مساء الخير خواتي كيفكم..... سؤالي يوم زواجك اكيد للحين في بيت اهلك من الصبح الى انتقالك للفندق شنو سويتي؟؟ يعني طول اليوم نايمه تشوفين حوسة خواتك...الى اخره) انا با المطبخ سويت لامي قهوه هي ابوي ما حد ناظرهم كلنا بحوسته وبعدها جلست اشوف خواتي والكوفيره تزينهم (احس مو زواجي اليوم )...(مو مصدقه) خلينا نشوف خواتي شنو مسوين .... اتمنى ما يكون موضوعي مكرر... __________________
والله يوم زواجي قعدوني من النوم تسبحت ورحنا الصالون وطول الطريق انا ابجي ومرت اخوي واخوي اللي موديني للصالون يبجون واختي تصفق تقول والله ماعندكم سالفه ليش البجي و واخوي حاطلي اغنية عيضه المنهالي مشكلتك انك قلب حساس ويقولي هذي اهداء لج الله لايحرمني منه ولا من اخواني فديتهم ويقولي تكفين لاتبجين وانتي داخله الصاله لايقولون الناس الخبل يبجي ويا اخته ههههههههه بس لما دشيت الصاله بس اضحك واللي تجي من رفايجي اتسلم علي امسكها واقولها صوري وياي واحس اني فرغت البجي كله الصبح يعني نصيحتي للمقبلات على الزواج ابجي قبل تحطين المكياج عشان تريحين وماراح ترتبكين بالصاله صدقيني:wink_smile: وانتي ماشاء الله عليج رايقه تسوين جاي وقهوه بعد الله يخليهم لج ياااارب:teeth_smile:
كنت انا واختي عرسنا كان في نفس الليله تصدقون اختي في صاله وانا في صاله ثانيه قهر امي مو عارفه مين بتبدي ومين بتخلي بس يالله عدت على خير اختي حملت وولدت وانا للحين ماحملت ادعولي ياخواتي ويعطيك العافيه عالوضوع الرائع
يسلمو علي الردود ...انت بحياتي وبس يارب يرزقج درزن اعيال الصالحين يارب امين وعسوله شكلج تعذبتي ذاك اليوم بس اكيد بيكون يوم ما ينسا
أنا قعدوني الصبح الساعة ثمان تسبحت وتريقت وكنت مرتبك واحسن اني ضايعة والله إني صرت مثل الرجل الالي وين يحركوني اتحرك وبعدها طلعت الصالون بس اللي هي عيوني تتحرك وجسمي شبة ميت بس كانت احلى الايام وياليتها تنعاد الف مرة
انا وقتها قعدت الساعه 9 الصبح وتسبحت وانطر رفيشتي تمرني لان اهيا المرافق الي معاااااااااااي وبعدها طول الوقت شعوري عادي يوم حطيت المكياج ولبسوني الطرحه خفت حسيت بالصجيه وبعدها كنت خايفه وابجي وارجف ورفيشتي تضحك علي بس وناسه والله
والله عن نفسي ما نمت وانا منسدحه والله قلبي شوي ويوقف اقوم خواتي سهرانيين يقولون روحي نامي اقولهم ما فيني نوم وجت اختي الكبيره وحصلت زفه ورحت للفراش اتقلب يمين ويسار نمت تقريبا ساعتين وظليت منسدحه بالفراش لين الساعه 9 الصبح رحت الصالون اخذ حمامات وخواتي معاي يحطون مكياج يعني حطوه الساعه 12 بدو عشان يروحون معاي الفندق والساعه وحده ونص رحت الفندق والله حطيت المكياج الساعه 7 ونص والله وقبل ما احط مكياج طول الوقت قاعده بس عيوني تطالع يمين ويسار وارجف وقمت تكرمون ارجع وخواتي طلبولي مطعم ما اكلت ولا شي من الخوف عاد تدرون زوجي ما دخل الصاله دخل ابوه خذاني وطلع وثاني يوم ابوه وامه جوني الصبح عاد ابوه يقولي ليش تمشين بسرعه بسرعه لاحقه على زوجج وانا من الاحراج بجيت ههههههههههههه
انا فعرس اختي الي تكبرني بسنه مانمت وسهرت وحضرت العرس سهرانه مرتبكه كنه عرسي ويوم جا عرسي كنه العيد قعدت الصبح وتحممت وتريق هذاك الريوق السنع مع اخوي الكبير ولا كأنه اليوم عرسي وكلشي عده بسهاله لين شفت المعرس تبدل حالي. بس ياليته يعود.:wink_smile::wink_smile::wink_smile::wink_smile:
ما أذكر غير دموعي ... و كان يومها ( بجي من الصبح لي الليل ) و الله كنت أفشل حتن الناس يقولون اشفيها العروس تبجي أخاف مزوجينها غصب واي كان يوم مرعب بالنسبه لي ....
