شخباركم وشلونكم بنات انا ابوي وامي منفصلين وكلهم متزوجين وبحاله ابوي مارباني ولاله علاقه بس لمن تزوجت لزقت فيني مرت ابوي حييييل المهم وانا بعدصارت زوارتي عندهم وجدام زوجي عندي ابو واهل المهم انا الحين حامل وبشهر الرابع ومحتاره وين انفس مرت ابوي تقولي انفسي عندي هي حرام حليوه وزينه بس احس انها تغاار مني حيل وتحب تعرف اخباري واخبار زوجي وحمولتي ووين رحنا ووين جينا ورزي بناتي عند حمواتج طبعا عشان تزوجهم الله يرزقم عنده 4 وموتزوجين وبصراحه صج حليوه وماتقصر اذا ابي سايقها واطلع معاهم بس تقط نقزات يعني اهتمي ببناتي اهتم فييج فهمتوا شلون ؟ خفت زياراتي قمت مانام عندهم عشان القلوب لاتشيل اكثر لاني ماحب هالاسلوب انه تكون لها فضل علي فهمتوا والحين انا محتاره حييلووين انفس انا مابي عند حمولتي تعرفون الوحدة بتاخذ راحتها بلبسها واكلها ووو ااخ وساعات افكر انفس عند ابوي واقزرها بس ها خدامتي معاي وبطلب خدامه حقي عشان هي تطبخلي وماتقول خدامتي تعبو ووووووو يعني اقعد معززة مكرمه بخدامتي وطباختي فهمتوا بنات حمدوا ربكم على امهاتكم ترى الام عز والله كريم ويسهل علي اموري تصدقون ساعات اشوف حمواتي لمن ينفسون معززين مكرمين عند امهم ولا تفضل عليهم احس ودي اكون مكانهم اشوف رفيجاتي بنات عمتي وخالتي ووووو الله لايحرمهم منهم ولايحرمني من ردكم وشكرا
والله حاسه فيك بس تبين رايى انك تنفسين عند ابوك وعلى قولتك معاك الخدم يعني منتى مكلفه عليها بشئ بس نصيحه تبينها تصير معاك زينه عطيها على جوها يعنى الكلمه الحلوه تلين الحديد وانت وشطارتك عشان مصلحتك ولا تخلينها تعرف اسرارك مهما صار ولا تورينها كل شئ تشترينه على قولتك تغار منك وتبي تشوف شتسوين حق نفسك ومهما كان هذى مرت ابو الله يعينك ويصبرك
حتى افكر اني اجهز قمصان نوم وبجايم واطقم داخليه من الحين عشان وقت النفاس ماتشوفهم حتى عطوري والبدي لوشن والاكسسوارات شراايكم
هلا حبيبتي ربي يتمم عليج حملج وتقومين بالسلامة عندي رايين ومدري اي واحد ابدي واقوله لج الراي الأول تنفسي بيتج وخدامتج عندج من الحين علميها طبخ النفاس وزهبي الحوايج والشغلات اللي خاصة بالطباخ للنفاس . . .وخلج في بيتج أفضل . والراي الثاني قعدي عند بيت ابوج مدة عشرين يوم وبعدها روحي لبيتج . . .يعني تكونين خفيفة عليهم وهم بعد علمي خدامتج . . . وبالنسبة لخواتج اللي من ابوج إذا حليوين وطبايعهم حلوة ونفسياتهم زينة ليش لا ما تشوفين لهم نصيب من حمولتج ترى مافيها شي . . .
