انا حامل وبالشهر الثاني وهذا اول حمل لي >>>> يعني ماااااعندي اي خبره اللي اعاني منه اكيد طبيعي مثل ماعرفت غثيان الصبح ولوعه الكبد والاستفراغ في كل صباح بدايه الشهر الثاني كان الاستفراغ عندما اشتم اي ريحه اكرها بس الحين نهايه الشهر الثاني استفرغ حتى لو ماشميت شئ واحيانا استفرغ ومعدتي تكون فااااضيه فتخرج العصاره المعديه وبهذا احس اني كل صباح اتعذب اللي اطلبه منكم " ياذوات الخبره" تخبروني شنو اللي يخفف من الغثيان والاستفراغ في الصبح ومتى ينتهي هالشئ؟؟؟!!! بنتظار ردودكم ؟؟؟!!
هلاااا ام الزين شوفي اختي كانت جذي خلي يمج اول ماتقعدين من النوم بسكوت ناشف او شابوره او بقصم لان يمص اللوعه وقللي من اكل البهارات والدهون وخليج على الاشياء الناشفه احسن وقسمي الوجبة اكلي كميات صغيره وجربي البطاط مع روب واكلي فاكهه الله يخفف عنج
حبيبتي انا مثلج في حبوب بصيدليه خاص حق لوعه الجبد قوليله انج حامل وابي حبوب حق لوعه وايد زين وانا اخذ علج بو سهم وسفن اب واكل اشياء خفيفه والحمدالله شوي احسن والله يرزق كل وحده تبي ياهل و سهل علينا انشاءالله ويرزقني بولد
انا بصراحة قريت وطبقت هالاشياء وفادتني بشكل خيالي الموز وبعد ما تاكلينه خلج جذي ربع ساعه بعدين قومي من السرير وشربي ماي بارد مثلج هم يساعد وايد شوفو بضاعتي لتجهيزات المواليد http://www.kuwaiteya.com/vb/t83114.html
مرحبا حبيبتي شوفي تروحين الصيدليه وتاخذين حبوب اسمها نوفيدوكسين تاكلينها قبل النوم وماتكثرين اكل وتقسمين كل الوجبات حق وجبتين وتخففين دهون وبهارات حاولي تاكلين عيش ابيض وروب وخيار يعني خفايف واول ماتقعدين الصبح تاكلين بسكوت مالح او شابوره مع شاي وانشالله بعد جم شهر ترتاحين الله يهون عليج
اااااااااااااااااااخ والله ميته من كثر ماارجع حتي دم ارجع ادعولي يابنات حبيبتي الله يهون عليج يمكن تشوفين مصيبتي تهون عليج
الله يهونج عليج وعلى الكل الحمل نصيحه ياقلبي اكلي دايما علج البان سواء الصبح على الريج بالعصر بالليل المهم اي وقت تحسين انه لايعه جبدج اخذي علج البان وعلجي اول شي هذا عن تجربه وثاني شي عن علم الطب البديل لا وازيدج يقولون الولد اذا امه كانت تاكل علج البان يصير الولد محبوب وشفتها بولدي وبنت وحده تحياتي واي استفسار انه هم حاظر