وزني نزل

شلونكم يا احلى بنات انا سويت ريجيم وكان وزني 81 والحين
صار 68 بس المشكله الكرشه القثيثه ماراحت وصدري ماصغر ليييييش؟؟
حدي منغثه من هالكرشه لازم اقضي عليها..شســــــوي؟؟؟؟؟

الحل حطي كريم الزنجبيل علي بطنج ولعبي رياضة علي الاقل نص ساعه انا جربتةممتاز علي فكرة تاخذين الكريم من الحواج ولون الكرتون اخضر وعلي صورة زنجبيل وخلال شهر تشوفيين واذا عندج خل التفاح بنفس الطريقة حطي وادعولي وادعوا لاعيالي يحفظهم لي

هلا اختي

نزول العافية يارب

ابتعدي عن الخل لا تحطينه على جسمج يرقق الجلد ويلعب فيه

سوي رياضة معدة وابتعدي عن السكريات

زيزو وام عبدالله مشكورين ماقصرتوا,,
وين باجي البنات؟؟

حبيبتي علي البركه وان شاءالله يثبت وزنج.........

المهم اختي فيه كريمات ممكن تنفعج وموفقه.....

حبيبتي كريمات ما تنفع .. انا وزني يوصل بالتسعينات و لا يبين لاني العب رياضة بنادي مو مشي و خرابيط !! دقي روحج دق بالنادي تتعبين اول اسبوع بس بتلاقين النتايج من اول يومين .. مشي سريع و بعدين لما تبنين لياقتك يصير ركض و سوي معدة 20 مرة بدون توقف بعدين ريحي دقيقة مو اكثر بعدين كرري هالعملية 4 مرات :wink_smile: وادعيلي الله يخلي لي زوجي

تسلمون بنات ماقصرتوا

مبروك اختى عالنزول شنو كان نظامك بالرجيم لان انا واقف نزل فترة والحين وقف ورد صعد الحين كيلو ياريت اتقولين شنو ماشية عليه وبشكثر ضعفتى

حبيبتي سوسوميمي انا بلشت ريجيم من نص شهر 4 وخففت اكلي حيل ماكنت اتريق
والغدا قفشتين لي ثلاث عيش عن خاطري وكنت اكل سلطه وعشا ماكو بس روب خالي الدسم
وبين الوجبات كنت اشرب نسكافيه او عصير اناناس وماكنت اسوي رياضه ونزلت اول الايام بسرعه
وبعدين وقف يمكن شهرين مانزل ولا كيلو حدي ايأيست مااكل ووزني مثل مااهوا تدرين ليش يوقف لان الجسم تعود على الريجيم فشتسوين يومين او ثلاث اكلي عادي مو ريجيم وبعدين بلشي ريجيم مره ثانيه انا سويت جذي ونزل الحمدلله جربي وشوفي وان شاءالله يارب تنزلين بصحه وعافيه.. واي سؤال انا حاضره..

لعبي رياضة الضغط ادري راح تتعذبين وتتعبين وتملين بس كل شي يهون عشان الكروشه تروح.. وامشي ترا المشي زين يحرق الدهون
اما بالنسبه لصدرج,, انصحج انج تلبسين ستيان اصغر من مقاسج وقت النوم او اليوم بطوله ..سمعت النصيحه من وحده لكن ما جربتها لاني ضعيفه وما يحتاج..
لكن لاازم تواضبين ..يوميا مو يوم وترك وتملين
بالتوفيييييييييق وعقبال الـ 50 كغ :smile:

حبيبتى جربى الرياضة زى البنات ما قالولك

مـبرووكـ غلااا أمـي على هالنـزووول والفال لي انـشاللهـ <<<< الي يصبرنـاا صج جهـاااد :shades_smile: