لو كل الناس تخلوا عنج شيصير فيج ماتدوين احد يعوضج حنان الام الي عمري ماحسيت فيه ولا تخليلي اهلج كاتمين على نفسج يعني مثل حالي مايخلوني اطلع مع رفيجاتي رضيت بس انهم يكندون على بكل طلعه هذا الى ماقدرت اتحمله بس مصيبتي الاكبر بنات عمتي وبنات خالي كلهم مايحبوني بالله عليكم شسوي دام هذا وضعي ابي رايكم ياهل الراي
هلا حبيبتي مافي اهل يكرهون ضناهم وعيالهم لكن في مرحلة من عمر هالعيال يحسون ان مافي احد يفهم ولا يحس فيهم انا اسميها مرحلة الوساوس غير الحقيقية >> المراهقة يعني اهي مرحلة كلنا مرينا فيها وغالبا كانت الدنيا على رحابتها تضيق في عيونا ! لكن ولله الحمد تعدينا هالمرحلة مسألة إنج تعتقدين ان الغالبية يكرهونج سألي نفسج هل اذيتيهم في شي؟ هل غلطتي عليهم ؟ وإلا ضايقتيهم في كلمة ؟ إذا اجابتج اى إذن الكره اللي يحملونه بنات عمتج وخالج له سبب واذا اجابتج لا إذن هالشي انتي قاعدة تتخيلينه والشيطان يزيد التخيل عندج نروح لمسألة الطلعة مع الرفيجات تبين راي كأم وبصراحة أرفض تماما بنتي تطلع ويا رفيجاتها بتطلع تطلع وياي بس لان الام ماتضمن هالرفيجات شنو اخلاقهم وإلا شنو بيصير عليكم وانتوا بنات طالعين بروحكم اتمنى تتقبلين كلامي بصدر رحب
هلا حبيبتي مافي اهل يكرهون ضناهم وعيالهم لكن في مرحلة من عمر هالعيال يحسون ان مافي احد يفهم ولا يحس فيهم انا اسميها مرحلة الوساوس غير الحقيقية >> المراهقة يعني اهي مرحلة كلنا مرينا فيها وغالبا كانت الدنيا على رحابتها تضيق في عيونا ! لكن ولله الحمد تعدينا هالمرحلة مسألة إنج تعتقدين ان الغالبية يكرهونج سألي نفسج هل اذيتيهم في شي؟ هل غلطتي عليهم ؟ وإلا ضايقتيهم في كلمة ؟ إذا اجابتج اى إذن الكره اللي يحملونه بنات عمتج وخالج له سبب واذا اجابتج لا إذن هالشي انتي قاعدة تتخيلينه والشيطان يزيد التخيل عندج نروح لمسألة الطلعة مع الرفيجات تبين راي كأم وبصراحة أرفض تماما بنتي تطلع ويا رفيجاتها بتطلع تطلع وياي بس لان الام ماتضم هالرفيجات شنو اخلاقهم وإلا شنو بيصير عليكم وانتوا بنات طالعين بروحكم اتمنى تتقبلين كلامي بصدر رحب ام عبدالله كفت وفت الله يوفقج اختي دلوعه كوت
ودي يكون كلامكم صح بس للأسف انتو ماتدرون بالواقع الى انا فيييه امي سببتلي امراااض والله يستر من الباقي
صدقيني مافي ام تضر بنتها بس يمكن عليها ظغوط خارجيه وانتي ماتدرين؟ لازم تقدرين انها أمج وماتوي شي الا وفيه مصلحتج
يعني اهي عليها ضقوظ وانا اتحمل ليش ماعيش حياتي حالي حالي اي بنت اطلع استانس اسولف مو احسن مو ادورلي على ناس من برا الجأ لهم بضيقتي
انا مع ام عبدالله بكل كلمه قالتها ...وازيد انج اذا لجأتي الي احد من بره ممكن يستغلون ظروفج ويضرونج .....ومااقول غير الله يعدل ظروفج ويريح بالج.......
كلام ام عبدالله وجوريه عـــــــــــدل بصراحه انا بعد مريت بهالمرحله بس الحمد الله طلعت غلطانه وان هذا مو كره بالعكس خوف علي وعلى مصلحتي لان مافي اهل ما يحبون عيالهم والله يعينج ويسر امرج بس انصحج انج تسمعين كلام اهلج والله احسن لج ارجو انج ما تزعلين مني انا قلت لج هالكلام من تجربه واسفه ع الاطاله :emoticon_U: تقبلي مروري
اختي والله اهلج يحبونج وخايفين عليج ومايبونج تتعرضين بمشاكل لطلعتج بروحج وكلام الناس مايرحم والله لاشافو البنت طالعه بروحها طاحو فيها حش وقرض وطعن بالشرف اعوذ بالله وبالنسبه لبنات خالتج وعمج ليش يكرهونج ؟؟ شوفي حبيبتي انتي بشنو مقصره يمكن انتي ماتقعدين معاهم او اسلوبج يستفزهم من غير لاتحسين بادري معاهم بالسلام والسوالف الخفيفه بالبدايه لحد مايتقبلونج معاهم وخلج دوم مبتسمه وياهم والله صدقيني هالشي بيدخلج لقلوبهم بسرعه والله يوفقج يارب
وانا مثل خواتنا اهلج من كثر خوفهم عليج يحاتونج ويحبون تكونين تحت نظرهم ترى انا عندي بنت ونفس كل الاهالي ما احب تطلع مع رفيجاتها لاني اخاف عليها وانتو في عمر تجهلون اشياء وايد فوق هذا الحين مافي امان الصراحة ما تدرين الناس شنو تخطط لج وانتي غافلة والله يحفظج ويحفظ بنات المسلمين :smile:
