السلام عليكم ورحمة الله وبركاته مارأيك في تشابك الايادي بين الزوج والزوجة بالاماكن العامة......؟ البعض وخاصه الرجل يحس ان هذي الحركه غير لائقه او ماتنفع في مجتمعاتنا او تنقص من رجولته او.....او.......الخ والبعض يحس ان حركه جدا عاديه ومافيها اي شي حتى لو في مكان عام وهي بالنهايه زوجته و .....و......الخ فاي نوع انتي منهم .... وحتى البنات اتمنى اسمع رايهم بس يمكن انا ركزت بموضوعي عالرجل لانه غالبا هو اللي يعارض الفكره ( هل انتي مؤيــــــــــــــــدة .وليش ..........؟ ( او معــــــــــــــــــــارضة .وليش .............؟ بإنتظار تفاعلكمـ
انا عن نفسي ماايد هادي الفكره هادي الحركات اخليها في البيت لانوو يمكن لو شافونا ناس مطلقين او بنات عوانس طيب مو هما برضوا بشر واكيد حيكونوا نفسهم يكونوا مكاننا ويمكن يحسدوني انا وزوجي وبعدين نروح فيها من الحسد والعين هادا راي واستنى رايكم يا حلوووووووين
أأيد بكل صراحة... اعتقد ان مسكة الإيد دليل الحب والحنان .. انا استانس لما زوجي يمسك ايدي بالسوق او لما نتمشى مع بعض كأنه يقول للناس هذي مرتي حلالي وما سوينا شي غلط الله يرزق كل وحدة زوج حنون يحبها من كل قلبه ((عموما ما تشوفين هالأيام يبوسون بعض بالمجمعات .. والله اني شفت الموقف بعيني بالمارينا))
والله عني انا مؤيده للموضوع ,,,,,,,,,,,,,,, لان سارت حركه عاديه وع قول اختي حلومه دليل ع الحب والحنان وانتي تحسين انه مهتم فيك وانك عنده غير عن كل شي ’’’’ يسلمو ع الموضوع
سلام .. سألت زوجي عن الموضوع .. تدرون شنو قال... يقول انا امسكج عشان لا تضيعين مني واحنا نمشي... وبعدين ضحك ... تهقون من صجه؟؟؟
يعتمد الموضوع عالمكان نفسة ..........يعني مكان فية شباب وايد وزحمة ومطالع احسن عيب وفشلة والحنان والحب مكانة البيت بهالوقت لكن اذا مكان مافية زحمة ومطالع وخز لا عادي ممكن نمسك ايد بعض بس شوي مو طول الطلعة .......بس انا افضل مانمسك جدام الناس لاني اخاف من العين الصراحة لان مرة سمعت وحدة بسوق شرق مع صديقتها كانو ا جدامي داخلين السوق وجدامهم مرة وزوجها ماسكين ايد بعض قالت تعليق حدة بايخ والله حزتها خفت عليهم من العين واشتهيت اقولها ذكري الله ماتسوة حزتها لية صابتنا العين مايفيد التحسف
مؤيده و بـ قوه .. لكن ان يكون التشابك بـ حدود المعقول واحترام مشاعر الآخرين شي جميل ان يكون الحنان متوفر في كل لحظه بين الزوج و الزوجه وما نختصره على مكان معين او غرفة النوم .. شكراً ..
انا ما ايد هيك حركات لانها يجب ان تقتصر في البيت فقط مو شرط كل العالم يعرف اني احب فلان او ان زوجي حبيبي يكفي ان يعرف هو فقط ويقدر ذلك في البيت وشكرااااااااااا
بعد جبدي فديتج يا سعودية كول... عاد اليوم طلعت معاه ... واهو اللي مسك ايدي كنا بنعبر الشارع ..ما ادري خايف علي... ولا عباله انا ما اقدر اعبر بروحي
اصلا غصب عنه موطيب بيمسك ايدي لاني احب هالحركه موعلشان الناس اتشوف لا علشان احب اتلزق في بكل وقت ومكان وعلى قولة اخوانه المصريين جوزي وانا حره فيه
سلام عليكم شوفو المسكة الايد شي عجيب تحسين بحساس جميل طبعا اول سنه من الزواج بس من اصير سنتين او ثلاث يستحي يمسك ايدج ليش ماادري؟؟؟ واذا مسكها جنه بايق اخاف اذا اي احد شافه اهد ايدج
دايما نشوف رجال بلحالهم وما نكتشف ان معه عايلته الا اذا قرب من سيارته . انا مع الاخوات ان المكان يحكم لكن احس انه ما فيها شي لو مسك ايد زوجته هذولا الاجانب مهما كانت زوجته سواء متحجبة او غيره تشوفه ماسك ايها وشايل طفله وعادي بعضهم يعتبرها فضيحة وبعضهم عادي ويرجع كل شي للمنشا او المكان او التربية
بصراحه انا سمعت التعليقات وانا ماجربت هالشي بس انا احس اني مؤيده لهالشي لان انا لمن اشوف واحد ماسك ايد مرته استانس عليهم واقول الله يوفقهم وماشاء الله عليهم وانشالله دوم وبالعكس احسه ريال بحركته لان الريال مو بقوته وتصرفاته باخلاقه واللي بيمشي ورا الناس كلام الناس راح يضيع وحلو الريال يخلي مرته ملكه وتحس بانوثتها علشان تحسسه بروجلته
والله منوريييييييييييييييييييييييييين لاحلومه اكيد خايف عليكي بعدين اكيد انتيتشرفي علشان كدا ماسك يدك قصدي يعني الشكل اللبس والمظهررر دمتم بووووووووووووووووووووود
أنا مع الرجال اللي يمسك يد زوجته صراحه لها معاني كثيــــــــره أهمها تحسين أنك طفله وخايف عليك لا تضيعين هههههههههههه أما أنا بالعكس أحب أمسك يده عشان أذا طالع يمين ولا يسار أقرصه على طول كركتاااااااااات ههههههه تحياتــي لــكم
هههههههههههههههههههههه تعجبيني المفروض اللي كدا ماينقرص يتكفخ علشان يبطل يطالع منووووووووووووره ياااااااااااااااااااااااااااااقمر
