والله أنا وعن نفسي ماأرضى ومعا أحترامي للجميع اللي ترضى زوجها يسافرة هذي وحد ناقصــــــــــة عقـــــــــــــــــــــل صدقوني السفر للرجل بروحة من غير الزوجة والاهل أكبر غلط يمكن المرة الاولى ماتصيب بس المرة الثانية تصيب وعينة تزيق وهم في سلبية ثاني لكثرة سفراتة راح يمل ولا يسفرج فأنا لا وضد المرأة الموافقة
بس في رياييل مايرضون ان المره تمشي كلمتها عليهم, وفي اللي يسافر كل سنه يدزونه الدوام دوره او مؤتمر اهني ماتقدر تكلم,,,,, اسعدني مرورج:smile:
والله حبيبتي انا زوجي كل شهرين النادي يدزونه بره وتعبت من هالسالفه والله لي درجة ازعل وارد ارضى عشان ولدي مرات لما اسمع كلامه اقول يمكن صج مايحب الا انا بس ارجع واقول يسافر بروحه ماتدرين هناك شنو يسوي صح الخرابيط بكل مكان بس اذا كان عندج تعطينه حاجته ومايفكر بهالشي بس بره اذا قعد اشهر تتوقعين مراح يسوي شي انا ما اتوقع هالشي اكيد بيسوي حتى لو مو حاط هالشي بباله ربعه بيحطونها واخذي عاد الربع وما ادراك ما الربع يماا منهم حطيهم حق التشيش مره رفيجه شافنا بالسوق واهو كان معاي شايل الاغراض ويدق عليه مصخره يقوله شايل للزوجتك سكانه مرته وماخله سالفه ماقالها الحين لما اروح معاه يخليني اشيل شوي واهو شوي مادري ليش حطها بباله
والله معاناة سفر الزوج بنسبه لي بس ما اقدر اسوي شي الا الزعل والصراخ واخر مره ماقالي انه مسافر الا لما قعد يجهز الجنطه؟؟ وبعدها 4ساعات كان موعد الطيارة ياني مت من الحره وطول حيل الزعل بينا لدرجه انه مل وقلال خلاص مافيه سفر بس طبعا يقص علي رديت ورضيت شسوي ؟؟؟
ما اخلي بس مرات يروح مع اخو بسيارة سعودية ولا البحرين يوم ولايومين 3 مرات صارت بس ومرة راح أيران هم مع اخوانة .. مدام مع اخوانة اوكي غير جذي لالا..
شكرا على الموضوع 0بس تصدقون انا غريبه عجيبة عمري ما تضايقت من سفره مع ربعه حرام استانس اذا اهو استانس لانه مو مقصر معاي حييل وانا حياتي كلها اهو
مرحباا يعطيك العافية ,, جيتي على الجرح ياأم لوول :: بصراحه تو مفاتحني بالموضوع إنه بيسافر مع ربعه ,, وأنا دموعي سبّاقه ,, ولا أقدر أجادله أو أتكلم معه لأني على طول ببكي :: ولا أقدر أمنعه ,, لأني أحس فيها أنانية هو مو مقصر معي ,, يسفرني وغير كذا معطيني تصريح أسافر مع أهلي ولا جا هو يسافر أجي أنا وأمنعه ,, أحسها قوية وقمة الأنانية :: واللي أهم من كذا ,, هو مانع نفسه من السفر طول فترة عزوبيته بحكم إنه عزوبي ,, ومايبي يروح إلا بعد مايأمن على نفسه ويكون حاط بباله إن وراه أسرة يخاف عليها من أي مرض أو عدوى أو أي ضرر :: عاد قبل كم يوم قالي إنه بيروح أندونيسيا ماقدرت أمنعه بطريقة مباشرة ,, كتبت له مسج ,, وبينت له فيها إنه إذا سافر هالمرة بعدين بياخذها عادة وفي الدول الأسيوية كاثرة فيها الفتن والخلاعة وقلة الحيا وإن أنا أبي مصلحته من هالشي ودعواتكم إنه مايسافر ,, وربي أحاتي
