هذه البنت راح تهدم بيتي emoticon_U::emoticon_U::frown:هلا أنا متزوجة ولي سنه لكن ابي مساعدتكم زوجي يعرف بنت واحس انها تلعب عليه ساعدوني شسوي كل اللي اعرفا عنها تلفونها
حبيبتي خلي احد يتفاهم وياها ويهددها انه ما تتصل عليه مرة ثانية وبعدين شوفي زوجج شو ناقصه وسويله كل الي يباه وانشالله ببيبتعد عنها والله يعينج
لازم تكلمينه او تخلين احد يكلمه لانه لو خليتي احد يكلمها اهي راح تكبر السالفه ويحطها في باله اكثر ولو صج ابتعدت عنه راح يلقى غيرها وايد اذا يبي بس لازم توقفين زوجك عند حده وتخلين احد يكلمه ما تسكتين له وبعدين تعرفين ليش سوى جي
:rose:خلي احد من عايلته مثل امه او ابو او حتي اخوه الكبير يتفاهم معاه واذا ما نفع خلي احد من عايلتج يتفاهم معاه اما مساله انه يكلم بنت اشوفها ماهي عدله وحتي لو انها ما تلعب عليه شوفي انتي شنو مقصره معاه علشان يكلم غيرج وترا بياخذها عاده وراح يتمادا بها شي؟وتقبلي مروري
المشكله تدرين وين انج تدرين انه يكلم وحده غيرج وعادي وخايفه انها تكون تلعب عليه ومو صج تحبه ترى المشكله مو عاديه ومو صدق اللي تكلم زوجج وجذبها اصلا بنات ابليس ماخلو احد بحاله لازم تاخذين قرارج انج توقفينه عند حده ومايصير يكلم وحده وانتي تدرين وعادي جذي راح يتمادى اكثر واكثر . والله رأفت لحالج ولردة فعلج اختي مايصير هالبرود انا مااكرهج بزوجج والا اشيشج عليه بس غلط اللي يصير لانها علاقته فيها محرمه وماتجي منها الا الامراض يعني احرصي على نفسج . والله يهديه لج ياااااااارب ويسخره لج ويبعد عن ازواجنا بنات ابليس اللي اكثرو هالايام وتقبلي مروري واتمنى ماتزعلين من صراحتي .
نصيحة من اخت مجربة لاتدخلين اهله بالموضوع او اي احد انتي تصرفي دقي عليها بس مو من تلفونج وهدديها وقولي انج بتفضحينها واذا قدرتي اطلعين اسمها من احد يشتغل بالشركةالاتصالات وخرعيها اما ريلج لاتبنيله شي وااضحكي وسولفي معاه واللي بالقلب بالقلب واستحاله بيواجهج بشي بالعكس بيخاف يحسج مو هينة
