حصل وياج: وتعرضتي لغلط طبي صرف دوا بالغلط قوليلنا تجربتج ؟

يعطيج العافيه ع الموضوع


وانشالله لي عوده لموضوع مع تقرير كامل

انشالله


/

غ ـرور

يعطيج العافية اختي علي الموضوع

السلام علييييكم

بقولكم قصتي , الخطاء الى صار لى كنت قاعده اولد ولدي الله يحفظه , طلع الدرب (المفروض اذا طلع يشلونه بس السستر شنو سويت رردته مره ثانيه ) المهم لما خلصت الولاده حسيت عوار بيدي وثاني يوم ماكنت اقدر احركه احس ضغط فيه وقلت حق الدكتور والسسترت قالو عادي من لدرب , رجعت البيت ايدي انتفخت حييييل رحت المستشفى وتميت بالملاحظه ساعتين يبون يعرفون شنو صار بيدي لاني ماقمت احركه فياني دكتور وقال (لازم الحين تسوين عمليه بيدج ) طبعا انا مصدومه شنو صار؟؟ صار فيه صديد !!و رحت الرازي ودخلوني العمليات (يقولون امبنجين ايدي) طبعا حسيت بكل لشي وقامو يرعصون بيدي علشان الصديد يطلع وتميت عشرين يوم يحطون فيها فتايل (يحشونه بشاش ودوا)وعقيه تميت اسوي علاج طبيعي حق ايدي علشان اقدر احركه نفس قبل ,ادري طولت عليكم بس الشي الى لازم تفهمونه ان الدرب لى طلع من اليد لازم يتغير كله ​

السلام عليكم ورحمة الله وبركاته

والله اخطاء الاطباء كثيره لاتحصى وبالذات الجيل الجديد يمكن قلة وعي منهم :shades_smile: فيه عجوز من قرايبنا كان فيها ضغط وعندها مراجعه فقام الصيدلاني بصرف دواء سكري لها ولولا ارادة الله وانتباهها لشكل ا لدواء الذي صرف لها ورجوعها مرة اخرى للدكتور الذي أكتشف الخطأ وقام بتصحيحه لكانت كارثه وسلامتكم

السلام عليكم

انا رح اقولكم قصتي اللي صارت وياي .. انا دايما اعاني من حصر البول (تكرمون) صارلي 8 سنين من عمري 13 سنه للحين وعمري 22 سنه.. وكل مره يصير عندي حصر بول اروح اسوي قصطره وانا بعدني بنيه مو متزوجه .. من قبل سنه رحت اسوي قصطره علشان حصر البول .. صرفلي الدكتور دوا علشان ما يصير عندي حصر بول وينظف المثانه عندي والالتهابات تروح مني .. خذيت الدوا على اسبوع .. والله العظيم اني الاسبوع هذوول قضيتهم كله سهر وتعبت وصراخ وعوار عند كليتي .. وما كنت اعرف انام كلش والبول ما كان ينزل الا نقط نقط .. تعبت وااايد .. تركت الدوا ورحت على مستشفى الصباح .. وشافتني دكتوره وفحصتني وسألتني انا شنو ماخذه دوا .. قلتلها انه الدكتور صرفلي دوا اسمه كذا .. صارت تصارخ وتقول شلون تاخذين هذا الدوا .. وعلى طوول سوتلي فحوصات واعطتني ادوية واستمريت عليه شهرين .. والحمدلله كل شي صار زين وياي .. قبل 3 شهور نمت في المستشفى 7 ايام علشان حصر البول مره ثانيه .. وسألني دكتور اختصاصي واهو ماخذ دكتوراه في المسالك البوليه .. وقال انتي بشنو كنتي تتعالجين .. قلتله على اللي صار وياي الدكتور انصدم وقال انتي بنيه مايصير تاخذين اي دوا ولازم يسوون لج منظار لحتى يصرفولج دوا ومايصير تاخذين اي شي .. والحين الحمدلله موعدي عقب باجر وان شاء الله كل شي يهون
انا طولت عليكم بالقصه .. بس انا حابه اقول لكل وحده تتأكد قبل ما تاخذ اي دوا لانه فعلا الدكاتره وااااايد يخربطون ويعطون اي شي ..

وادعووولي بنات ان الله يشفيني من اللي انا فيه وارتاااااح لاني تعبت واايد​

اه اه اه ياقلبي حبايبي الله يبعد عنا اخطاء الاطباء

الله يستر علينا

الله يبعد عنكم كل شر يارب
انا الحمدلله خطأ بسيط وتداركته بسرعه,,,ولدي الصغير عمره كان بوقتها 6 شهور توه ياقلبي والربو فترتها مأذيه رحت الطوارئ وكان مكتوم حده وعطوه كذا جلسة بخار فنتولين مانفع فحطوا له الاتروفنت الولد قلب جسمه احمر وانكتم زوود والله حزتها بكييت مدري شسوي ناديت الاستشاري قال هذا عنده حساسيه من هذا الدواء ووقفه الله يجزاه خير والحمد لله اننا انتبهنا ..والسلامه للجميع

يا ناس يا عالم انا كلى اخطاااء طبيه ولو اقووولكم مااا تصدقوووووون لا تقولين دكتور استشاارى ولا اختصاصي يابنات انصحكم بالمستشفيات الحكوميه على الاقل اذاا سواا شيء غلط يتحملون
مسؤوووليتهم ولا المستشفيات الخاااصه والله يقطون الوحده قطة......... الله يكرمكم
تدروون اشلوون انا انصحكم بالحواج ولا العطار اذاا مرضتم لوووووووول

مره كنت اشكي من عوار في راسي ورحت المستوصف وفحص اذني وقال العوار الي تحسين فيه من اذنج وعطاني قطره وقعدت استعمله بنتظام وماراح العوار وبعد يومين جاني عوااااار الله يعلم بحالي قمت اصيح بشكل موطبيعي قاموا اهلي ودوني الطبيب الساعه وحده بليل الفروانيه وفحصوني قلبوا فيني من دكتور لدكتور واخرتها طلع البلى من سن العقل ملتهب وماثر على الدماغ وانا يا غافلين لكم الله استعمل قطرة الاذن اللي عطاني الدكتور الاولاني