القطاع الحكومي

عندي موضوع اتوقع كل اللي يشتغلون بالقطاعات الحكومية بايدوني
القطاع الحكومي ....مكانك قف...ماكو حوافز او تقدير :thumbs_down:...اللي يشتغل واللي مايشتغل نفس الشي:emoticon_U:....والواسطة اساس الترقيات:75_75:....ومافي مجال للابداع او خلق نتائج افضل بالعكس اذا ابدعتي مارضوا وطالبوج بالعودة للبدائية بتادية العمل .....
بس لية متى هالتخلف :thumbs_down:؟؟؟المشكلة ان فينا طاقات ومو راضين نبرزها مو عارفة ليش؟؟ و وين الغلط؟؟؟؟

مشكوره حبيبتي فرنسا على الموضوع ...

صح كلامج اللي يشتغل ، واللي ما يشتغل نفس الشيء ...

وفي ناس قاعدين في البيت وما يشتغلون كله مرضيات عبط تعرف المسؤول وتحصل ترقية !!

الدوام بالقطاع الحكومي نشيل الشغل كله وما تسمعين كلمة شكر ولا ترقية ولا شهادة ، الحمدلله على كل حال إحنا نشتغل نيتنا لله والإخلاص له ونحلل معاشاتنا ، بس الوحده تحب تسمع كلمة حلوه ...

بس والله محتره كنت اشتغل في احدى الوزارات وما ارتاح وتسميعن كلمة من المسؤول إنج ما تشتغلين وتموتين قهر ..!!

والأكثر من جذيه إنج تشتغلين بإخلاص وناس قاعده بس تسولف فلان وتنقل كلام ومسخره وريوق ، وين العدل ؟! ليش ما يقسمون الشغل عدل بين الموظفات !!

والموظفة اليديده مسكينه تاكلها أول ما تداوم يقصون عليها يعطونها كل الشغل ولا يعلمونها عدل واهيا تاكلها على إن أهيا تبي تشتغل ولها فترة تجربه الله يعينها !!

وبعض الموظفات ما تساعد ولا تعاون يعني بعض المرات تغيبين يوم تعبانه وتلقين البريد والشغل متكدس محد كمله ليش جذيه الموظفات مو على قلب واحد !!
يعني آنا بعض المرات تكسر خاطري إذا كانت مريضة وترد تلقى الشغل متكدس واكمل شغلها بس سبحان الله إذا غبت ما تكمل شغلي !!

صاجة اختي سنابل ........المرضيات مو طبيعية بالدوام وفوق هذا البونص للي عندة اكثر مرضية الضاهر
اعرف وحدة ماتداوم لا اهي ولا زوجها ويهم معاش اقول لها حرام تقولي مو اول ناس نسويها احنا بس احنا حرام !!!!!والله مبدا

ولا نخلص من القيل والقال
والمسؤول إللي ما يستوعب الشغل (منقول من إدارة ثانيه) ولا يتفلسف !!!
حتى الدورات حق ناس وناس
الغياب بالأسابيع مسموح بدون إجازه حق ناس ولي صار عندج ظرف طارئ شوفي الحجي إللي يوصلج!!!!!!!!!!
الإحباط من القرارات الإداريه الغير مدروسه


ملل !!!!

كلامكم صح
عندنا طاقات ولكن ما نبرزها في القطاع الحكومي وأنا حابه هالشي
وأنا موظفه فيها ومرتاحه واذا غبت عادي ما يحسبون علي شي
ولكن بالخاص يتعبونج أختي موظفه بالخاص وتتعب حيل يالشغل
كل يوم اتداوم واذا غابت بس يوم واحد ينزلون شوي من معاشها الا بعذر
بس اهي حابه هالشي عشان معاشها أقوى من الحكومي

والله كلامج صح ..
وللأسف الكويت صايرة جذي .. القطاعات الحكومية مكان للاحباط وكبت المبدعين !!


بس انا اقول مو بكل مكان . .
يعني على حسب التخصص والوظيفة وعلى حسب المسؤولين طبعا