مرحبا اخواتي........... عيد ميلاد زوجي قرب ولا عارفه شو اقدمله هديه وشو اسويله........... ممكن تساعدوني ؟؟؟؟؟؟؟؟؟ ساعدوووووووووووووووووووووووووووني........
هلا حبوبه اول شي غرفة النوم حاولي انج تغيرين فيها مثلا الفرش بدليه وحطي فرش جديد بألوان الحب اللي اهو الاحمر الابيض الوردي انتي كيفج وتفخي بالونات بالغرفه بلون الابيض والاحمر ووزعي شموع بكل ركن بالغرفه على الطاوله على الارض عزج الله بالحمام وعطري الفراش وبخري الغرفه وروحي محل ورد اشتري ورد جوري احمر وحطيه عندج بالغرفه منه شي عالطاوله ومنها شي نثري عالفراش ومنها شي عزج الله بالحمام واشتري الهديه يعني مثلا اكثر شي يحبه زوجج او كان بخاطره يشتريه وما شراه مثلا ساعه عجبته بالمكان الفلاني او تلفون عينه طاحت عليه يعني جذي .. وغلفي الهديه وحطيها عالفراش مع الورد المنثور :teeth_smile: شغله الثانيه والاهم انج تتسبحين وتتعطرين وتروحين الصالون تغيرين قصة شعرج وتصبغينه بس طبعا من غير ما تقوليله عشان تكون له مفاجئه ثانيه .. وحطي نقش حنه بايدج (( سإلي مجرب الريال يموت على نقش الحنه باليد والريل لانه يشوف زوجته فيه مغريه وتشوق )) فاهمه قصدي :teeth_smile: وبعد كل هذا لبسي شي حلو مو لبس نوم لاء هذا خليه اخر شي .. لبسي شي ناعم مال سهرات العلاق والصدر نصه طالع ويكون لحد الركب مع الكعب وفاله الشعر واكسسواات ناعمه ومستشوره شعرج واااااااااااو تطلعين واهم شي العطر اللي يحبه عليج زوجج :teeth_smile: والاكل خصصي لكم ركن بالبيت وزهبي الطاوله طبعا لازم فيها شموع وورد واتيكيت :teeth_smile: وطلبيله الشي اللي اهو يحب ياكله او سويله طبق بالبيت يحب ياكله من ايدج :teeth_smile: وعلى طبقه حطي يمه ورقه مقلوبه او بطاقه حلوه مقلوبه او مصكره كتبي داخلها عليك بألف عافيه حبيبي (( أحبك )) .... أو صحتين وهنا على قلبك (( أحبك )) :teeth_smile: وبس وانتي كملي شغلج بعدين واذا حابين تكملون السهره اشتري فلم رومانسي أو رعب وقعدو سهرو عليه :teeth_smile:
مرحبا عشيقة زوجك .. العمر كله يارب ام علي ماقصرت ماشاء الله عليها واهم شي يكون ستايلك غييييير تمامآ امنتياتي القلبية لك بليلة رومنسية رائعة,, تقبلي مروري يالغلا:wink_smile:
راح اقولج انا شنو سويت الى زوجي في في اول عيد ميلاد له معاي.. في يوم عيد ميلاده ماسويت له شي بالمرررررررررره خليته يزعل وماكان متوقع مني هالشي حتى قبل لانرقد يقولي مو كأنك ناسيه شي اليوم ,, حسسته اني ناسيه كلش علشان تصير مفاجأه صدق يوم ثاني رحت الصالون وتكشخت وهو مايدري زينت الشقه وغيرت الشرشف وخليت شموع الصغار في الارض صار الجو روووعه ولما وصل تفاجأ مرررررررررررررررررررره وفرح واااايد اكثر من الحين لما اسويله في نفس اليوم لانها كانت صج سبراااايز اتمنى اكون فدتج بتجربتي
اهم شي سمعي مني اذا مو راضيه عليه لبسيه ونكشي شعرج واكلي سمج وثوم وصخي البيت ونكدي عليه واذا راضيه عليه ومطيب خاطرج اي سويله كل شي لوووووووووووووووووول هههههههههههههه والله اتغشمر معاج سامحيني حبيبتي الله يوفقج انتي وياه وكل عام وانتووووووووووووووووووووووو بخير وطول العمر مع بعض
