فطيرة السباجيتي واااو لذيذه ( بالصور والشرح المفصل )

بسم الله نبدأ



المقادير :
ماعون بايركس مدور
سباجيتي تقريبا نص باكيت .
بيضه وحده .
كوب واحد جبن البارميزان المفروم .
لحم بقر مقدار كوب ( حسب الرغبه ) .
شرائح بصله واحده .
صلصة سباجيتي علبه كبيره ( وإذا ماكنتو من محبين الصلصه ضيفو نص المقدار يعني نص علبه ) .:75_75:
موزاريلا مقطع كوب .
مشروم علبه وحده .
وبيبرونيز مقدار ربع كوب تقريبا .




الخطوه الاولى :

تحطين السباجيتي المسلوق مع البيضه وجبنة البارميزان وتخلطينهم عدل مدل



الخطوه الثانيه :

تضغطين على الجوانب وتدخلين السباجيتي عدل بالماعون وتحطين عليها جزء من المشروم




الخطوه الثالثه :

تحطين شرائح البصل مع اللحم المفروم ( يفضل لحم بقري ) وتحمسينهم على المقلى



الخطوه الرابعه :

تضيفين الصلصه + المشروم المتبقي ( الفطر ) :teeth_smile:




الخطوه الخامسه :

بعدين نضيف الصلصه اللي سويناها اللي هي عباره عن (البصل الشرائح واللحم المفروم
والمشروم وصلصة السباجيتي ) نضضيفهم كلهم فوق السباجيتي اللي حطيناه اول شي بالماعون البايركس وتالي نحط على الويه جبن الموزاريلا والببيروني




الخطوه السادسه :

ندخل الصينيه الفرن وننطر لمن الجبن يصير هاللون

​

وعليكم بالعافيه وسامحونا على الاخطاء الاملائيه:wink_smile:

الله يعطيك العافيه شكلها روعه

الله يعافيج ياقلبي ، يسلملي مرورج

واااااااااو ياعيني شكلها لذيذ حيل ..

تسلمين ويعطيك العافيه عليها ...

تسلم اليدين يالغاليه

يعطيج العافيه

الله يعافيكم حياتي انتو مشكورين : *

مشكورة يعطيج العافية شكلها لذيذة بسويها اليوم

الله يعافيج ياقلبي
سويها وقوليلي اشلون الطعم