شوفي يا العنود انت ولادتك تكون بالشتاء يعنى اخري الجهاز شوي لان بتجهزين شتوي واما اللوشن والاكسسوارات كيفك لما تدخلين بالثامن جهزي على راحتك مع زوجك خليه يختار معاك سرير البيبي والمشاركه زينه بين الطرفين
العنوووووووووووووووووووووووووود العنوووووووووووووووووووووووود نصيحه يالغاليه خليج ببيت زوجج ترى الزوج اللي يحس فيج اكثر من مرت الابو مهما كانت طيبه اقسم بالله ان المره مهما كانت طيبتها ما تخلي الغيره وفبه شغله مهمه بالنفاس اول اسبوعين راح تتغير الهرمونات وتتغير نفسيتج حيل وراح تتضايقين من اللي حولج وافضل تتضايقين من زوجج ولا تتضايقين من الحريم اللي ماراح يحسون فيج وبعد فيه شغله احسن تكونين عند زوجج على راحتج حمامج الخاص مو مشترك مع احد اتحطين بخورج ومراهمج وادويتج بدون ما احد يمسك معاج دور بالحمام وانتي نفاس وبعد تقدرين تقولين لزوجج ينام في مكان ثاني يطلع من المكان اللي انتي فيه يعني ينام بالدوانيه مثلا او بغرفه اخوانه ليما تخلصين وبعد فيه شغله انتي تقولين ان مرة ابوج شوي فضوليه اذا احد جاب لج هدايا وشغلات خاصه راح تغثج لازم تشوفها وبعد اذا صرخ الجاهل بالليل راح تكمل نومتها واذا كنتي عند زوجج راح تساعدج ام زوجج بالجاهل من قلب لان ولد ولدها وماراح اتافف منه لان حبيبها اغلى من ولدها وبعد فيه شغله طول ايام النفاس مستحيل ماراح تطلع مكان فجاه جاوج ضيوف منو راح يقوم فيهم بس لما تكونين عند حمولتج حتى لو راحو البنات ام زوجج ماراح تروح راح تحسب حسابج زوجه ولدها واخر شي نصيحه نصيحه خليج ببيتج عادي موشرط تسوين نفس اللي حولج الوحده تنفس عند اهلها وتجي كاشخه حق بيت زوجها مالج شغل بهذا كله انتي مصيرج كاشخه كاشخه عنده ولا بيت اهلج وصدقيني اسالي مجربه بهذى السوالف لا تخلين احد له فضل عليج يالغاليه واتمنى انج تتقبلين هذرتي الزايده والله اني مختصره الموضوع عندي معلومات واجد لاكن عشان تتقبلين مروري الله معاج انشالله
نصيحة يااختي وعن تجربة نفاسج خلي ببيتج انا بنفاسي الاول سويت نفسج وتنفست عند مرت ابوي مو انذليت الا بغيت عمري على الاكل تحطلي اي شي ومرات ماتخلي الخدم تطبخلي وتقولي طلبي مطعم فاضطر اطلب مشاوي عشان اسد جوعي وخدامتي مكرفتها فبيتها ماتخليني آمر الخدامة وانا اضطر اقوم بنفسي وكلم ماقعدت بالصالة تقولي اف ريحتج حلبة وتمسخرني مع اني اهتم بنظافتي ومرات اكون توني متسبحة بس تكذب تبي تحرجني اما بنفاستي الثانية والله عزيت نفسي وقعدت بشقتي ببيت حمولتي والحمدللة حطيت سريري وسرير البيبي بالصالة وزوجي يقعد معاي على راحته موقبل ماكان يستجري يدش ببيت ابوي لانه مرت ابوي كانت تتضايق ,وبعدين ينام زوجي بغرفتنا وانا طلبت طباخة غير خدامتي لانه خدامتي تقوم باليهال والطباخة تنزل تطبخلي تحت بمطبخ حمولتي لانه مطبخي صغير ومابي شقتي تصير ريحتها طباخ والضحى خالتي تاخذ الياهل عندها تحت تقعد تلعبه وترضعة وانا انام الصبح على راحتي واقوم اتغدى عقب اخذ بنتي ايدلها وبالعكس خذيت راحتي في التجهيزلطلعتي اروح مع زوجي على راحتنا فاسألي مجربة وطيعي كلامي :teeth_smile:
اهم شي كرامة الوحدة صراحة لان اذا تسميعن كلام يقث موزين لج وانتي في الاربعين وترضعين البيبي يأثر عليه عيل قبل شلون كانوا يتحملون بروحهم مافي ام عند ريلها
ياعمري كلكم ماقصرتوا على الرد الحمدلله عندي خوات ينصحوني من قلب ربي لايحرمني منكم ولايحرمكم من اجر نصيحة شاكره لكم بس ليلحين محتاارة حيل موشويه وعلى كلامكم احترت اكثر شكلي بستخير والله كريم شاااكره مروركم الله يوفقكم
لا تحتارين ولاتفكرين نصيحه من اخت تحبلك الخير صج اني ما أعرفج بس موضوعج شدني اقعدي في بيتج احسن لج والا تجين عندي في بيتي اشيلج بعيوني
مرحبا العنووووود. والله حاسه فيج شوفي حبيبتي انا براى انج تروحين بيت ابوج صدقيني كلها اربيعين يوم وتعدي وبنسيج الجاهل وتلهين معاه وانتي تقولين انها زينه ومااذتج بشي بالعكس علي الاقل مع خواتج يغيرون عليج الجو بنفاسج مو كله عند زوجج وحتي ابوج اذا دخل عليكم يشوف الجاهل وتقربين منه اكثر وخدامتج معاج يعني بتقوم بنص الشغل مثلا واكيد مرت ابوج تبي الاجر لان النفاس فيها اجر ولا تفكرين من الجانب السلبي مهما كان اهلج ومالج الا هم والناس للناس فديتج انا نفسج الحين حامل بالجاهل الثاني واتنفس عند مرت ابوي واذا علي الاغراض سوي نفسي انا اذا رحت مع زوجي اتسوق اي شي اشتريه احطه معاه يوديه لشقتي واذا رديت لهلي اقول مالقيت شي زين .هههههههههههه
حبيبتي العنوود انتي حكيمة نفسج يعني انتي تعرفين مرت ابوج وخواتج شلون استقبالهم لج لما تزورينهم وعلاقتهم معاج انتي ادرى فيها وبجذي تعرفين اش بيصير اذا قعدتي معاهم وحتى اهل الزوج ممكن ما يعاونونج او فضوليين ترى مرات حتى لو الام موجودة حريم الاخوان يذبحهم الفضوول وما ترتاحين والاغراض من الحين اشتري شوي شوي نصيحة تجارب البنات لا تقيسينها على حياتج انتي ادرى وين بترتاحين
حبيبتي عادي تتنفين في بيت حمولتج والله أريح لج, لا تنسين ان انت راح تحتاجين أشياء لك وللبيبي ومومعقولة كل شوي تتدقين وتطلبين بس لم تكونين عنده والله يحس فيك ويشوف بعينه كل شئ وأنت ماحد راح يلومج إذا ما تنفست عند بيت أبوج لأنهم يدرون عن مرت الأبو, وما تدرين يمكن اذا درت ان انت بتنفسين في بيتج شنو راح تتصرف بس راي ونصيحتي بيت حمولتج احسن وأنا اشوف الأغلبة نفس الراي وهذا على فكرة راي مجرب
العنووود والله البنات ماقصروو وانا من رايي في بيت حملوتج احسن لج لان مافي نفس الام واذا الام مو موجوده يعني بيتج احسن لج وسهالات صدقيني وترى في طباخات يعرفون للنفاس وينفسون عدل وعربيات بعد وتجي بطول فتره النفاس والله يهون عليج ياااااااااااااااارب وتقر عينج وعين ابوه بشوفته
يعيكم العافي كفيتو وفيتوا ريحتوني لان حسيت منكم انا المور سهالات دامني ماحتجت احد اوطلبت يطبخولي ويجابلوني اقعد بالمكان الي يريحني معززة مكرمه بخدامتي والطباخة ادعولي والله كريم
نصيحتى لاااا تمدحين احد باااجر تبتلشين بميديحج الزواج رزق من الله والله كاتبيه وين ومتى والله مادري انتى ادراااا بجو بيت ابوج اذا لج خصوصيه بمكان واذا ما فيها خصوصيه نصيحتى لج تنفسي بشقتج وطلبي لج خدامه ثانيه او نيرس تساعدج فترت النفاس الوقت اللي تنامين فيه تجابل الياااهل حـــــتاا خالتج ام زوجج مستحيل احد بجابل مثل الام خلج عزيزت نفس لااااااااااا تقثينها بشي وعلااا العموووم اللحين كلنا علااا الخدم اذا خدامتج زينه للبيبي خليها له وطلبي لج طبااخه درجه اولي مؤقت بعد النفاس بيعيهااا تطبخ لج وتضبط لج كل شى صدقينى لااا مرت ابوج ولااا خالتج زوجج يتحمل عياله ووظروووفج عسل علا قلبه غيره لااا والف لاااا
