مشكلتي مع زوجي انه ما يعلق أو يمدح أي شي يعني لما ألبس شي جديد وستايل ..... عادي لما أطبخ طبخه حلوه ....عادي لما أكشخ حق عيد او حفلة او عرس ....عادي لما اشتريله هدية ......عادي لما أجامل أهله و أقدرهم ....عادي لما أقدر ظروفه وأصبر على أشياء صعبة .....عادي لما حملت في بناتي... عادي لما ولدت في بناتي ....عادي أيام الملجة و الخطوبة ....عادي أول يوم زواجنا ....عادي بعد ليلة رومانسية .....عادي كل شي يخصني أنا عاااااااااااااادي......مع ان طبعه مع الناس الثانيه غير و لما اغلط أنا بشي و لو كان تافه.....مو عااااااااااااادي سويت اقنور ....و صرت اعامله بنفس الطريقة...فشلت و ما استحملت مع العلم ان زوجي طيب و يخاف الله فيني بس اللي ناقصني كلمات .....الدلع ليش سااااااااااااايلنت ؟؟؟ مع ان الناس الثانية تمدح ؟؟؟ ليش لما أطلع الشباب يتحرشون فيني ... و زوجي عادي ليش لما أروح عرس ...الحريم يخطبوني .... و زوجي عادي ليش الناس كلها تمدح و تقوله الله يهنيك بزوجتك .... و زوجي عاااااااااااادي و الله شي يقهر ... انا تعبت ...ثقتي بنفسي اهتزت ....يعني اذا ما كنت ستايله ...ليش تزوجني ؟ أبي أعرف شنو اللي يعجبه عشان أسويه و شنو اللي يكرهه عشان ابعد عنه ؟؟؟ أبي اعرف اهو راضي عني ولا لأ ؟؟؟ بتقولون سأليه انتي ؟؟؟ عشان تفهموني أكثر ... لما أسأله .... تحبني ؟؟؟ الرد : ايه احبج أي لون تحب تشوفني لابسه ؟؟؟ الرد : كل الألوان حلوه عليج شرايك بالطبخه...حلوة ؟؟؟ الرد : ايه حلوة هذي البدلة ؟؟ الرد : ايه حلوه شرايك بهديتك ؟؟؟ الرد : مشكورة أنا زعلانة ؟؟؟ الرد : يلا عاااد لا تتدلعين و الله المسألة صعبه..............شنو الحل؟؟؟؟ بتقولون حقريه و لا تاخذين رايه .... حاولت بس ما قدرت ... بتقولون مريض نفسي ..... بقول يمكن ...بس شنو العلاج بتقولون كل الرياييل طبعهم جذيه ...بقول لكم لااااااااااا ابوي ولا اخوي و لا خوالي و لا عمامي و لا رياييل خواتي طبعهم جذيه تكفووووووون ساعدوني؟؟؟؟
بناتي حبيباتي اغلب الرياجيل جذي بس يمكن زوجج بزود حاولتي تقولين له ليش اسلوبك جذي؟؟ انا ما احس بحياتي تغيير من سبب اسلوبك..؟؟ ما اقدر اسوي تغيير والسبب مو عارفه شنو الشي اللي يخليك تبدي رايك بدون ما اطلب..؟؟ هالحركه دايم اسويها لزوجي اضم ايدي على رقبته واحط عيني بعينه واقوله الشي اللي مو عاجبني واكرر وارد بالكلام واعيد وكل كلمه والثانيه اضمه وافكر شقول بعد وارد اقول واضمه وارد اقول لين اوصل للي ابيه مووووفقه يارب وسمعينا اخبار طيبه عنه واحمدي ربج غيرج عايش بجحيم وغيرج تتمنى زووج اسم يعني ضل راجل زلاضل حيطه تقبلي مشاركتي
سلطانه زماني ............ كلامها كله ذهب وعجبني ردها وحمدي ربج وحاولي أنج تخففين شوي بالاهتمام فية يعني طنشي مثله يمكن يحس بنفسة حاولي تعكسين صورتة وأفعالة له يعني لاسولف معاج سوي مثل ماكان يسوي معاج لاسالج عن شي أو اخذ رايج بشي سوي مثل ماكان يسوي معاج ولا طلع برى البيت قولي ترى انا بطلع وبخلي البنات بغير جوا
انثى غلطانه فديتج.. مو تطنيش تطنيش... المقصد تطنيش خفيف لانه مهما كان الرجال مثل الطفل تتعاملين معه وكل زوج له نقطة ضعف معينه من تصيدها الزوجه خلاص ترتاح وتعرف شلون تتعامل معاه... اما الاهمال هو اللي يزيد الجفوه جفوه اكثر ومنها يبدى البرود بين الزوجين بالحياه الزوجيه العامه ومنها للفتوووووووور
انا ريلي مايعرف يعبر كلللش يمكن نادر كل عادي لبس شكل مايعرفون ريايل يعبرون حتى بالعيد الميلاد اشتري اي مشكوره معني ماشفت لابس الهدوم لي يبتهم لها...
نصيحه خففي من الاهتمام شوي وشوفي شنو راح ايصير لج خروف وشوفي ريلج اذا كان ساكت معناها انج عاجبته حركاتج ولي اتسوينه وعشان جذيه لما تغلطين يزعل عليج لانه ايشوفج زينه وايد وفوق الزينه وفي اباله انج زوجه ممتازه فما يتوقع منج الغلط وموفقه اختج خضيره
حبيبتي يمكن زوجج مايعرف يعبرر ,, او مايعرف انتي 24 ساعه قوليله كلام غزل يمكن يتعود منج ,,ومع الايام يقول ..
جربي نصيحتي كم يوم وشوفي عقبها راح هو ينطق الطريقة اذا انتي طبيعتك من النوع اللي يضحك ويسولف ومتعود انك جذيه ,,,,,فجأة خليج مرة وحدة سايلنت وعلى قد كلامه ردي ولاتزيدين وشوفي شلون راح يستغرب ابو الهول وينطق
حمدي ربج صاجه خضيره مادام انه ساكت معناته انج عاجبته واغلب الرياجيل نفس طبع زوجج وترا اغلب الناس اللي تمدح تجامل مو من قلب والرجال اللي لسانه عسل ويتغزل بكل شي فيج معناة متدرب على المغازل وله فيه باع طويل قبل الزواج والرجل اللي مايعبر عن الحب بالكلام من صفاته :الاهتمام بالبيت والاولاد وهادي وكثير الصمت وبيتوتي قليل العلاقات بالاخرين
