احترقت بنتي

السلام عليكم خواتي ابدا بالموضوع انا بنتي صارلها يومين انكب عليها زيت والله سلم وجه وصار على ايدينها لا تقولون اهمال مني لانها كانت عندي وما قدرت امنع هذا الشي عنها ومر علي وعليها يوم يارب لا تشوفونه المشكله انه ايدينها متفخه وانا ماتصرفت عدل رحت وحطيت عليها ماي بارد وديتها المستشفى بس ابي شي يشيل المنتفخ هذا واللهاتعذب لما اشوفها عمرها اربع سنين:sad_smile:

الله يشفيها ياررررررررررررب

جربي كريم ميبو للحروق من الصيدلية اختي
او بانثيتول موجود بالمستوصف ومفيد كثيرررررررر للحروق واثرها

جزاج الله خير اختي عتاب استخدمت بانثينول من المستشفى بس احس انه ما ينفع

سلامتهاوديها الطبيب ويقصون الجلد الميت وترتاح ماتشوف شر:sad_smile:

الله يشفيها لج ويعافيها 00انا صار معاى الموقف هذا لمن كانت بنتى صغيره حرقت ايدها بالدفايه بس عالجته بالمره انقعها ولمن تنام امسح علي مكان الحرق واخليه ثقيل وماشاء الله راح

ماتشوف شر يااارب

كريم ميبو مفيد للحروق لكن الافضل اخذيها للطبيب لان الحروق درجات ومو كل علاج بينفع لحالة بنتج

الله يشفيها ويعافيها يارب
ان شالله يعطونج الخوات الحل

سلامتها وماتشوف شر انا بنت اختي احترقت ايدها وحطتلها طب بدو والحمدلله
بس بنتج حرقها اي درجه

المهم عطيها ادول كل 6 ساعات وحطي عليها مره لان العطور والبخور يزيد الالم واذا تبين الدواء
على الخاص الله يشافيها

حطي عسل انا مجربته مره حلو

الله يشفيهااا يااارب

ماتشوف شر يارب..استخدمي كريم نيبو واستمري عليه بيروح حتى الاثر بأذن الله تعالى..وانتبهي من العطور تراها تأثر بالجرح وتزيده حاولي تشربينها المرره..ومعافايه ولابأس طهور ان شالله

اختي مثل ما قلت لك مالك غير ميبو للحروق من الصيدلية اذا البانثتول ما فاد
واسالي الطبيب قبل استعمال الكريم

شكرا خواتي لا خلا ولا عدم الحمد لله شوي بدا يخف الالم وديتها البابطين للحروق وقالي هذا حرق من الدرجه الثانيه والله يا بنات اتعب نفسيا اذا شفتعا اتالم وانا ما عرفت اتصرف معاها مو قلة فهاميه بس من الربكه وخفت عليها وحطيت ماي بارد هو اللي ضاعف الحرق الله لا يواريكم مكروه بغالي :wink_smile:

اختي عليك انك تحطين عليها مره فازلين ومره الثانيه الحمره السحريه الي تجي علبتها خضرا حتى الروج اخضر ولمن تحطينها يصير لونها وردي وانشاء الله اكون افدتك

هذي الحمره الي اقصدها

شكرا خواتي على المرور :52_52:

عفوا اختي ام بسام 2008 شكو الفازلين و الحمره بالموضوع البنت محترقه و الناس تدور على شي ينشف الجرح علشان البنت تبرى بسرعه باذن الله و انتي تقولين فازلين وحمره أول شي الفازلين يبقي الجرح رطب و ما يطيب بسرعه و ثاني شي الحمره تسبب ميكروبات خافي ربك و اذا ماكنتي فاهمه الموضوع عدل استفسري ترى فيه ناس تصدق


ع العموم حطي لبنتج كريم ميبو أو بيتادين على الجرح و كثر ما تقدرين تخلين الجرح مكشوف علشان يتهوى و شربيها مره وحطيلها مره حول خشمها شوي علشان طول الوقت تشم المره


و ماتشوف شر

العسل لازم بوقته علشان يسير مفعوله اوكى
حتى معجون الطماط زين بوقته بس جربى يمكن يفيد معاج

ماتشوف شر وربى يخليها لك وافضل حل خذيها للطبيب