السلام عليكم ورحمة الله وبركاته شخباركم ان شاء الله بخير بسالكم عن اختي متزوجه وتبيني استشيركم وان شاء الله بتجاوبوني هي سؤالها تقول شلون معاملتكم مع ازواجكم يعني معقوله طول الوقت تتصنعوا وتتزينو ولاعادي كل وحده على طبيعتها لانهااتقول استغرب من كلام المتزوجات مافهمت كيف معاملة الزوج صح من حيث انها ماتقصر بحقه وهي بعد تكون مبسوطه معاه ؟؟؟؟:wink_smile: انتظر ردودكم
اكيد على طبيعتج بس وقت الاوقات الحميميه تكونين مجهزه رووحج يعني مو مقصره بعمرج موبس عشانه لاءءء عشانج بعد والله يوفقج حبيبتي:wink_smile:
نفس كلام اختي تاج النور صج مو كل يوم ليله ولبس من هالسوالف بس هم ماكو اهمال بالشكل يعني تهتمين بشكلج وعطرج والغرفه مبخره ومعطره اولا عشان راحتج النفسيه تحسين انج مو ناقصج شي وثانيا عشان اذا جا يلقى الراحه في بيته والله في حريم اعرفهم يعني عشان على راحتهم وعلى طبيعتهم حتى شعرهم اذا جيتيهم فجأه بغفرهم تحسينه مو مشط ومدهن بعد والا ريحة الغرفه ماتساعد ان الواحد يقعد مرتاح والا عفيسه من العيال . الاهتمام بالنفس عشان راحتج اولا والله اني استانس اذا جا وقالي ريحة بخورج واصله الحوش :teeth_smile: والله يعينا عليهم وعلى رضاهم :teeth_smile:
المفروض المراة تكون مجهزة دائما و مستعدة لزوجها خصوصا اننا دائما معشر الرجال طول اليوم فى العمل و نقابل الكثير من النساء اذا ما لاقينا شىء يشدنا فى البو انميت سوف ينظر الرجل خارج المنزل و مش شرط التغيير او التجديد فى الشكل ولا رائحه العطر و انما يكفى ابتسامه شوق من الزوجه لزوجها تخفف عنه عناء اليوم الشاق
أنا ضد من تتصنع بكل أمورها معاه ........وإن المرأة بطبيعتها تحب اللبس والتزين ووضع المكياج والشراء ما هو جديد وبطبعها تحب تملك قلب الزوج يعني ليس له داعي التصنع إلا في أوقات اللي هي وقت الفراش في بعض المرات مالج خلق له أهنية يجوز التصنع
انا بصراحه عادي اتصرف بطبيعتي وبوقت المعاشره البس واتكشخ بس مو بكل وقت يعني الريال مرات يبي المره بوقت اهي تكون تعبانه شتسوي تقثوله لنطر البس واي خل تتصرف على طبيعتها عادي بس ماتهمل نفسها
/ حبيبتي في الحياه الزوجيه لازم التصنع :shades_smile: اسأل مجرب لازم تكونين متكشخه 24 ساعه يعني مو تلبسين ترتر وتترسين وجهج لمعات لا هههههههههههههه لا أقصد متعطره متشيكه لابسه لبس ناعم ذرب عالموضه:wink_smile: في بنات الله يهداهم راسها وراس زوجها وتلبس دراريع وين قاعدين :74_74: اذا دخل عليج لازم الضحكه كنتي متضايقه منه بيني زعلج لاتسفهيني :sad_smile: هذا زوجج هذا حياتج كلها مالج بعد الله سبحانه الا اهو اذا الله هداه وبس فديتج وفديتها موفقين يارب :shades_smile:
