربط عشان حامل بتوائم :71_71:
