اخواتي المتزوجات كيف ممكن التغاضي عن عيوب الزوج واء من العادات او المعاملات وكيف ممكن تغييرها من غير ما تكو نمشاكل او شجار
هلا اختي بكل بساطة في شي اسمه بوصلة الشخصية بتلاقين لي موضوع في قسم الاستشارات النفسية اهم شي يطبق زوجج الاختبار ويجيب عن الاسئلة وبعدها بتلاقين الطريقة الامثل للتعامل مع شخصيته هالكلام من واقع تجربة المئات من النساء الواعيات وهو موضوع جديد قلة من تعرفت عليه .
شوفي حبيبتي انا بقولج عن تجربه انا متزوجه صارلي سنتين وشوي واول سنه من زواجنا مرت علي هم على قلبي وكنت على طول اردد اني ابي انفصل عنه لاني مو متقبله اطباعه وعصبيته الزايده على كل شي وعلى طول ابي اغير فيه كل شي ابيه يصير مثلي واهو مثلي كل شي يبي يغيره فيني فعلى طووووول مشاكل,, بس والله اني الحين عايشه في العسل لو ابي لبن العصفور يجيب لي مع انه ماعنده شي يقصر على نفسه ولا يقصر علي في شي .. تعرفين شنو اللي تغير وخله جي؟؟ انه احنا تقبلنا بعض وفهمنا بعض وكل واحد صار يتنازل في شي,, الحياه الزوجيه تتطلب التنازل مو انه كل واحد يستبد برائيه.. وللعلم انه للحين عصبي يعني على اتفه الاشياء يصارخ بس صرت اعرف له اسكت واخليه يطلع اللي فيه وبعدين يجي بنفسه يعتذر ويبوس راسي حبيبتي احسن حل الى هالمشكله انج تتقبلينه باللي فيه وتحاولين تتعايشين معاه وتعرفين اسلوب اللي تتعاملين معاه فيه.. والله يوفقج يارب
شكرا اختي ام عبد الله راح ارجع لموضوعك اكيد والله يخليك حبيبتي على اجابتك اختي ام يوسف ومسالة اني اتقبله بكل طباعه مسالة مهمة كتير خاصة مسالة اني اطنش ادا صرخ حلوة كتير شكرا لك
