منو راحت فيينا...((النمسا))

مرحبا..

اي وحده راحت فيينا تقولي شنو رايها بصراحه واهم الاماكن السياحية هناك والتسوق؟؟

وشلون الاسعااار؟؟



وشكراا

نبي ردوودكم لوسمحتوووووووووا

الغالية انا بسير النمسا وسويسرا والمانياوفرنسااول 7 المفروض نسير لندن بس ريلي غير من كثر ما سمعنا عن النمسا وخاصة عن زيلامسي وشلالات اللي فيها وعن الاسعار الصراحة ماعرف بس انا بتسوق في المانيا ع رمسة ريلي يقولون احسن

حبيبتي زيلامسي معروفه بالطبيعه والبحيرة الى فيها عجيبه وفيينا فيها سوق مشهور مااذكر اسمه بس فيه محلات وكل شي من ماركات وكل شي حلوة حق تسوق

شو اسم هالسوق

انا وصلت فيينا البارحة وبصراحة ما تنفع الا حك كمن يوم وما فيها اماكن سياحية وايدة عليج بزيلامسي

حبيبتي انا سرت النمسا وشبعت منها بس تبين الصراحة شي منطقة احلى من كل المناطق واسمها (باد جاستن ) بصراحة بدون مجاملة جنة الأرض شي أروع من الخيال ..بس مول ما تنفع حق اليهال لأن هالمكان حق الاستجمام وما عندهم وايد اسواق مثل فيينا بس ترومين انتي وريلج تأجرون سيارة وتتحوطون في الاماكن المجاورة لها مثل زلامسي وفيينا سالزبورغ حتى ميونخ في المانيا يعني تقدرين تقولين مال نص ساعة من بادجاستن لهالمناطق

انا رحتها السنة الي طافت وايد حلوة النمسا وفي حدايق روووووعة تنفع حق الاطفال والجو رووووعة وفيها اماكن حلوة ادخلي موقع المسافر وشوفي المناطق الي فيها ورحت زيلامسي رووووووعة وتقدرين اتسيرين المانيا وتتسوقين فيها

هلا اختي
دربالج من المترو:emoticon_U:
ناس ماتخاف من الله
يبوقونج ويقمرونج(يعني يسحرونج)وانتي مسبهه :mskket::mskket:
وصار لنا هالموقف وفينا ترى بس طبيعه ونار الاسعار غالية حيل
واتمنى افدتج​

الحذر ثم الحذر ثم الحذر من المترو في فينا يا بنات شوفوا شو صار لنا عقب ما زرنا برج الدنواب والحديقة التابعة لها ركبنا المترو انا وريلي ويلسنا حذال واحد افريقي وحرمة شكلها مب اوروبية وعندهم االموبايل والافريقي يالس يطلعني من فوق لين تحت ويالس يطلع الخاتم والساعة وقرص الحرمة من تحت وانا خلاص ميته من الخوف وخبرت ريلي المهم نزلنا من المترو بسرعة ونشوف الافريفي ورانا وغيرنا اتجاهنا وركبنا الدرج الكهربائي الا نشوف واحد لاصق في ريلي من ورا ما يطيع يتركه ( المهم الا نشوف واحد يذكرنا ويعطينا البوك وريلي مستغرب ويقولي انسرقنا ,5000 درهم ...........قلنا الحمدلله يت في الفلوس ولافينا ولافي بطاقات الفيزا والبنك ووعمة من رب العالمين

موووووووووووووووفقه بطلبك

والله يا خواتي على البوقات والسرقات ترى احنا السبب فيها يعني تلبس الوحدة ساعة وخاتم الماس وجنطة وكاشخة اكيد بتلفت النظر لها
دول اوروبا يبيلها البساطة في اللبس يعني ماله داعي نخب عمرنا بالكشخة ترى اهمه عبالهم هوامير ويانا ملايين علشان جذي احنا مطمع سهل لهم

الله يكفينا شرهم .....وانا ادعي ربي اني مااروح لهم ولا يحدني الزمن عليهم ........

صدقج ياأم عبدالله وربي يوفقج دنيا واخره ,,,,,,,,وهذا كان درس لي لاني ما سمعت بكلام ريلي الله يحفظه لي يوم قال لي انتي رايحه حك الوناسة ولا الكشخة

هي والله صدق كلامكم نحن مانصدق بس همنا الكشخه.لما كنت باوروبا كنت البس اسكارفات ماركه واكشخ من فوق ل تحت والكل يطالعني ولاحظنا ان باليل يلحقون ورانا وعقب قلت لا بلبس ذهب ولا شي مافبينا بعد

يالدبه انتى وياها تراكم خرعتونى شنو سحر وبوقات لاتخلونى اهون على كل سفره الله يكفينا شر السحر شكلى بروح بقروب ابرك لى تهى تهى تهى

واللــه النمســا شي حلـو انا رحتلــها هالسنه بس ماخذنا راحتنا لانا رحنا مع قروب بس السراحه غاليه موت واذا بتروحين زلامســي وبس صج تســوى
:wink_smile:

موفقه 000000000000000

انا للاسف ما رحت بس نبي دعواتكم عشان الله يكتب لي :shades_smile:

النمسا دوله هاديه وراقيه بنسبه لاوربا استانسنا فيها حيل ورحنا رحلات وفيها مطاعم اسلاميه ايراني واعراقي وتركي ورحت زلمسي يومين كافي عليها بس البحيره والمطعم التركي يم البحيره مشي حاله بس في مطعم هندي روحله مع التكسي بس تقولين المطعم الهندي اهو عارفه يبيله 10 دقايق وروحت (جبال الثلج)موطبيعيه وتسوقنا في المانيا لانه ارخص بس مو وايد والي عجبني بالنمسا شريتا وعلي فكره كل شي بالكويت والله ماشفت الشي العجيب بس الماركات بالمانيه ارخص من الكويت من30-40 دينار بس وانصحج تروحين مع قروب لان صج وناسه