السلام عليكم شخباركم بنات انا عندي مشكله انا متزوجه ثلاث اسنين وعندي بنت عمرها سنه والحمدالله لكن المشكله انا قاعده وساكنه بيت اهل زوجي ومعطيني غرفه قاسمينها بالنص وحمام الله يعزكم وغرفه النوم 3*3 وغرفه الثانيه 3*2 وهي غرفه بينتي لكن للاسف ان غرفت بنتي في اغراض وايد منها الثلاجه ودروج البلاستك هو كبت ملابسها وفيها مكتبت التلفزيون وسرير لبنتي وفيه كمدينه من كمدينت غرفتي فوقها جوله وفرن كهربا وفيها طاوله جانبيه عليها الماكرويف والبراده للاسف بنتي ماله مكان تلعب فيه وانا حيل متضايقه لدرجه عفت العيشه بس انه اهله طيبيين وايد معاي من جذي انا متحمله ولهم ثلاث اسنين بيبنون ليلحين مابنو فتكفون ساعدوني شسوي:emoticon_U::sad_smile::sad_smile::sad_smile: الله يجزاها خير اللي ترد
هلا اختي كلمي زوجج وقوليله بنتي مضايقينها في غرفتها ودها تلعب لكن اخاف عليها من الجولة ومن . . .ومن . . . ان اقتنع زوجج بيقنع اهله وربي يسخره لج يارب
قلتله وياليت ماقلتله قال قطي الجوله مو ضروري ونزلي طبخي انا عادي انزل اطبخ لكن البيت فيه ناس وايد فلنزلت اطبخ اطبخ حق عوايل وانا مابي ولا ازيدج من الشعر بيت دريشت غرفتي بويه دريشت حماي الكبير وباب غرفتي قباله باب حماي الثاني اي صوت على طول يوصل
هلا أختي وضحي له انج تبين تطبخين لبنتج أكلات معينة وانج تستحين تنزلين تطبخين شغلات بسيطة جدام حمولتج واحيانا تشتهين تطبخين لنفسج طبخة بسيطة والجولة تساعدج في هالشي قولي له المقصد لو احمل مرة ثانية البيبي وين انومه تبي ينام عندنا ويزعجك !! وبجذي ماراح تهنى بنومتك ابد والا ماتبي عيال وخلج هادية جدا واكسبيه بعفويتج يعني اخذيه بالطيب والهدوء واكثري الاستغفار سبحان الله فيه الشي العجيب وفي دعاء تقولينه بما معناه اللهم ملكني قلب من احوجتني اليه . . .ابحثي عنه في النت
هو بالاساس مايبي يهال وبنتي ماحملت فيها اللي عقب ماساله اخو من من العيب عقب سنه وانا كنت عروس فكنت استحي اني اقوله ابي يهال و هو الحين يقول مافيه لين يصير عمرها ثلاث اسنين
استغفري وادعي ربج يهديه صدقيني لو بيده كان بناء وارتاح لكن يمكن متضايق ماديا مو قادر تحملي واكثري من الدعاء والاستغفار صدقيني الرجل يحب الزوجه اللي تصبر معاه على الحلوه والمره وانشالله يتعدل حالج بأذن الله
بس انا تعبت بدال مانيم بنتي مره وحده انيمها الف مره وغرفتي ماتهوى بالمره وريحت المطبخ علي مو مركبين شفاط بغيت احط شتر مارضت امه والحمام الله يعزج من سنه الطفحه قلت له انا برممه امه مارضت لانه كنت ناويه اقسمه نص حمام والنص مطبخ مارضت
حبيبتي كلميه مره و2 و3 بس اهم شي الاسلوب قوليله انها ضيقه وانه نفسج تظيق لي شقتي بنتج مو عارفه تلعب وبعدين شهالام الي رايها يمشي في كل شي خو مايصير لازم رايه اهو شوي يمشي حبيبتي ماحبيت ادش موظوعج ومارد والله يعينج ويفرجها عليج من واسع رحمته
مشكوره عالرد حبيبتي صار عنده الوضع عادي مو هامه شي انا فكرت اعيد تصميم الغرفه مالت بنتي بس امه مارضت قالت بنبني وانا قلت له من معاشي مارضى قلت له طيب خل امك عصوب انا وياك اللي عايشين بالضيج منيه لشهر 12 اذا ماصار شي انا بسوي الغرفه والحمام الله يعزكم لو اقعد فيه بس شهر راضيه
شوفي حبيبتي فكرت لج بخطط جهنميه اهما صج فيلم هندي بس اذا تبين تفتكين من الوضع اللي انتي فيه وترتاحين سمعي كلامي وانشاءالله ياااااااااارب افيدج :teeth_smile: اول شي كلمي ريليج وقولي له "ترى مو عيشه انا لو ادري الزواج جذي جان قاعده ابيت ابوي اريح البنت مالها مكان تلعب والغرفه حييييل صغيره صج انتا ماكو مثلك و اهلك ناس طيبين وماينعافون بس مو على حساب وناستنا وراحتنا وعمر بنتنا" ثاني شي لا تطبخين لو شيصير قولي له ماقدرت اطبخ البنت نايمه او قاعده تلعب واخاف عليها واذا قالج نزلي طبخي تحت قوليله مالي خلق واذا اضطريتي نزلي بس ها .. اول ماتنزلين بلغي اللي بالبيت كله ان انتي بالمطبخ يعني الرياييل لا ايوون لانج ماتعرفين تطبخين بحجابج ولازم ترفعين جمومج اهني الرياييل بيتضايقون واكيد بيقولون لريلج انج ماتنزلين لانج حكرتيهم ومو قادرين ياخذون راحتهم ومثل ماقلتج بشقتج انسسسسسسسي تطبخين :wink_smile: ثالث شي خلي بنتج تنام عندكم بالدار بحجه انه انتي بتنظفين او بتشوفين التلفزيون او بتسهرين كلش كلش البنت تخاف قاعده تتخيل اشياء من كثر الاغراض اللي بالدار عندها واكره شي عالريال انه الياهل ينام عنده بالدار لان جذي ماراح يقدر ياخذ راحته وياج وانتي كل شوي قوليله البن قاعده مو نايمه تشوفنه حتى لو صج نايمه قوليله لا مسويه روحها نايمه :angel_smile: اذا بتسوين جذي كل يوم راح يتضايق ويحس بالفرق وانه لاااااااازم يبني باسرع وقت وانا عندي اقتراح قوليله اشرايك تكلم ابوك وتقوله يبيع البيت ويشترون بيت اكبر واوسع او نظام شقق دام الاخوان متزوجين وساكنين بنفس البيت احسن لكم وبنفس سعر بيع البيت حتى لو بمنطقه بعيده بس عالاقل الكل مرتاح واذا مانفع وياه ولا شي ماكو الا الوالد الله يخليه لج ترى الرياييل يخافون من ابو المرا مادري ليش كلمي ابوج وقوليله يسال ريلج كل مايشوفه ها اشصار عالبناي مابنيتوا ؟؟ هااا .. اشرايج فيني وانا قاعده افكر بهالليل ماعندي شغل :teeth_smile: طبقي وقوليلي شيصير معااااج وربي يفرجها عليج انشاءالله
