يابنات حبيت اطرح هالمعاناة يمكن البنات الحكيمات وصاحبات الخبرة يشورون علي متزوجه من سنوات ولي اطفال واخت زوجي الي بعمر بنتي من اول يوم مو حابتني قلت يمكن لاني توي يديدة عليهم حولت بالحب بالهدية بالتطنيش بكل الطرق اني اكسبها او على الاقل اني اسلم من اذيتها لكن بدون فيدة البنت مو حابتني وزاد عذابي لما انجبت ولدي كانت تغار منه بحكم انها كانت طفلة واستمرت المعاناة مع كل طفل وكانت تكبر لكن بدون امل انها تفهم وتعقل كان اذاها وكرهها يكبر معاها بتقولون وين امها اخوها خواتها عنها الام ما تأدب ابد وعندها نها ياهل وان احنا لازم نراعي انها ياهل مهما كبرت الخوات مايقدرون لها الاخو يحبها ويموت عليها وتكسر خاطرة انها وحيدة وبدونة صداقات ومحد يحبها كذلك لانها صغيرتهم ولا زم مايكسر بخاطرها المهم يابنات مالنا بالطويلة البنت هذي كبرت وصارت عروس ويابت يهال وصارت معاناتي ومعاناة عيالي بسببها وبسبب عيالها دائما تتهمنا ان سوينا فيهم شي والله يشهد انها متبلية وما تعرف تقعد بدون مشاكل وعيالها مثلها كئيبين وبجايين وما يحبون احد الله يعين الريل مسكين المراد ياخواتي انها آخر شي ماقدرت تتحمل سكوتي وتطنيش لمشاكلها لاني مالي الا الصبر مرة وعيالي يلعبون راحت كالعادة تتحرش فيهم ولما بنتي دافعت عن نفسها صفعتها صفعتين على ويها وسبتني مسبات ما يقولونها حتى بنات الكبريهات تتهمني بعرضي وان عيالي عيال .... زوجي هني حس بكبر المصيبة فلما تدخل ضربته وسبته في نسبه هو طبعا اتخذ الازم وادبها لكن يا بنات عيالي صابهم روع من الموقف وذاك اليوم ما قدرنا انام من الي سوته ومن الكلام الوصخ الي سمعتنا اياه ولي يومكم وآنه بقلبي نار خاصة ان امها ابوها يقولون انها ياهل ومهما كان ماتوصل ان اخوها يضربها حتى لو انها سبته وسبت مرته آنه الحين محتارة شنو الخطوة الثانية الي اتخذها بحياتي ابي انتقل نقلة واعيد حساباتي حتى ما اعرض نفسي وعيالي لهالشي مرة ثانية لو كنتي مكاني شنو التصرف الي بتسوينه لآخر العمر ؟
الصراحه الله يكون بعونج اختي هذي بلوه مو صاحيه الخطأ الصراحه من ابوها وامها وهم زوجج يتحمل الخطا المفروض زوجج مايسمحلها ترفع ايدها عليه مهما كان هذا ريال والمفروض يطقها طق سنه بساعه الصراحه هزلت واسمحيلي اقولج زوجج ضعيف شخصيه اللي جذي انتي طنشيها والحجي خليه ويا زوجج قوليله ترا تأذيت بسبتها ورجاء تصرف وياها على الاقل انت اخوها واهلك بيتقبلون منك لكن انا ماراح يتقبلون مني وبينيله شكثر انتي متأذيه منها الصراحه اذا سكتو عليها مو بعيده عليها تسوي شي بعيالكم والله يستر عليج انشالله
غلاوي وبس اشكرج على المرور ما احتاج لقب انتي فاهمة الوضع بس الي ما تعرفونه ان زوجي شخصيته مو قوية وبس الا فولاذية بس اهو ما توقع انها تمد يدها الواطية والشي الثاني اهو وايد يحبها وتكسر خاطره لكن الحين ماخذ منها موقف لا رجعة فيه آنه اعرفه زين اذا حط اكس بعد مايشيلها لاكن كنت ابي اعرف اشلون اتصرق مع الي حوالينها هل اقاطعهم ليما يعتذرون هذا اذا فكرو فين هل اشيل نفسي ويا عيالي ولا اواصلهم بس بحدود وشكرا لكل من عبرني واهتم في موضوعي
لا تقطعينهم لان مهما كان هذيل اهلهم وصلة الرحم واجبه لكن حطي حدود بينج وبينهم وخاصه اخته جليلة الحيا والله باجر تسوي شي بعيالج ديري بالج منها هالاشكال مالهم امان والله يعينج خيتي
اختي دلع اشكرج عالمرور افلصراحة مو ذابحني الا هاليهال وزوجي عادة يخليهم يروحون لبيت اهلة بعد المدارس لحين ما يخلص دوامنا لان بيتهم في منطقة المدراس وبيتنا بعيد آخر الدنيا وعادة البومة اخته تكون مرابطه هناك طبعا عشان امها تشيل وتحط وتحفض بولدها وهي بس تتفرغ حق عيالي مادري الحين بعد ما انطقت يمكن ما تتجرأ عليهم بشكل علني بس اكيد بتنتقم بطرقة غبية تنكشف بعدها بس الله ينجي هاليهال مالهم ذنب يعانون بين ابوهم وعمتهم ربي كبير وهو خير حافظ
