يا خواتي تكفوون ريحووووني وربي تعبت ومالي غير نصيحتكم ... مشكلتي انا مع امي..؟ يمكن تستغربوون ؟ وربي كل يوم تزفني جدام الناس وتعيب علي جدام خالاتي وعمامتي حتى رفيجاتها ورفيجاتي تفشلني ما اعرف شنو اسوي عشان ترضى كل شي تبيه انا اسويه بس ما يرضيها شي والحين انا ملجت و عرسي عن قريب وهم كل يوم تفشلني ما اعرف شنو اسوي لها كل شي تبيه انا اسويه ولا اشكي حق احد ساكته ... تكفوووووووووووون ساااااااعدوووووووووووووووووووني ابي حل تعبت والله :sad_smile:
الله يخليها لج ويطول بعمرها يااارب مهما كان هذي امج وصدقيني مستحيل قصدها تفشلج يمكن بينها وبين نفسها متضايقه اكثر منج وحتى لو كانت تقصد سكوتج وعدم ردج عليها نوع من اواع البر فيها كلميها بينج وبينها وقولي لها اذا تبين شي بيني وبينج حتى لو تبين تطقيني طقيني بس مو جدام الناس والله يهديها والله يوفقج بزواجج يااارب ويرزقج الذريه الصالحه وان شاء الله امج يتغير اسلوبها ويااج وتقبلي مروري
الله يعينج حبوبه لازم تصبرين هذي امج والجنه تحت اقدام الامهات لو شنو تسوي فيج لازم تسكتين تقبلي تحياتي
ترا هذي امج وكلمة الام مو شويه لو تشويج جدام العالم لا تفكرين بيوم انج قمتي تكرهينها ولا انه امج تكرهج تلقينا تبي اتصلح فيج شغله انتي مو عافتها واهي لها نظره غير وترا كلمت (الأم ) كبييييره تكفين لا تزعلينها خليها تفشلج وتهينج بعد ترا ان راحت الام ما بعدها ام :cry_smile: حبيها واذا فشلتج بوسيها على راسها تمسكي فيها قبل لا ترووووح هذي امج :frown: والله يبارك فيج ويخليج لها
باجر تتزوجين ويعوض صبرج خير ويدلعج زوجج وهذى امج مالج غنات عنها واذا تزوجتى اكيد تتغير بتشوفج عروس وكبرتى ترا مهما كبرنا بنظر الام احنا صغار
الله يعينج يارب ... وماراح ازيد على كلام البنات بشي بس انا خالتي نفس حالتج .. وخالتي اتوقع انها اكبر منج عمرها 25 .. ومطلقة اهي اخر العنقود وجدتي ( امها) تحبها وايد وتخاف عليها .. بس من تطلقت والخوف زااااايد اكثر جدتي تخاف عليها حتى من الهواء .. وكلنا لاحظنا هالشي من تطلقت خالتي وكل شي تسويه خالتي مايعجبها ... جدتي ودها دااايم تشوف خالتي بأحسن حالاتها .. اذا ماعجبها شي فيها و حتى جدام الناس نعرفهم او مانعرفهم تقولها سوي جذي او عدلي هاذا شكلج مو حلو جذي .. وخالتي تنررررفز لانها تحسسها انها ياهل اللي بوصله من كل هالقرقره .. انه يمكن امج تحبج حيييييييييييييييييييييييل وتحب تشوفج بأحن حالاتج ماتحب تشوفج غلطانه بأي شي وتوصل لدرجة شيلة الصينية ( موقف محرج صار لخالتي) وهواشها لج جدام الناس طريقة منها للتعبير على انها مو راضية عن هالشغله يعني كأنها تقول للناس ترا ان بنتي مو متعوده تغلط بهالشي .. وهاذا اول مره يصير ... وانا مستغربة انه بنتي سوت جذي ياريت تكونين فهمتي علي لان شرحي ملخبط تحملي تكفين .. دايم اترجى خالتي واقولها تسكت ... حتى لو بينج وبين نفسج لايكون تغلطين او حتى تقولين اوووف في داخلج .... الله يسمع .. وكل شي يتسجل
يسلمو حبايبي على نصايحكم وسويت الي قلتوو عليه بس مافيه فايده مره فشلتني جدام خالتي وعماتي جان اجي ابوس راسها وقلت لها كل شي منج حلو يا الغاليه جان تعطيني كف محترم جان اسكت وبجيت والكل تهاوش معها خالاتي وعماتي حتى ابووي عصب لاني ماسويت شي غلط جان تقول انا مابيها خل تتزوج وافتك جان يقول ابوي والله راح تفقدينها حيل والله هذي بنتج الكبيره فرحتج عمرها ماضيقتج جان تسكت وانا ما اقول الا الله كريم يارب يسلمو حبايبي
حبيبتي معلهش التمسي لها العذر هي اكيد تبي مصلحتك , وما بتعرف تعبر غير بهذه الطريقة او احتما تكون تعبانة من شىء مأثرعاى نفسيتها وانتبهي ( فاقد الشىء لا يعطيه ) وربنا يطول في عمرها
