بالله ابي المساعده والنصيحه من الكل والله العظيم احترت واستخرت وباقي استشيركم لاني ماعندي من يساعدني اولا انا متزوجه من 22سنه وعندي 8اكبرهم 18تزوجت وعمري 14المهم تزوجت واحد اكبر مني 16سنه وانا كنت صغيره ماابي اقول شنوا سوا امه واخته واخوه فيني والله حتى الخدامه كان عليها يوم وعلي يوم حتى الجوع جربته ومن خبالي حتى زوجي ولا اهلي كانو يدرون المهم شفت الظلم وعادي تحملت حماتي كل يوم تطردني من بيتي حتى ايام الغزو وحنا كلنا برى الديره وكلنا ما لنا بيوت الا من اهل الخير جت وطردتني وقطت اغراضي برى الغرفه وتقول غرفة اخوي المهم تحملت شكثر الله العالم اما زوجي فانا اكرهه والله شفت الظلم على يدينه ياناس هالعايله غريبه الله بلاني فيها بلوى شك وغيره وحسد مو طبيعي والله ماتصدقون ان العايله كلها رافعه قضايا على بعض كلهم ابي اقولكم على زوجي وقولوا لي رايكم زوجى تاجر وموظف افسدمنه مافيه راعي سفرات ولابعد ماتسلم منه ولا خدامه لي اولاهله مسكين مايقاوم الخدامات واذا عاتبته يقول تحملي انت تجيبينهم البيت لاواناماجيب الا جياكر وانا ولله الحمد كامله والكامل الله قلت تخيل اني مع السايق جذي يقول انا اذا جبت سواق ذيك الساعه لوميني والله ياخواتي انه يهجرني سنه اوسنتين والله امري لله بس والله الكل حاسدني حتى خواتي اضحك واسولف مع الكل بس الحمدلله علىكل حال الحين ياخواتي ينام برى البيت بالاسابيع والايام والله له الحين مايكل بالبيت حوالي 15سنه ولايغسل ملابسه عنده شركه حاط فيها غرفه له المهم انا الحين ابي الطلاق والله ياخوتي انه اللي كلته واحد بالميه من اللي عايشته تخيلوا عنده فلوس ومغني كل خلق الله الا انا نفسي وخاطري بكل شي الله لا يسامحه دنيا واخره انا ابي روح للمحامي الخميس الجاى نفسي ارتاح والله انه يقول لي لاتفكرين اني راح ارضى عنك مهما سويتي والله اني ماسويت له شي بس يدرني اني اخاف من الله يقول ماراح ارضى عنك لاني ابي الله يعاقبك تكفون اتطلق ولا اتحمل واموت على البطيء
الله يعينج على ماابتلااج واللي يسوي سواتج ويصبر كل هالصبر عشان واحد بهالانحطاط صدقيني بإذن الله اجرج كبير عند الله والله ماينسى عباده الصالحين وهذا بلاء من الله وصدقيني تطلقين بعد هالعمر ماتسوى اصبري عشان عيالج وبنتج المتزوجه وهو طقاق يطقه وباللي مايحفظه لا تكدرين نفسج عشانه استانسي وعطيه طااااااااااااااااف ولاتخلينه اكبر اهتماماتج اهم شي بيتج نظيف عشانج مو عشانه يعني اذا احد دش عليج الا بيتج من احسن مايكون وطبخج تطبخينه دايم هم عشانج وعشان عيالج موجود ياكل وياكم مو موجود مايشوف شر وصدقيني نعمه من الله انه يهجرج لانه راعي حريم وماوراه الا الامراض يعني صدقيني والله انه ربي يحبج انه مايجيج صج ان لج مشاعر واحاسيس بس اعتبري نفسج مطلقه شيليه من حياتج وبنفس الوقت حاولي تدعين له بالهدايه وصدقيني اذا شاف صبرج راح يرجع لج بس انتي اصبري وان شاء الله الله يعوض صبرج خير والطلاق ياعمري ماهو حل بعد هالعمر والله يسخره لج ويصبرج ويأجرج وتقبلي مروري يالغلااا
