مرحبا ياغالين ... بصراحه مر علينا موقف حبيت اخذ رايكم فيه .. . أختي تقدم لها واحد يخطبها .. وجاء شافها على طول الشوفه الشرعيه بعد يومين مدري ثلاثة ايام اتصلت ام العريس وقالت ... مافيه نصيب ... . مع ان اختي حلوه ونعومه وجذابه مو لانها اختي بمدحها بس والله هذا الواقع .. مع ذلك مره تضايقت وحست باحباط ... ليش يرفضها ؟؟؟ وش السبب ؟؟ وش فيها نقص عن غيرها ؟؟ ومن هالكلام ... يعني مره اثر فيها الموقف ... . فحبيت اطرح هالموضوع لاعرف ردة فعلكم جميعا أحبتي . ما شعور الفتاة التي يتقدم عريس لخطبتها ثم يراها ، وبعد يومين تتصل أم العريس لتخبر أم الفتاة بأن ابنها لم يوافق على الزواج من ابنتها وإن الزواج قسمة ونصيب .. ارجو ان تعطوني رأيكم بكل صراحه .. ولو مثلاً مرّ عليك هالموقف في الحقيقه (تجربه سابقه) ( كيف راح تكون رده فعلك ) ؟ تخيّـليوا هذا الموقف .. وعطوني اجابتكم بكل صراحه .. منقوووووووووووووووووووووول
الله يوفقها اختك ويوزقها هو انه اكيد انه مو نصيبها اللي الله كاتبه لها وماتدري يمكن الله يعوضها باحسن منه واكيد الاحباط الشديد وراح يكون جرح كبير في قلبها حتى لو حاولت تخبيه << بس مو مقسووووم << والله لايحطنا بهالمواقف انشاء الله ومشكوره اختي على الموضوع
و عسى ان تكرهوا شيئا و هو خير لكم الهدف من الرؤية الشرعية ...ان الشخصين يرتاحون حق بعض يمكن اهي اللي كانت ترفض.... لمجرد عدم الراحة و رفض الشخص الثاني ما يدل على انها ناقصها شي.... بس هذا نصيب اللة يعوضها باللي احسن منه انشالله في ناس يكون جدامهم القوزي ...بس يشتهون الطرشي...
أول أنا الحركة هذي عن نفسي ما احبها ولا راح أطبقها في بناتي وهي بالحقيقة ماصارلي هالموقف .............. مادري أحسن فيها جرح النفس وفقدان الثقة بالنفس ............ يعني يخذني عندة ولا ماعجبتة يردني عند اهلي أنا افضل هالطريقة وبالعكس راح تخف العنوسة
بالعكس عااااااادي ولو انحطيت بهالموقف ماراح افكر واقول ليش وش فيني وليش مايبيني بالعكس راح اقول ماعنده ذوق لأني ماعجبته وبالعكس يرفضني الحين ولا يوافق علي وانا مو عاجبته كيف بعيش معاه لذلك لو كل حاجه صارت لنا في الحياة نرضى فيها ونقول خيره ولانتذمر راح نكون اسعد ناس لأن الله له حكمه في كلللل شي في كل شي ركزوا معاي في كلللللللل شي بس لو كنا نعي هذا الشي ونفهمه ماكان هذا حالنا لكن اقول كلمتين دع الخلق للخالق&&& في عمرنا يفعل الله مايرى فينا
انا أأيد كلام اختي وطنيه حيل وازيد عليه جلب بداله الف جلب واللي خلقه خلق غيره واذا انا بعيونه موحلوه بعين الرجال الي بيصير من نصيبي حلوه والله يرزقها ويوفق الجميع
عادي ماكو مشكلة مثل ما الولد يرفض البنت في أحيان البنت ترفض الولد جايز البنت ما فيها اي عيب بس ما دخلت قلبه ! و على فكره محد كامل كل انسان عنده عيوبه , لذا اتمنى أحتساب الأمر "خيره" و الله يكتب لها كل خير :teeth_smile:
شعور سيء جدا حيث أننى مررت بهذه التجربة من قبل ثلاث مرات ثم يعتذر على الرغم اننى مقبولة الشكل وعموما كل شئ نصيب
بالنسبه لي أعوذو بالله لو يصيرلي الموقف راح يصير فيني أحباااااااااط وأتعب نفسيه فأن شاء الله مايصير فيني هالموقف وأختج الله يوفقها بواحد أحسن منه ... سبحان الله أنا هالموقف ماأحبه سواء مره ولا رجال ماأحب أعرض نفسي في شي أسمه يشوفوني بصوره أو بعرس أو حفله
حبيبيتي الزواج قسمه ونصيب اول واخر بعدين لازام الوحده تستخير قبل اي شي ويمكن خيرة لها ان شاءالله والله يجيب لها الزوج الصالح اللي يحبها
يمكن السبب مو اختج سبب يخصه اهوا ماتدرين وانشالله نصيبها يكون احسن منه وخيره لها .... انا ماصار فيني هالموقف الحمدلله بسس اكيد بكون شعوري اني منكسره واشك بنفسي بس كل شي قسمه ونصيب ...
والمصيبه اذا تزوج وحده قريبتك وعارفه انه ردك مابغااااااااااااااااااااك ياشينها على القلب وكبرها على النفس - الله يعوض البنيات خير ويوفقهن
الخيره فيما اختااااااره الله أهم شي الثقه بالنفس فديتج دامها واثقه بفسها بتتأثر شوي وخلص بعدها راح تكون أمورها تمام
