السلام عليكم ورحمة الله وبركاته :emoticon_U::emoticon_U::emoticon_U: هالموضوع ماقدرت اتكلم فيه مع احد من اهلي الكل حزين راح حبيبي ونظر عيني وانتقل لرحمة الله عز وجل .... رحمة الله عليه مات ابوي جدام عيني وماكان فيه احد غيري عنده الاولدي الصغير :frown: مات واهو ماكان فيه شي مر علي يشقتي بيتطمن على ولدي لانه كان تعبان وفجأة طاح علي ولما جو المسعفين قالولي مات ..... لحظتها غبت عن الدنيا ولاادري شصار !!! ولما صحيت بعد 8 ساعات مالقيت الا اخت زوجي معاي بالمستشفى قلت لها صج مات والا ماعندهم سالفه ....<<< استغفر الله والله موسخط قصدي بلحظتها اكذب كلامهم او اكذب على نفسي :frown: للحين اعاني ولحظه وفاته جدام عيني 24 ساعه بال24 ساعه اللي مات لها عزيز تقولي وتفيدني شلون تجاوزت الازمه .... رحم الله موتانا وموتاكم
ابوي له سنه متوفي والله مانسيته الغالي وحاطه صوره عندي وكل ما اشتقتله انطر زوجي وعيلي ينامون واحطهم قدامي وابكي ترى البكي يريح بس يالغاليه لاتنسونه بالصدقه لان عمله بالدنيا انقطع شدو حيلكم
الله يرحمه ويغفرله ان شاءالله وعظم الله اجرج حبيبتي الله يصبرج واكيد ماتقدرين تنسينه ولا تتناسينه لكن كثري من الاستغفار وعسى ربي يصبرج والله مادري شقولج لكن مثل ماقالت الاخت عذوب الكويت تصدقوله وسوله ختمات وكثري من الدعاء وخصوصا بالثلث الاخير من الليل وربي يغفرله ويسكنه فسيح جناته يارب
غفر الله له واسكنه فسيح جنااااته وعظم اجركم .. واعانكم على فراقه ياقلبي هذا واقع لاازم تعيشينه وكوني متاكده باي لحظه راح تفقدين اي احد او اي شي غالي عليـك ما اقول الا الله لايفجعك في حبايبك واهلك ولايفجعهم فيـك بس هذا حال الدنـيا " مايبقى الا وجه ربي تبارك وتعالى دعوات القلبيه لكِ وكل من فقد غالي
حتى مثلكم ابوي توفه قبل رمضان راح الغالي الله يرحمه وانشاالله في الجنه يا رب حتى انا يا بنات عمري ما نسيته كل يوم اشوفه جدامي والحمدالله كل ما تيني فرصه اروحله المقبره الحمدالله على كل حال ربي يرحم بابا ويرحم جميع موتا المسلمين يا رب :sad_smile: والله انج عورتي قلبي بموضوعج
هلا حبيبتي السجينة وعظم الله اجرج يارب واسكن الله روح الوالد فسيح جناته . . . وجعل قبره روضة من رياض الجنة . . . سبحان الله وفاة شخص عزيز من أحد الوالدين يعتبر صدمة وفاجعة . . . لكن أنسب حل هو الأيام كفيلة إنها تخفف اللوعة والحزن . . . لكن تنسينه صعب جدا . . . حبيبتي حاولي توجهين حزنج لنوع من التواصل بينج وبين الوالد -رحمه الله - بتقولين لي شلون بقولج . . . الدعاااء ثم الدعااء له وتأكدي لما تدعين له في صلاتج وسجودج وقعدتج سبحان الله مباشرة بيوصله الآجر والحسنات وبيدري إنج تدعيله . . .وبيسعد كثيرا في هالشي . . . والتصدق له بعد بيفرح وبيكون عنده علم إنه إنتي بالذات اللي تصدقتي له . . . أهو انقطع عن هالدنيا لكن باقي له شغلتين في الدنيا دعائج + صدقاتج = اللي اهو محتاج لهم أكثر شي . . . ووانا اقول هالحجي من واقع تجربة لأن والدي متوفي وكل ما ادعي له او اتصدق احس بسعادة ورضا نفسي لاني ادري ان ابوي - رحمه الله - يدري اني اتواصل وياه وابذل له اللي يقدرني ربي عليه
