هلا حبيباتي بصراحة موضوعكم حلو وسوالفكم احلى بالنسبه للتخزز هذا شر لا بد منه وماتقدرين تقولين للرجال غمض عيونك يعني حتى لوكان بروحه بيشوف او بالدوام اواواو خلاصة الحجي طنش تعش تنتعش ======> شعاري بالحياة ابي اسألكم ؟؟ شنو تلبسون بالبيت جدام العيال والخدم ؟؟
انا كنت متزوجة وكان زوجي كل ما بده يطلع يسهر معي كان ينتظر امه حتى تنام...... بس حرام السهرة كانت حلوة بس يا ويلنا ادا روحنا البيت وامه عرفت بخروجنا تقلب حلاوة السهرة على راسي وراسه؟؟؟؟؟؟ وهلاء انفصلنا بس هو ما الو دخل غصب عنه اهله يكرهوني مع اني ما اذيتهم ,,,,,,الله يوفقه ويبعده
لالا خلونيي عااد افتحلكم مجاااال صج انا زوجي طيب وحبوووووب عيبه الوحيد مايدلعني ومخليني خدامه بيت اهله استانس لما اخدمه بس تنبط جبدي اخدم اهله والخدامه حتي ما تطبخخخ يبط الجبد و لا لا قولو لي بس للليس جايبين شغاله للقهر يعني هذي هي نقدر نجيبها ولا يشغلونهااا الله يعيني ويعتقني
يابنات انا عندي مبدئ للرجل الريال يحب كل شي جديد تلاقينه لو لبست مرته شي ضيج او مكياج وايد قلب الدنيا على راسها واذا شاف وحده غيرها مسويه جذي طاحت سعبولته
ويييييي انتي نفس مشكلتي مرات أطنشه ومرات أتناجر معاااه وعلى قولتج مو معناته ما يحبج او انتي فيج نقص او عيب لااااء بالعكس هذا طبع تلاقينه في بعض الرجال طيب أنا عندي مشكله بس مو في زوجي ... اهو طيب وزين معاي بس المشكله امه دايما تسوي جدامي حركااااات تغيضني وتسمعني نغزاااااااات كبيره على ولاشي وانا والله هاديه بطبعي ومسالمه والله شاهد على كلامي ومو من طبعي أناجر أحد ولا حتى امه عمري ما ضايقتها بشي بالعكس قايمه بواجب البيت والزوج والعيال بس اهي حيرتني مادري شتبي فيني تناجرني ... انا جنتهم الثانيه .. وعندهم جنه مرت الاخو الكبير دايسه فوق راسهم ولا معبرتهم ومسويينها يادهينه لا تنكتين جدامها يضحكون ويسولفون معاها ومن وراها يذمون فيها ... وانا الزينه معاهم يغيضوني ويناجروني على أتفه الأسباب ويراقبون كل تحركاتي في البيت وعلى كل كلمه أقولها يحاسبوني حتى مع زوجي وانا بالدار مافي خصوصيه أمه تدخل علينا فجأه وتدرعم من غير ما تطق الباب أبد مافي احترام للمتزوجين... وامه تحب الفلوس مع ان اهي مأجره ثلاث أدوار عندها فالبيت كل دور على 600 و على 400 وفوق هذا هم تبينا احنا ندفع لها أجار 300 وفوق كل هذا تبي من ولدها 100 بس جذي .... واااااااااااي يننتني والله المعاش ما يكفي مصروف البيت والولد ومصروفي انا وزوجي ... ومسكين زوجي كل ما كلمته يقول هذي امي كل ما كلمتها تقولي انا اللي ربيتك وتعبت عليك.... ويقولي أدري اللي تسويه امي غلط وانها تظلمج بس ميخالف تحمليها علشاني انشالله الله بيجزيج بس انتي صبري ... وانا تعبت من الصبر معاها والله مرات أفكر أتطلق من زوجي بسبتها وانا عندي ولد 1 بس.... قولولي شسوي...والله تعبت وعمري ما شكيت حق أهلي ولا أمي .. ....
الله يعينج حبيبتي بس ديري بالج لا تتطلقين لأنج راح تندمين صبري وانشالله خير اتصدقين انا بعد تعبانة منه وايد لأنه يخوني يكلم وايد ويقولي احبج اقوله طلقني مايرضى وانا صابرة والله يعين الجميع
ملاك الروح اختي اذا تبين نصحيتي صبري والله بيفرجها ,, انا اعرف وحده خوات ريلها كانو ميننينها حتى الطق والله يطقونها وكان ريلها بالبدايه يسكت والحين تعالي شوفيها الله عوضها : بيت كبير ملك لها وخدامه وطباخه وسايق وكل سنه بالصيف شهرين بأوربا .. يعني اهي تحملت اهل ريلها علشانه واهو قدرها وكا رزها ودللها .. صبري وتحملي وحاولي توصليله معلومه انج صابرة علشانه وعلشان بيتج بس .. وانشالله الله بعوضج
انا مشكلتي اني صايره عصبيه بشكل موطبيعي واتوتر بسرعه مع ان ماكان هذا طبعي وباي طلعه نطلعها لازم اتهاوش وتخرب الطلعه صرت اكره اطلع والمشكله مافي سبب واضح للهواش انا امووت عليه وهو بعد يحبني بس مدري شنو سر هالهواش اللي يصير بيننا ومضايقني هالطبع اللي فيني:cry_smile::cry_smile::cry_smile:
مشكورين مس وجوري على الكلام الطيب والنصيحه الحلوه وانشالله انا راح أظل أصبر علشانه والله لاني أحبه ... ويالجوري حبيبتي مادري شقولج لان صج الخيانه شي محد يتحمله الله يعينج على بلواج بس دام يقولج انه يحبج ثقي بكلامه وغظي النظر عن سوالفه وحركاته مع البنات ... أنا زوجي ساعات يغيضني بجذي حركات بس علشان يبيني أبين غيرتي وأغار عليه وأخاف عليه أكثر وأحبه... ماعليج صبري هذي فتره وتعدي انشالله وبيمل من حركات اليهال هذي
الله يسخر لنا ازواجنا ويعصمهم عن كل شي مو زين ويسخرنا لهم ويجعل بيننا موده ورحمه ويعيننا على مشاكل وهموم الدنيا يارب ويحنن قلوب اهل ازواجنا علينا اه بس الدنيا غثا وبس ما فيه بيت بدون مشاكل
هـــــــــــــــــــــاي كيفكم انا بعد عندي مشكله وابي منكم الحل انا زوجي دايم يجبرني على الروحه عند بيت اهله لا وبعد يخليني اشتغل عندهم والشغاله حقتهم قاعده وامه واخته دايم يوزونه عي وهو يسمعلهم وما يرفضلهم طلب وانا ماعرف وش اسوي الله يخليكم ساعدوووووني
قطعه حتى انا يجبرني على الرووحه لاهله انتي حااولي اتفهمينه انج تروووحين بس ماتشتغلين بروووحج قوولي خل خووواتك يسااعدووني
