مافي شي يمر بحياتنا بدون موقف طريف حتى الولاده تمر فيها شغلات اذا تذكرناها نمووت ضحك نبي كل وحده تذكر لنا موقف... يالله بنات همتكم....
والله في موقف كل ماذكرته اضحك على نفسي اخوي يعلم ولد اخوي وولد اختي اسم الله عليهم علوم الديوانيه وشلون يقهون ومن هالسوالف وكل ماشافهم يقولوهم >>وين الطنايا وين شرابت الهيل وفي بجري وانا اتولد من الخوف وضغطي مرفع حيل كل ماجيت ابدعي ربي يطري علي بيت الشعر هذا وربي نقدت على نفسي عقبها هههههههههه وفي بنتي لما جتني والولاده نزل علي ماي يعني مو طلوق واروح تكرمين ابدل ملابسي والبس واقعد زوجي وانا اضحك وارتب جنطتي لاني ماكنت مرتبتها وهو يقولي خليني انام لو فيج ولاده مو حذي وجهج واحلف له انها ولاده ولازم الطبيب على طول بس جتني حالة ضحك من الخوف ههههههههه وسلامتج وتعيشين هذي المواقف اللي صارت وياي بولاداتي
يعني بولادتي على الثاني ولدي الله يسلمج طقيت الدكتور :75_75: :71_71: عادي لان قام يضغط على بطني حيييييل علشان الولد يطلع مو راضي يطلع هالولد راض الدنيا ف قام يطق يطق هالبطن الين طلع وليدي طبعا قبل اخر ضغطه من الدكتور طقيته على جتفه بس طقه اتعجبج عاد يومنه طلع الولد استحيت من الدكتور طليت عليه قلت له اييي الحممدلله طلع بالسلامه يعني لا اتواخذني الدكتور مو يمي يم الولد عساه بخير من الضغط بعديييييييييييييييييين يومني نسيت السالفه رد علي الدكتور تاسفت له طبعا هم مو يمي في امور اهم الظاهر وايد طاقينه :teeth_smile: ويمني ولادتي بولدي الثاني :teeth_smile:طبعا شفت الطلووووق وشفت العمليه لما قرورو العمليه وانا بوسط الصراخ اي واحد اشوفه اتمسك فيه حتى الممرض الي لابس اخضر والله يمكن هذا الدكتور المهم سحبته حييييل شوي جان اشم ريحة ديودرنت :52_52: لا بس حاط ديودرنت توه الظاهر العطر فايح حدا وعلى بنتي مااذكر لي ذكرت قلت لكم ماني مقصره
بنات انا فيه موقف اذا تذكرته اموت ضحك لما كنت اولد بولدي وجاتني طلوق مو طبيعيه قلت للدكتوره ابي عمليه واصرخ عليها والدكتوره لبنانيه تهبل مشاالله عليها بيضا وناعمه وانا ابكي حدي واقول فتحو بطني ابي عمليه جات الدكتوره يمي قالت خلاص حبيبتي كلها ساعتين وينتهي الموضوع وقاعده تهديني وتوريني ساعتها وبنفس اللحضه بغيت اموت من الطلق والدكتوره ايدها على راسي تمسح راسي خذيت ايدها وعضيتها من قلب وصرخت الدكتوره وبعد الولاده شفت ورا ساعتها ساعه ثانيه رسمة ضروسي وتفشلت حدي
هههههههههههههههههههههههههههههههههههههههه حلووووه منكم انا اذكر بولادتي الاولى كانت فيني طلوق بس وقتها ماقررو العمليه من حر الطلووق مسكت راس السستر وطقيتها بالكمام ومر علي الدكتور وتمسكت بيدي الثنتين على كووعه اقوله تكفـــــــــــــــى خلصني بموووت
كانت اول ولاده لي بولدي العود 0000كنت بمستشفى العدان امي واختي مدخليني المستشفى وانا كنت خائفه حدي حسيت جني داشه مجزره 000ومن الخرعه تخيلوا يمي وحده تصارخ وتسب بريلها وانا وراها قاعده اسبه من العوار لوووووووووووووووووووووووول
انا يوم ولادتي بولدي اول مادخلت الولاده السسترات يقولولي يالله شمي الكمام اشمه اقولهم ما قعد اتخدر وقالولي شمي مره ثانيه اثريهم زادو الجرعه جان اقعد اضحك واقول ما تخدرت وانا كلامي مثل السكرانه <<متخدره بس مو حاسه وقعدو يضحكون على0000 وبنفس الولاده بولدي الدكتور كان يضغظ على بطني من فوق لانه الجاهل كان متعلق ويوم طلعت من الولاده جا يتطمن على جان اهاوشه قلت بطني صارت زرقه من العوار قال خليني ساكت وانتي اظافرج ركزتيهم بظهري هههههههاي تفشلت وسكت