الله يرجم ابوي وابوج وموتي المسلمين بس انا اخو ريلي توفي من سنه اواكثر شوي بس والله يابنات كان اخوي الكبير اللي رايح انا تاثرت اكثر من اخوه الله يرحمه:emoticon_U:
انا ابوي السنه الي طافت توفى برمضان ولوما خوفي من ربي جان انتحرت والله مو طايقه الدنيا من غيره انا كنت اكثر وحده متعلقه فيه الحياه صارت بنسبه لي تمضيه وقت والله لي اليوم ابجي عليه الله يلوم الي يلومج ويصبرج ويصبرني على طول ادعي له
الله يرحمه ويغفر له ويرحم موتى المسلمين يارب عظم الله اجرج حبيبتي انا مريت بنفس ظروفج بس شوي غير ابوي الله يرحمه كان تعبان وااايد وكان بالمستشفى ربي يغفر له ان شالله بس كانت لحظات صعبة عليي قبل لا يموت لاني كان عندي احساس انه بيموت والاطباء قالوا ماكوا امل بشفاؤة ربي يرحمه ويوم سفرته للعلاج سحبني من ايدي مرتين بقوة مع العلم انه كان مبنج لان حاطين له التنفس الصناعي ماكنت ادري اشيبي حبيبي الله يرحمه وراح ومارد سبحان الله مات بالطيارة وكانت ساعته ويومه فتصبري بالدعاء ودايما قولي ربي اجرني بمصيبتي واخلف لي خيرا منها وربي ماراح يخلي ادعي له بكل وقت وخصوصا بالسجود لاتنسين الصدقات حبيبتي والاعمال الخيرية والاستقطاعات ربي يبارك فيج ان شالله وتكونين انتي مصدر حسنات له بالدنيا ولد صالح يدعو له ) افضل الصدقات الماء ابوي الله يرحمه شهر 2 يكمل 4 سنوات وربي جنه امس متوفي الله يرحمه عمرج ماراح تنسينه الصبر والاستغفار ربي يصبر قلبج ان شالله
الله يرحم ابوج حبيبتي الغاليه شنو تقولين عني مات ابوي بعدها بثلاث اشهر اخوي بعدها بثلاث اشهر ولد خااالتي الله يرحمهم يارب ومسكنهم الجنه ان شاء الله :frown:
اللهم ارحم موتانا و جميع موتى المسلمين و المسلمات و المؤمنين و المؤمنات حبيبتي عظم اجرج و الله يلهمكم الصبر و السلوان عيل شتقولين عني اللي فقدت اخواني الاثنين و ماما عوده و بينهم شهرين بس و عقبها توفى خالي و تالي زوج خالتي و عقبها خالي الثاني و عقبها بابا عود و عقبها اخوي اللي ماصارله سنتين و المشكله قبل لا يتوفى الله يرحمه بجم ساعه شفته سبحان الله كانه القمر ليلة كماله وجهه مدور و صاير ابيض قطنه ماشاء الله مع انه وجهه حيل ضعيف و اسمر .... حديث عن الرسول صل الله عليه وسلم { ان المؤمن مبتلى فمن رضي فله الرضى ومن سخط فله السخط } و الابتلاء سبحان الله للمؤمن تخفيف ذنوب باذن الله الدعاء الدعاء الدعاء الدعاء اهو اللي ينفع الميت و الصدقات و ماي السبيل من معاشه وكل ما تذكرتي الوالد الله يرحمه ادعيله بالرحمه و قومي صلي ركعتين و لا تبكين عليه لأن البكي يحرق الميت و تصيرله مثل الغيمه السوده عليه بقبره سبحان الله .... تقبلي مروري حبيبتي
انا اخوي توفى عمره 15 اغلى من عيوني ومن روحي بس سبحان الله عطاني الصبر على فرقاه اخر اسم انطقه بالمستشفى كان اسمي الله يرحمه كان يحبني انا اكثر وحده من كل خوانه وخواته الله يرحمه ............