كنت سهرانه ومانمت الا ساعتين بس رحت الصالون وكنت حاجزه غرفه تسبحت وسويت تسريحه ومكياج يوم خلصت قلت بصعد غرفتي اريح صعدت ولاشعوري خذيت غطه قعدت اطالع حولي عبالي خلص العرس ههههههههههههههه وصورت ورحت للصاله وبسسس : )
ااااااااااااااااااه عرسي الاسبوع الجاي الله يستر ادعوووووووووووووولي بس والله وضعكم يضحك والله يستر مني ههههههه سلطانه الغفوه حلووووه .. بس عفيه توقيعج بصيد شكاتبه ما قدرت يرحم اهلج شكاتبه ؟؟؟؟؟
اولا مشكووووووووره ع الموضوع الحلوه ذكرتيني بهاليوم انا مانمت طول اليوم افكر شنو راح يصير اطير وانا دااااااااااااااشه بالصاله ولا ينقطع الصوت وانا داااااااااااااااشه ولا يطلع شكلي مو شي وافكر شنز يصير فيني لما يسكرون الباب علينا شنو راح يسوي:75_75: وكنت منخشه ماابي اشوف احد ونزلت سااعه9 بروح الفندق وشفت ابوي وامي انحرجت وقاعده ابجي شلون بتركهم بروح عقب عشرين سنه حلوه مريتها معاهم وانا متعلقه بااااااامي حيل الله يخليها لي يارب وقت نزولي من كثر ماابجي الكل بجى صااار عزا مو عرس ورحت الفندق بلياااااااه سكت واشوف خواتي يتكشخون واطالع فيهم اقول معقوله اليوم عرسي وحست انه اليوم عرسي يوم تنااااااااديني راعيع الصالون تقول العررررررروسه وينها حيت انه عرسي وبعدين مرت الساعات بسرعه وصلت عندباب الصاله قلت ماراح انزل اختي عصبت تقول انزلي ونزل وسمت وكنت خاااااااااايفه وعدت ع خير الحمدلله وبس
انا يوم زواجي كان احلا يوم خلوني نايمه لين العصر نسوني خواتي بتجهيزاتهم وانا راحت على نومه وبعدين رحت الصالون ومرت علي خير بس ليلتها خلصنا وانا تميت قاعده ما نمت لين العصر ثاني يوم هههههههههههه من الفرحه مو مصدقه لوووووووووووووول:wink_smile:
يوم زواجي اول شي انانمت لي الظهر انا قلت حق اهلي مابي احد يقعدني وقبلها بيوم جيرانه وخواتي عندنا خواتي بينامون عندنا قعدت الساعه 11 الصبح انا قعدت بروحي تسبحت ونزلت تحت ولا خواتي اهلا بالعروسه عاد شكلي مايوحي ان اليوم عرسي تريقت معاهم اقصد بس قاعده مالي خلق اكل كليت شوي عشان امي لا تزعل وسيده طلعنا انا وخواتي اثنين واختي كانت مع زوجها طبعا اختي ماكانت مخلصه شغلها مرينا السوق شرت عدسات حتى كان سوق واره اللي بالجهرا زين حصلته بعدها انا قاعده اقرى سورة البقره هذي وصية مرت خوي ريم انتي حلوه والله ماتدرين الناس على شنو تحسدج وكلها ساعه ماتكلفج الله يخليج اقريها قبل لا تروحين وانا بالسياره اختي كانت حاطه بالسياره قران وبعدين طفته وانا قعدت اقرى بعدين رحت الفندق وانا كنت