السلام عليكم عندي مشكله وابي لها حل انا توني والده ولاده قيصريه صارلي يومين من طلعت من المستشفى من ولدت وبطني فيه انتفاخ كأني بالشهر السادس هل هذا الانتفاخ طبيعي ؟ واذا كان طبيعي شنو تنصحوني فيه علشان يروح ؟ وبعد جم شهر يرجع مثل ما كان ؟ مشكلتي اني قبل لا احمل ما كان عندي بطن كلش ابي حل :emoticon_U:
مرحبا...... حبيبتى نفخة البطن شى طبيعى لاتحاتين راح تروح مع الأيام وماتطوف ايام النفاس إلا انشالله رايح ثلاث ارباعها -كل الوالدات جذية والقيصرية تكون بزيادة لأن البطن لماينفتح يدش فيه هوا يطلع مع الأيام كثرى شرب النعناع وووووووووايد كان زين معاى وهم لاتنسين إن خياط البطن 7 طبقات مخيطة تحت بعض فلازم يكون البطن بارز شوية .... وراح يلتئم مع الشهور بحدود 6 أشهر بالكثير حاولى تريحين نفسج لاتشيلين شى ثقيل وامشى كالخفيف ..وشكرا :teeth_smile:
هلا اختى انا والده قيصري وعانيت من الكرش وايييييييييييييييييييد وهذا شى طبيعي لاني سبحان الله لما يخيطونج الهوا يدخل بالبطن وينفخها ويجيب غازات عليج بشرب الكمون واليانسون ولا تشرررررررررررربين الحليب لانه يجيب غازات وامساك لاتصيرين مثلي الله لا يوريج جاني امساك بغيت اموووووووووووووت لولا قدرت الله ولاتنسين الملين خوذيه من الصيدليه ومره باليوم والبطن ماراح يصير مثل الاول بس يخف بعد تسع شهور بالنسبه لي والله يعنيج ولاتنسينا من الدعاء
حمدلله ع السلامة خواتي ماقصروا قالوا المفيد اللي بطنج غازات شربي كمون ونعناع وابتعدي عن الحليب والبقوليات والفلفل واي شي يسبب النفخة هالغازات بتسبب لج مغص مؤلم لين تطلع اهم شي نظافة الجرح اول مايشيلون الغرز خلي عندج مرة منقعتها بطل ماااي صحة واخذي قطنة نظيفة من سائل المرة ومرريه على الجرح وحاولي ما تثقلين باللبس عليها خلي الجرح يتهوى شوي ولاتغمتينه بكل عملياتي استخدم المرة ولله الحمد لا التهاب ولا حرارة
هلا حبيبتي انا مرتين قيصريه اول مره توائم ودش بطني بظهري والحمدلله وثاني مره صار انتفاخ لازم لأنه قيصريه وبعدها يروح بس إنتي حافظي على نفسج ولا تشربين الأشياء الحاره لأنها موزينه للقيصريه والجرح ولاتحاتين انا الحين بصيرلي سنتين بآخر ولاده سنه2007 والحمدلله
لا تخافين هذا شي طبيعي أنا والده قيصريه او كنت نفسج ما عندي كرش او صار عندي انتفاخ حتى قمت أفكر اقول أظاهر ناسين بيبي ثاني داخل :shades_smile: بس اكتشفت انها كلها غازات لا تحاتين كل هذا بروح بعد 6 اشهر الحين لم صارو اشوفوني الناس ما يصدقون ان عندي بيبي معني ما سويت رجيم بس عقب 6 اشهر يتسنع الجسم اتمنى اني فدتج
:emoticon_U: ااااااااااه القيصريه وووووووووقت عشان كل شي يرد طبيعي انا اول مره ولدت قيصري كل شي زين وحملت بعدها بست شهوور وتوني والده قيصرية مره ثانيه من شهرين وللحين بطني منفووووووووخ وغازااااااااااااااااااااااااااات خخخخ وفوق هذا فيني عوار على الجنب اليسااار وساكته لانه اقول كلها ست شهور وارجع احسن من اول انتي طولي بالج ولا تحاتين والكرشه مردها تشد مع مرووور الوقت اذكر يوم ولدت اكره عمري لما اظحك احس كرشي يناقز ويطامر بروحه مع كل ظحكه يتخضخض ههههه لا توسوين وديري بالج في اكلج .. حمدالله ع سلامتج:teeth_smile:
حبيبتي لا تحاتين ولا تهملين، ولا تنسين تشربين المرة ترى زينة للغازات وعلى طول شفطي بطنج نصيحة لازم تشفطين في البداية حاولي تشفطين وانت نايمة وشوي شوي وانت واقفة