:cry_smile::cry_smile:عظم الله اجرك ونزل عليك الصبر والسلوان ... انا قصتي غربيه شوي اللي مات لي اخو زوجي توه ماكمل 40 سنه وعنده3 عيال اكبرهم 10 سنين كان زوجي وامه وابه واخوانه الاثنين راحين يستلمون ارض حقتهم عليها نزاع ومشاكل من 20 سنه وراحووكان4رمضان هالسنه وبعد مارح صلى الظهر في المسجد وبعدها صلها في الارض وكلهم مجتمعين جاؤ اللي محتلين الارض وصارت هوشه وان معهم اسلحه ومره واحده اطلقو عليه رصاصه في الجبين مكان ختم الصلاة وطاح غرقان بدمه جدام امه وابوه واخوانه وطقوهم بالعصيان لما كسروهم وحاصروهم ومنعوا انهم يمشون وبعد نص ساعه طارو فيه للمستشفى وعلى اذانالعشاء اخذ الله امنته وكلنا كان عندنا انهيار عصبي شوفو جداه اهله واهو صايم ومصلي اللهم احسن ختامنا وارحمنا وارحم اموات المسلمين وصبر اهل المتوفي... في دعاء عن الرسول صلى الله عليه وسلم في ما معنا ه ان الانسان لما تصيبه مصيبه اول شي يقول انا لله راجعون اللهم اخلفني في مصيبتي بخيرا منها يارب العالمين كان وعد الله ان يراضيه في الدنيا والاخره والله يصبرنا ...امين
انا ابوى توفى جدامى:emoticon_U: الله يرحمه وحسيت بأكتئاب والحمد الله الحين احسن بس تدرين يصبرج شئ واحد انا راح حق الله ...رب الرحمه وانا ارتاح وان شاء الله بالجنه احسن من هالدنيا الفانيه ...والله راح ترتاحين وايدتصدقى لى ولا تنسن الدعاء يوصله والصدقات
الموت حبيبتي انا حاسة فيج انا 3 ماتوا في اقل من سنة الله اعلم بالحال اتمنى الزمن يرجع ورا و اقعد معاهم اكثر اسولف اتمنى اسمع صوتهم اشوف ضحكتهم يا حلو الجمعة معهم اخ بس اللهم لا اعتراض صعب النسيان و مستحيل بس الصبر زين سلمي امرج لله و ذكريه بالاعمال الصالحة و الدعاء له بارحمة و المغفرة
حبيبتى الله يرحم ابوك ويدخله فسيح جناته ويرحم ابوى واخوى وجميع اموات المسلمين انا نفس الشئ مات اخوى وهو طيب مافيه اى شئ وكان اصغر منى وله 3 اطفال صغار فى حاجه له لكن الاجل اذا جاء ما يعرف صغير او كبير والحمد لله لانه هو الذى اعطاء وهو الذى اخذ اكثرى من الدعاء للولدك والحمد والشكر لله لان موته جاءت هينه لينه ماشعر بمرض او مات لاقدر الله با حادث كان هذا بحد ذاته نعمه من عندالله بالرغم انها ليست سهله علينا لان لما مات ابى حزنت على موته بس الى هونها على انه كان مريض بالسرطان وكننا نتوقع موته فى اى وقت لكن لما مات اخى كان الحزن اشد لانه مات فجاءه ومع ذلك حمدنا الله مما جعل المصيبه هينه اكرار اكثر له من الدعاء والصدقه الله يصبرك ويصبرنا عند الابتلاء واسفه على الاطاله
