افضل مكياج استخدمتيه ؟؟الرجاء من الجميع المشاركة ..؟؟

مرحبا بنات
بما ان العيد عالابواب وتحتارين بشنو تختارين المكياج المناسب اللي يطلعج باحلى طله خلونا نتشارك بافضل كحل ؟؟ افضل فاونديشن ؟؟ افضل علبة شدو ؟؟ افضل ماسكرا ؟؟ افضل حمره ؟؟ من وجهة نظرج عشان كلنا نستفيد واتمنى منكم المشاركة ... لا تخجلوني ..:teeth_smile:

وأنا راح ابتدي واعطيكم رايي
بالنسبة لافضل كحل انا ارشح كحل ماك او كحل سمايلنج يعجبني بعد
وبالنسبه للفاونديشن انا احب اللون الطبيعي واختار كريم الاساس مال دريم يناسب بشرتي
والعلبة الشدو وايد بصراحه بس الوان الشدو مالت مكياجي اللي تيي بعلبه بروحها حلوه الوانها ولمعتها خفيفة
ارشح ايف سان لوران بلا منازع اموووووووت فيها
واما لون الحمر عااد صج فيها حيره عندكم ماك الوان حمرهم حلوه و حمر مكياج ثابته وقويه واللون الاحمر الدموي
حلو مالهم
انا جاوبت الباقي عليكم يلاااا يا بنوتات يا حلوات ...

احلى شي مكياج شانيل ما عليه كلام بس الشدو طبعا شدو ماك مو صج حده عجيب واساس حنان دشتي بعد وايد حلو واذا على الحمر والجلوسات ماكو على ميك اب فور افر

افضل كحل ؟؟ افضل فاونديشن ؟؟ افضل علبة شدو ؟؟ افضل ماسكرا ؟؟ افضل حمره ؟؟

أفضل كحل جربته هو ( جيرلان ) ممتاز وسواده حلو وسهل الاستعمال ، افضل فاونديشن أيضا جيرلان وكريستيان ديور.
أفضل شادو ايف سان لوران وديور ايضا :smile: اما أفضل ماسكرا هي ماسكرا ايف سان لوران آنا شخصيا صارلي خمس سنين ما أغيرها فعلا ممتازه والكل يسألني بالدوام شنو مسكرتج :red_smile: وأفضل حمره جربتها جيرلان صراحه منتجات جيرلان عجيبه كل شي عندهم حلو حتى غلوساتهم فيها طعم ، الاحمر طعمه كرز والوردي ريحته ورد وكل لون له ريحه ولمعتهم عجيبه حتى علبتهم حلوه :teeth_smile:
​

​

بالنسبه لي كأفضل كحل اهو برجواز لانه اسود و فيه لمعه خفيفه يعطي لمعه خفيفه و حلوه للعين

اما بالنسبه للفاونديشن انا استخدمت ثلاث انواع طاحو على بشرتي و اهمه الديور الرش و ميك أب فور افر الخفيف و اللانكوم

و الماسكرا ماله داعي اقولج اذا بتاخذين اخذي ماسكرا ايف سان لوران للتكثيف مايختلف عليها اثنين مو طبيعيه انصحج فيها ,, و في ماسكرا ديور هم استخدمتها حلوه للتكثيف هاذي

أفضل اي شادو بصراحه انا ماستخدم شدو معين فاره لى كل الماركات و العادي و هذا يرجع حق لون بشرتج اذا بيضه ولا سمره

أفضل حمر ميك اب فور افر و اقطع !!!!! لانه الوانهم حلوه و اسعار احلى و الاهم من هذا انهم مايروحون بسرعه

ثانكيو جميعا عالمشاركات

احلى كحل سمايلنج اما احلى كريم اساس نيفيا و احلى ماسكرا 2000 مال ماكس فاكتر !!!

يسلموووووووووووووووو......

احلة ماسكرا ماكس فاكتور2000 حدها عجييييبه واحلى كحل بالنسبه لي كحل revlonوايد حلو واحطه من غير لا احط اي لاينر عليه انصحج اتجربينه ورخيص مو غالي والشدو استعمل كل شي من الماركات للعاديين وعلى حسب لون الجفن واشلون يطلع اللون عليه اما افضل حمره اممم انا اسعملت وايد ماركات بس الي عجبوني ريميل وrevlonوكلينك حمرهم الوانهم راقيه لان انا بطبعي احب الالوان الهاديه اما افضل فاونديشن انا للحين قعد اعاني وجربت اكثر من ماركه بس للحين مالقيت الفاونديشن الي يعجبني اذا عرفت شي اردلج خبر وسوري طولت عليكم