عفوا .... وزارة التربية

السلام عليكم

ودي افضفض شوي لاني منغثة واحس جبدي بتنبط

يا وزارة التربية انتو قررتو التدرج بدوام الطلبة وطلاب الابتدائي ماراح يداومون الا 18 / 10

طيب احنا شذنبنا بتخلوننا نداوم السبت ولا اللي يقهر مسائي بعد طيب ليش تخلوننا نداوم الحين دام مافيه طلبة كل يوم من صباح الله خير نروح على خياس المدارس كلها تراب حتى ماكلفو على نفسهم يوفرون لنا شركة تنظيف مدرسة شكبرها فيها 4 عاملات نظافة بس ؟؟؟؟؟؟؟ خلاص تبونا نداوم بالعطل ومسائي ماله داعي دوامنا الحين
ووين استعداداتكم يالتربية لانفلونزا الخنازير شاطرين بس بالكلام

ترا مصختوها وطفشتو كل المدرسات الكويتيات حتى الدول الثانية رفضت انها تتعاقد معاكم

اوبالاخر اقول حسبي الله ونعم الوكيل فيكم وربي ياخذ حقنا منكم ذبحتونا مصلحتكم مبدينها على مصلحة شعب الكويت كله

صاجة اي واللة انج صاجه اللة يلوم الي يلومج مانقول غير حسبي اللة عليهم وانا اضم صوتي الى صوتج :wink_smile:​

هلا اختي تولي

كلامج صحيح اللي باط جبدي دوام هالمدرسات من 8ونص الى 1ظهرا وماكو شغل !!

يعني هالتجمعات ماراح تسبب خطر على الطلبة ؟!!

المدرسات ماغير سوالف وإلا تسدح ونايمين ليش زين ؟

ابسط شي عطوهم تخفيف بالدوام يعني ساعة والا يوم وترك علشان يكون لهم خلق يداومون اضافي ان لزم الامر

الحمدلله اني هالسنة تفرغ والا انبطت جبددددي انا بعد :shades_smile:

الله ياذيك الأيام أيام الوزارة باءيدين الرجال"الله يذكرهم بالخير "أيام العز والدلال لامشاكل ولاعوار راس وكل شي كان سهالات والتعليم له أهمية واهتمام "تذكرون الشهادة الصفراء" والله كان لها هيبة"
من تولوا الحريم الوزارة نقول للمعلمين والمعلمات الله يخلف عليكم باللشهر الفضيل اللي يرد الدوام مثل قبل

آآآآآآآخ يالقهر

حضرنا امس دورة نسيت ماقلت لكم عنها المفروض اسمها الاسعافات الاولية وشلون نتعامل مع الاصابات اذا صارت بالمدرسة

تخيلو معاي

رحنا المدرسة اللي فيها الندوة او الدورة وانصدمنا المسرح مليان مدرسات يسولفون مع بعض وووووووووووووو الندوة المزعومة عبارة عن سي دي مشغل ومعروض بشاشة عرض والصوت كلش موواضح فعرفنا ان الهدف

اسمهم سوو ندوة تثقيفية \\\\\\\\ يا سلام على الذمة والضمير

عشان يقولون اننا سوينا شئ

حسبي الله عليج يالوزارة التعبانه

الله يالفشه ندوه وندوه واخر شي تسجيل !!!!!!!!
وصلنا ليهالمستوى ...!
الله يخلف علينا :sad_smile:

امبيه قووووويه الندوه بسي دي ـخخخخخخخخخخخـ لهالدرجه عيزانين ييبون دكتور يتكلم بهالخصوص :teeth_smile:


صاجه ياغلا دبي ياحلو ايام الشهاده الصفرا صج لها هيبه :smile:


بس برآيفت :


ليش اسمج غلا دبي وواضح من كلامج انج كويتيه >>>فضوووول:teeth_smile:

شكرا حبايبي عالمرور

والله قهر

ربي ايسرها ان شاءالله ويفرجها يااارب

ولا وازيدك من الشعر بيت مكودين مدرسات الوزارة كلهم بمكان واحد ما تقدرين تتنفسين ولا تسمعين من الزحمة ...مو منعوا التجمعات ..ولا يناقضون عمرهم ، اللي مو قادرين يحموونا شلون يطقون الصدر للناس وبيحموون عيالهم..من أولها كذي ...حت المديرات مثلنا منخنقين منهم ، مديرة ثانوي اجتمعت مع رئيسات اقسامها بعد اجتماعها بالوزارة وقالت لهم منقهرة: تصوروا دورة ونصائح كلها مثالية وصعب تطبيقها على ارض الواقع...