تجاره .. ويهمونج زباينج

السلام عليكم
مابي أطول عليكم .. موضوعي للتجارات

بصراحه .. في شي لاحظته بتاجراتنا الغاليات
تعاملت مع الكثير من تاجرات المنتدى .. لكن حسيت في فرق بالتعامل من تاجره الى الأخرى
في تاجرات ما شاء الله عليهم تييب الطلب حسب الموعد ( ما اقصد بالوقت بالضبط ) .. لا اقصد اذا قالت الخميس مثلا من 6 الى 7 .. صج القى المندوب بالوقت تقريبا يوصل
وما شاء الله البضاعه توصل بكيس ذرب والطلب مرتب بالكيس .. وفاتوره
يعني شغل مرتب ومنظم .. بصراحه هالنوع من التاجرات على راسي
بس تنزل بضاعه يديده عندها ودي اشتري منها واتعامل معاها دوووم وماودي ما شتري منها شي لأن أدري بشغلها ووبضاعتها .. ثقه بمعنى الكلمه

لكن .. للأسف
في تاجرات مايهمها زبايناها كلش .. ولا جنه الزبوونه بتاخذ الاغراض ببلاش
تعاملت مع وحده نطرتها اسبووووووع .. ماترد عالمسجات .. ولما ردت نطرتها ماوصل المندوب
وعقب قالت باجر واللي بعده .. وآخرتها ترد علي المندوب مايطيررر ؟؟؟
حبايبي .. احنا نحب بالتاجره أخلاقها أكثر من بضاعتها
ترى السووووق موجود .. والمنتديات موجوده .. كل شي متوفر الحمدالله
شنو اللي يمنع تردين على الناس عدل ؟؟؟ وتلتزمين بكلمتج
والثانيه خذت الفلووووس .. ونست باقي الطلب ( يعني طنشت )
والثالث تنطرينها اسبوعين .. واخر شي تقولج سوووري ما اوصل طلبج .. انا اوصل درزن وفووق

طولت عليكم ادري
بس .. حبيت اقول لكل تاجره .. اذا حبيبتي شغلج .. وزباينج
الله بيباركلج ويرزقج
وسامحوني طولت عليكم .. ولا تتضايقون مني
موفقين يارب

اكيد لازم يكون تعامل التاجرة مع الزبونة باسلوب راقي والعكس صحيح

كلامك صحيح حبيبتي اولا المطلوب احترم الشخص والتعامل الجيد مع الزباين

اي والله كلامج صح

انا الي تعاملت معاهم كلهم الحمدالله بالوقت وصلو :wink_smile:

فديتكم يلي طلبت منكم :wink_smile:

اي والله صاجه :frown:

حبايبي انتو ... مشكورين عالمروووور

صح لسانج ورضا الناس غايه لا تدرك ...