حبيبتي مشتاقه مو كل الرياييل نفس بعض و لاتخربين على المره بيتها الله يسامحج وهذا وانتي مشتاقه لجنة ربج .. المهم الله يهديلج زوجج و يسخره لج و لبنتج والدعاء أفضل وسيله و يقول المثل اسال مجرب و لا تسال خبير .. بالتوفيق حبيبتي و لا تضايقين نفسج و على سواقة السياره قولي الحمدالله لأنه واثق فيج
حبيبتي ترى الرياييل مونفس بعض وإذا بتزعلين أزعلي ببيتج ( بعيد عن العين بعيد عن القلب) وبعدين شوفي نفسج ليش يفضل الدوانيه عليج لاتصيرين نكديه يعنى إذا جاك استغلي الفرصه وأضحكي معاه وسولفي معاه وأسألي عن أحواله وعن دوامه خليج الصدر اللي يفضفض له كوني عشيقته قبل زوجته لا تنتقدينه واجد قوليله (أنا أحبك) إذا هو بالدوانيه طرشي مسجات غزل خليه يحب القعده عندج شاركيه هواياته قوليله أنا مشتاقه لك وأهم شي الدعاء (تسخير الزوج) ولاتستعجلين بالنتايج الله يوفقج حبيبتي
عادي اغلب ريايل جذي مايحبون القعدة فالبيت كل يبون يطلعون وبس قهاوي والدوانيات انتي شغلي بروحج بشي 2 وانشالله يحس ويقول ليش هذي ماتسأل عني...
يادلوله كوني اسم على مسمى وتدللي عليه الريال يحب الدلع مو النكد وحاولي تشوفين القصوراللي فيج وتواجهينه وتعرفين اسباب خروجه المكثف صدقيني ماكو مثل المصارحه بين الزوجين وحاولي لما يدخل البيت يشم روائح طيبه ويشوف التأهيل والترحيب وتفصخينه غترته ودلاغه وتكونين له أمه فيكون لك عبدا ولا تنسين الدعاء باستمرار انه يحفظ بيتج من اي زلزله ويسخر لج ريلج ودفعي صدقه كل ليلة جمعه وحذاري حذاري تتركين بيتج والله يوفقج ويسهل امورج ويحنن قلب ريلج عليج
عزيزتي دلوله الكلام اللي كتبته خبرة سنوات والحمدلله يابت نتائج ممتازه, وارجو انج تبشرينا بأن وضعج مع ريلج تعدل انشاء الله
الحمدالله أحسن ولو ان ماتنازل عن روحة الديوانية بس قام يخصص لي وقت معين نقعد فيه او نطلع ويا بعض وانا الصراحة راضية اقتنعت بالواقع ومشكوره حبيبتي عالاهتمام
القناعه كنز لايفنى المهم انه يعطيج من وقته وهذا اول الغيث وصدقي طنشي موضوع الديوانيه ورح تشوفينه شوي شوي يمل ويدور قعدتج وحاولي تقضين وقتج بالقراءه وزيارة الأهل وتخصصين جزء من وقتج حق نفسج وهواياتج وعامة القعدة الوايده حق الريال بالبيت تييب المشاكل ويصير يقيدج بكل حركاتج وبعدين تقولين ياريت يطلع ويفكني وهذا عن تجربه