حبيبتي جزاك الله الفخير بس والله هو حارمني من الطلعه ومتحكم في حياتي بكل شي تخيلي ماازور معارفي الا العيله كلها معاي يعني بناتي اعمرهم الكبيره 17والثانيه 14ووالولدعمره 16تصدقين ولدي الكبير ليمن عمره 15 سنه وهو يسير معاي وين مارحت صرت مهزله عند الكل والله المسكين اخر شي قام يصيح ويبكي بالشارع رافض الروحه والله كفخه بالعقال بالشارع والحين هو ليش كل هذا المجنون على باله اسوي نفس مايسوي ويبي ولدي يراقبني الحين ولدي يسوق سياره ويهدده مايبي ولدي يوديني اي مكان حتى السوق اذا وداني اهانات مره تفل علي قدام الناس علشان البدله طاحت مني ومره تكلم علي وعلى بناتي الله لايوريكم شصار بحالنا والله ماذكر مره رحنا السوق الا والكل يبكي هو مانعني اروح اي مكان او اطلع من البيت حتى للفرع اللي بجنبنا والله ينجن لوطلعت حتى السوق نروح له بالاعياد والمدارس ابس والجمعيه برمضان وعيد عندنا اذارحنا مرتين هو غني وتاجر بس كرهه لي الحين انجن يوم درى اني ابي الطلاق مايبيني ارتاح هوحتى بنتي مسكينه قعدها عن الدراسه والله يوميا دمعتها بعينها تصدقين تلفون نقال ماعندي يقول ماتمسكه شريفه والابتوب مانعه عني بس ولدي بعدي هو يخليه عندي من ورا ابوه لويدري يطين عيشتنا اما بالنسبه للنظافه والله الحمدلله نظافه وترتيب اما الاكل فالكل يشهدلي ولبناتي بالطبخ الحلو حتى ولدي يقول يمه رفعتي راسي بطباخك قدام ربعي انا اتمنى اطلع واروح والله حارمني من كل شي حلو بالدنيا
اللة يعينج هالنوع ماكو مفر منه انطري عليه لا تستعيلين ادعي بس ان اللة يهديه لج ويسخرة لعيالج انشاللة اللة بيرفع عنج هالعذاااب ياايهديه او ياخذ عمرة (( اسمحيلي انفعلت )) غثني بس اخذي شور اهلج حبيبتي ولا تستعييلين بالطلاق عندج كبار حرام منو راح يتحملهم :sad_smile: فكري لا تنفعلين فكري بهدااوه واستخيري واللة يهديه انشاللة
الله يكون بعونج يا قلبي وانا مع اختي عسوله تحملي وصبري مو علشانه علشان اعيالج واهوه خلي حقري وصدقيني ربي راح ياخذ حقج منهم وحوبت المظلوم تتحقق صدقيني ربي يفرخ همج يا رب
السلام عليك الله يكون بعونك , وإنت تحملتي كثير إصبري إن الله مع الصابرين ولا تستعجلين استخيري واستشيري وان شاء الله يفرجها عليك والبلاوي ما لها إلا الصبر
عزيزتي انتي لو تبين تطلقين جان تطلقتي من زمان بس انتي تبين احد يقولج لا لا تطلقين وانا ما لومج فرضا تطلقتي شنو راح اتحصلين يعني حطي قائمه بمنافع الطلاق ومضاره بالنسبه لج وشوفي شنو اكثر وقرري من نفسج ما لج دعوه بكلام الناس:71_71:
الله يلوم اللي يلومج واللي ايده بالنار مو مثل اللي ايده بالماي شوفي المسأله مو مسألة مانعج من الطلعه او انج بتروحين وبتردين على كيفج هذي كلها اسباب ممكن تتغاضين عنها والوحده كل ما كبرت ما عندها قدره على التحمل مثل ما كانت بنت فأنا اقول لا تتطلقين لانج لو تطلقتي بياخذ حضانت العيال ويقعد يعاندج فيهم وبيقولهم لا تروحون لها ويغثج فيهم انطري وتحملي يمكن الله ياخذه وترتاحين وتورثينه مره وحده مدام انه تاجر والله يعوضج بعيالج ان شاء الله
ليش الصحوه تجي متاخر وبعد الوحده ماتجبب درزن عبال ناس غريبه ليش تطلبين الطلاق وانتي شبه مطلقه الله يكون في عونك
الله يعينج صراحه كلامج عور قلبي هذا كلش مافي امل كل هالسنين ولا تعدل والحين سفرات ولايدري عنج انا مااحب الطلاق بس اظن كافي عليج جذيه تطلقي وعيشي باقي حياتي براحه والقاون عندنا الحمدلله يعطيج كل حقوقج وانتي مرتاحه المفروض بين الزوجين موده ورحمه موجذيه واسفه لورايي ضايقج