انا اول ولادة حقي ببنتي الله يخليها حقي كنت اعصاب بدعت حدي اول شي مسوية نفسي قوية و ما ابي لا ابرة ولا كمام بس لمن شفت الصجية بعد الطلق الصناعي قمت اقول ابي الكمام اول شي ما حسيت فيه بعدين رحت بعالم ثاني و كل ما يبون يسولي فحص اقلب عليهم الدنيا. و لمن خلاص بولد كان عبالي احتاج اروح الحمام قام اقول ابي اروح الحمام ابي اروح الحمام بعدين طلعت ولادة المهم كنت وايد زينة بالدفع بشهادة الدكتورة ما اذيتها وايد بس لمن طلعت بنتي ما حطوها على صدري يمكن بس ثانيتين و شالوها عاد هني ما بقى بجي و صراخ الا ليش ما حطيتوها بصدري ابيها ابيها لانه كنت موصية زوجي انه يحطونها بصدري و ألمها مثل الافلام يعني لووووووول الحين ابي احمل مرة ثانية بس عشان الكمام (حده عجيب) لايطوفكم يا حوامل
مساء الخير صراحه مواقفكم عجيبه الله يستر مايحشوني نفس اللي حاشكم انا حامل بالشهر السابع وهذا اول مولود لي حدي خايفه من الولاده والطلق مابقى شي ماقريته عنهم شكله راح يصير معاي مواقف مو موقف واحد راح ابدع حدي بالولاده
:teeth_smile:هلا خواتي انا يوم ربيت ببنتي الله يحفظه يني اخواتي من الفرحه يطمنن علي وكل وحد تشوف البنيه كيف يوزنونها ومن الاجراءات الي تعرفونها وحده من خواتي وين افلانه اببببببببببيه فلانه لاعبه لعبتها حضرتها ماسكه الكمام ويالسه شغاااااااااااله تشمممممممممه ورايحه فيييييييها الحبيييييييييبه وفييييييه عالم ثاني وتقوووول خلوووني محد يكلمني وفقععععععععععععععنا عليييها من الضحك اونه اجربه مانسااااااه ابدا هالموقف اختكم من الامارات.
العنود انا دايم ولاداتي انا وخواتي وبنات خالاتي بالراااااااااااااااااااااشد احسن مستشفى بالكويت احلى وانظف مستشفى صج مو راقي وصج مو اتكيت بس اهم شي النظافه
ههههههههههههههههههاي وربي موتوني من الضحك بنااات بقوولكم سالفتي اناا بولادتي بسيارة واناا رايحه كان الطلق خفيف نوعاا ماا المهم علي اني بكر ما اعرف شي قلت لزوجي والله اذاا مو دكتورة اطلع ماا ادش يولدني رجااال لاايبابااا ومعصبه من العواار طبعااا المهم علي ماوصلت افحصتني دكتورة وزااد العواار بشكل مو طبيعي قمت اصاارخ جيبولي دكتور هذااي ماتعرف شي دكتورة >>>>>>>>>>>> وين الكلاااام مابي دكتورة المهم بالولاادة مااخليت انساان علي وجه الارض مااسبيته حتي الدكتووور ومن خلصت وطلعت بنوتي صاار موقف يفشل احم احم جاا دكتور الخيااط بدوون شعور قلتله ضيق ضيق ههههههههههههههايي لااا وكويتي بعد رد علي وهووو يضحك سويتج بنت اوف اوف فشله اشلووون هذي الي تبي دكتورة ههههههههههاي:mskket:
انا في ولادتي بعد ماخلصت الولادة والخياطة قلت الدكتورة اعطيك قصدرة علشان البول اكرمكم اللة قلت مافي بول قلت الدكتورة اية يافلانة مافيش وانت لما طلع راس البيبي نافورة بول عرفت وقتها اني امطبع الدنبا وانا ماادري وسلامتكم
بولدي ضاقت علي الوسيعة بسبب الطلق البارد وحاطين التخطيط علي وكاشتين فيني السسترات وانا من الضيقة بس ادعي وابكي على حالي جان اقرر اقوم من السرير واتمشى بالممر شلت الجهاز عن بطني ونسفت الوايرات على كتفي والمغذي اسحبه معي مريت عالغرفة الأولى اللي يمي بصراحة ضحكت من قلب على وحدة استغفر الله فاجة رجولها تون خدرانه من الكمام لمن شافتني تقولي متى اولد والغرفة الثانية كانت لحالة ولادة تصيح وهم يقولولها شدي شدي عاد طقتني ام الركب وجاني الطلق