تبين الصراحه انتي تهاوشتج وعيالج الطقهم بسيطه انا كانت عانس وقاعدتلي عالوحده يا عمري ومو بس اهي لااااااااااا وبعد 2 عصابه طحت ومحد سمه علي والله كانت اهيه مربيه ريلي ومكبرته وتكلمني عادي وكل شي وكانت اتشوفني اشتري قمصان نووووووووم واحظر نفسي وجذي تسهر معاي وتشوف كنت وايد احبها وعلى نياتي واشوف ريلي تغير بعدين اتقولي لا ماعليج مافيه الا العافيه وما اشوفه الا قاعد معاها بالحوش بروحهم دودودو تدرون وانا صغيره وماكو خبره وامي مسكينه كنت اقولها بس تقولي سكتي انتي لا التكلمين حاتشي اخته تقربي منهم وبعدين اكتشفت انها اهيه تحاتجي وحده يحاجيها علشان يطلقني اتقوله من الغيره هذي ختولي انت يبيلك وحده متينه واحلى منها هذي مولايقتلك لازم الطلقها حسبي الله عليها هديت بيتهم وتهاوشت معاها وطلعت بيت تاجرته بسمي وقتله عندك مهله 3ايام ان ما اييت انا رح ارفع عليك قضيه والله هدهم وقعد معاي وبعدها الماساة تمت وراي تحط براسه بيتهوم وانا بعيده ياغافلين لكم الله بس كنت اقوله اكيد من اختك السوسه يتهرب ويسكت ليمه قبل سنتين عرف انها اهيه سبب مشاكلنا اقتنع وهدهم طردوه من البيت ومن يومها احنا سمن على عسل والحين تزوجت وفتكيت من المشاكل بس ماقول الا حسبي الله اكيد الله رح ينتقم منها واوله ريلها ما يخليها تطلع بروحها وخانقها واليايات اكثر ربج مايطق بعصا الله يسامحها وما تشوف شر بس افتك منها والله موشماته بس الله ما يظيع اجر صبري وانا اقول صبري عليها الله يعينج بس لاتسكتين عن ضرب اعيالج مالها حق والله اطقها طق او اهاوشها وووو الله كريم
الله يعينج على مبتلاج وربج يمهل ولا يهمل عليج بالصلاة والدعاء ان الله يبعد عنكم شرها ويستر عليج وعلى عيالج وريلج ياويلها من عقاب ربها !!!
زين ماسوى اخوها فيها اتحدى تقدر تمد يديها على عيالك وانتي علمي عيالك اذا سوت لهم شي خلي ابوهم يتصرف معها
الله يعينج مالج إلا تواجينها قدام اهله وقوليلها ان مديتي يدج على عيالي انا مراح اسكت عنج وصدقيني راح تفشل لان راح تكون حاطه دوبها لليهال
ياربي ليش كل خوات الريل جي انا والله امي شحلاتها مع نسوان خوالي ومن كثر مايحبوها ينادوها خاله ههههه وحتى عماتي يحبون امي و مرات تصير بينهم مشاكل بس عالخفيف وعادي بس حموات هل زمن غير والله انا اعاني واختي تعاني وصديقاتي يعانون شو ستوا فالدنيا... الله يساعد اختج والله انا اقول لا تقاطع امه ريلها وابو بس حماتها مالت عليها لاتكلمها ولا شي ودام ريلها بعد ماخذ موقف خلي تكون معاااا وينتظروها لين تي وتعتذر واذا مااعتذرت لايكلموهااا والله انا اخت ريلييي اصغر من ريلي وفي وحده اصغر منها بس ياربي لوتشوفهاااا الكل يسمع كلامها خيرشر ومحد يزعلها ومحد يقولها رجعي لورا...على شو ماادري مالت عليها خخخخ
اسمحيلي اولج ان الخطا منج مو من احد . المفروض انج من الاول موقفتها عند حدها ومااخلي هالاشكال تمادى المفروض من يوم كانت جاهل معطتها جم كف على وجهها ولاعنه خيرها عشان تحسب لج الف حساب..لان في هالزمن البقاء للاقوى والضعيف الكل يدوسه مع احترامي لج..واللي مايستحي منج لاتستحين منه حتى لو كان من كان..
والله هذي سالفه عويه ماعندها شغل غيركم واااي بطت جبدي الصراحه سوري ... حطي بينج وبينهم حدود لانه هالاشكال ما يتادبون الا لمن الواحد يحقرهم الحقران تقطع المصران الصراحه اهيا مو متربيه شنو تمد ايدها على اخوها الكبير وييين قاعده والله مصخره وايد معطينها ويه .... حقري وطااااف وعشان انتي ترتاحين وتشترين راحة بالج انتي وعيالج خلي روحاتج لهم من فتره لي فتره احسن ...