قايلتهلم بطلع مبجر من الصالون بس لما دخلت طلع العكس كانو حاطيني اخر وحده وكنت عند الهام طبعا العروس تأخذوقت سويت عندهم حمام عطورات وبعدين حطيت مكياج ونزلت تحت المنكير وبعدين الشعر وكانت رفيجتي جايتني بلصالون واهي بعد 3 اشهر عرسها تقولي راح احط مثل مكياجج ورحت الصاله جنه شايفه نكته بس اتبوسم لانه بملجتي بس مبوزه والصور خربوا عشان جذي طلعت حرتي وطبعا المعرس دش وراي جنهم مو مصدق وخواتي ماصور معاي رحت البيت واختي كانت ماخذه اخوه فا اهي وزوجها وصلوني البيت ونزلو معاي وصورو وشوي ولا اهلي كلهم عندي بالشقه الظاهر زوجي يقول ببالههذيل شيبون لا يكون بي أخذونها بس طلع تفكيره غلط كانوا بيصورون معاي لانه ماصور لا بالعرس ولا بالطالون وفعلا صورا وكان ضحك يعلقون على اللي تصور واخرتها طلعو اهلي ماباجي الا انا معاه مع انه قبل بالملجه كنت اطلع معاه بس مادري ليش حسيت قلبي بيوقف بس طلعوا اهي دمعت عيني بعدين اهو كان بالغرفه الثانيه ياكل وانا كنت اتعدل وبس سلامتكم تبون بعد اكمل
انا اذكر ظليت سهرانه افكار توديني وتجيبني وخايفه من ردة فعلي وردةفعل الناس لما اشوفهم بالعرس وكنت افكر شنو بيصير فيني بعد ما اشوف زوجي داشين يزفونه وظليت لي يوم ثاني من عرسي لا أكل ولا نوم
ذكرتيني باللذي مضي انا وحده ماسويت عرس سافرت قبرص واليونان ومصر وكان عمري 16 سنه:sad_smile:مسكينه صغيره ما عرف شي يوم اختي تسولفلي قبل السفر بليله قلتلها بطلت ما ابي اسافر وبعدين اكلتها زفه من احتي :1:وصار اللي صار والحمدلله
اانا مشتاقة بس ودي اقعد معها ودي بس اوصل عنده علشان اطمن انه خلاص عنده قعدت اخوي من انوم قلتلها قوم ودني صالون علشان اخلص بسرعه ورح عند حبيب القلب يقول اول مره تمر عليه عروس مستعجله بس تبي العرس الله ياليت لو يرج هذاك اليوم
ياحليل سوالفكم انا يوم عرسي كنت مبردة حدي شن فوق راسي ماي بارد ولا كانه يوم عرسي قعدت قريب الظهر لأني مانمت الا الفجر ومارحت المشغل الا بعد ماصليت المغرب كان بيتنا قريب منه وهو لقريبتنا ماكان في عروس غيري ذاك اليوم ،، بس العائلة الكريمة ( عماتي وخالاتي ) كلهم راحو لنفس المشغل قبلي من العصر علشان يخلصون وخلصت بسرعة بس وحده من عماتي تأخرت واستنينا ليما خلصت وراحو للعرس وأنا وراهم وبعد العرس رحنا عالشقة ببيت أهله - ساكنين وياهم - وصورنا ،، وغسلو ايدينا بماي ورد والحمد لله اني ظليت هادئة للأخير ارتبكت صحيح بس عدّت على خير ،، كنت جايعه حدي ماتعشيت زين بالثلاجة كيك وعصير وكلت ماقدرت حسيت بطني ناشف... وبس ....
