انا الحين دخلت شهري التاسع صار لي اسبوع وابي اولد علشان عرس اختي بشهر 11 وما احس بولاده شسوي تكفون ابي خبرتكم
انا باقي لي 4 ايام وادش التاسع ومثلكم .. انتي مثلي ماتبين تحسين بشي كلش بس شنو نسوي... اي مستشفة راح تولدين فراولة... حاولي تشتغلين واااايد او تمشين وااايد والله يسهل يارب...
حبيباتي الله يسهل عليكم يارب ويرزقكم بالذريه الصالحه معلومه سمعتها وجربتها اختي وحابه اني اعطيكم تجربونها ملعقة عسل +ملعقة زيت زيتون ونصحت فيها وايد بنات والله الشاهد على كلامي الرحم انفتح والطلق جاهم مع بعض لان في اشياء بس اتحمي الطلق والرحم امسكر مثل الخروع نصيحه جربوها وادعولي بالذريه الصالحه المتعافاه والمسلمين ما ابي الا دعائكم
شوفوا هالوصفه إلي تشربها وماتجيب لها الطلق تقابلني بس عاد موتشربينها بدايه التاسع لازم تنشرب وماباقي على ولادتك إلا كم يوم أنا شربتها الساعه 3 العصر وجاني الطلق الساعه 10 بالليل وكان ماباقي على موعد ولادتي إلا أسبوع الخلطه هي : 1- واحد حليب كي دي دي ربع لتر 2-5عيدان من القرفه 3-5عيدان من المسمار 4-ملعقه زيت السمسم وهو الأساس بالخلطه كل هذا تسخنينه على النار وإذا خلص حليه بالعسل وشربيه وعاد شوفي العلوم الطيبه والله يقومكم بالسلامه
روحي حق دكتورتج و قوليلها تفحصج لأن الفحص يعجل بالولاده و ممكن تنصحج الدكتورة تشربين خروع...! مووفقه.
